我headhunt公司有一個部門好特別，佢哋唔係負責hunt人，而係負責train人再搵工。
當年花咗好長時間了解佢哋做緊乜？首先佢哋唔係你行埋嚟話想上training就有得上，全部係接公司客，舉個例：A公司裁員幾十人，因為老闆希望呢班做咗好多年嘅伙計可以快啲搵到新工作，又知道佢哋好耐冇搵工，可能連Linkedin都唔識用，CV都唔識打，所以就畀錢我哋公司呢個department，由一班唔同範疇嘅導師去教授最正確同最update嘅搵工見工技巧。
記得我曾經同呢個department一位男同事講過：「其實你哋會食屎㗎喎！香港地有幾多公司肯裁員之後再畀一大嚿錢出嚟，幫成班舊人再培訓去重投職場？」
佢答我：「係㗎！所以我哋搵客絕對唔易，首先間公司唔會係細，財政上負擔得起呢筆training fee，另外，就算係大公司，都唔係間間肯裁員之後再花錢去幫舊伙計搵工，好多裁員之後賠一嚿錢就結束賓主關係。」
辦公室日報之前打算搞training course去幫有需要嘅人，唔涉及搵工，純粹想train大家搵工同埋interview嘅skill，仲約咗兩位資深嘅人出嚟食過飯，希望邀請佢哋做導師，但及後撞正疫情，租場地唔順利，希望之後可以搞返啦，費用會係全免，我會用廣告費去支付導師同埋場地嘅錢，疫情嗱嗱臨完結啦唔該，一路延期真係好煩。
早排見到Airbnb裁員25%，疫情下全世界海量客戶cancel booking真係有數得計，不過佢哋CEO嗰封公開信，仲有對離職員工嘅support就贏盡掌聲，信中最後一句「I am truly sorry. Please know this is not your fault.」話咗畀員工聽，唔係你哋唔好，亦唔係你哋錯，而係公司的確面對好大困難。
Airbnb嘅支援仲包括股權、保險、職業生涯重新規劃，佢哋出咗個Airbnb名冊，幫離職嘅員工搵下一份工作，畀其他公司去查閱，又用咗唔同嘅團隊去幫呢班伙計搵臨時工同埋作出就業支援，甚至係轉行再培訓。
至於Airbnb 嘅遣散費就係14個星期嘅基本人工，與此同時，被裁員嘅人亦可以拎走公司畀佢哋用嘅蘋果電腦，原因係電腦對搵新工好重要，希望佢哋可以拎返屋企用。
裁員同失業冇人想，但係間公司肯作出以上支援，又或者一啲老闆冇Airbnb咁嘅條件，一樣肯出錢畀離職同事去training再搵工，其實真係好好，我冇咁好命水做過呢類公司，不過都希望其他人喺冇工開嘅時候有多啲back up。
BTW如果辦公室日報個免費training course搞得成，有冇朋友到時願意做義工helper？
fee費用 在 【英文單字教學】花費的英文單字charge, cost, fee, fare用法 的八卦
例句：The cost of building a new branch in Australia is really high.☆ Fee :泛指一般的 費用 ，與中文的 費用 意思相近。如：報名費、入場費等。 ... <看更多>