個香港有冇得救？
喺政治層面上，我覺得係冇。
依家咁嘅時勢，仲講政治嘅，都係on9仔。
唔係話怕咩打壓，而係你講政治，都冇人有興趣聽，
莫講話你，我見到嗰啲重複又重複嘅新聞，都悶到想嘔。
冇人有興趣聽政治之餘，仲會有人衝出嚟話你消費政治、政治娛樂化。
吖但我哋都真係好on9，唔係，正確嚟講，係我啲同事on9啲。
例如100毛個fb同ig，明明啲政治新聞悶到癲，
但我啲後生啲嘅同事，依然會好關心，希望出下post同大家講下。
我當然冇阻止佢地，我覺得佢地心地好好，太好。
我話唔緊唔緊，但同好多已經討厭政治嘅香港人一樣，
間唔時又會唔小心on9一陣。
就好似，依首歌。
半年前已經寫好九成九擺咗喺度，
話係依個show嘅主題曲，都唔會錯得去邊。
幾個月前我搵嚟 Olivia甄詠蓓老師 擔當今個Show嘅藝術指導，
第一次開會，佢劈頭第一句兜嘢問我，個Show嘅重點係乜。
我心諗，下我冇好認真諗依啲嘢㗎喎，
咁十幾對同事眼望住我，
唔通要我dup低頭用隻手摸摸個後腦荀然後笑住答「唔知呀哈哈」咩，
我梗係立刻扮晒嘢，半秒都唔洗就答佢：「無力感。」
係呀，咪就係禽流感個friend。
半年前話想講「無力感」，
到開Show前兩日，我同同事講：
「我哋個show真係好out，而家冇咩『無力感』喇，而家係『無感』。」
Any肥，雖然無感，但每次聽到依首歌、
讀到依首歌詞，我都會眼Sip Sip咁，非常on9。
謝謝陳嘉，唱歌好聽嘅人有好多，
啱唱依首歌，成功傳達到嗰份感情嘅，
得兩個人，一個係你，一個係東方昇，
尤其係東方昇，一唱歌就會旋律暴走，
為免大家喊得太犀利，唯有辛苦你代唱了。
個香港有冇得救？
都話冇。
咁個尾點解咁寫？
大家都只係嚟睇場show，無謂要大家灰住走。
＝＝＝＝＝＝＝＝＝＝＝＝＝＝＝＝＝＝＝＝
收聽：https://bit.ly/2veDImX
《新獅子山下》
主唱： Wander Chan 陳嘉
強行填詞：林日曦、東方昇、Johnathan Chui
原曲作曲：Christopher Chak
原曲作詞：林夕
原曲編曲：陳珀 / C.Y. Kong
原曲監製：Alvin Leong
攔路雨遮掉晒啦
返工的我凍嗎
西裝褸夾硬著磨到有襟花
頹飯也需要加價
點敢睇啲樓價
天天迫上MTR車我回家
原諒我需要養家
屋企都有阿媽
終於都變咗正常人才害怕
如上兩年冇睇化
今年只好睇化
一生一世懶清醒須要代價
誰都只得那把口
拗N次亦難任我擁有
要擁有必先肯假嘅都接受
曾沿著馬路浪遊
為何為煙霧淚流
誰能憑愛意要獅子山私有
何不把灰鳩感覺假設是來自我虛構
議會裡找不到班阿叔發吽
平時餓我就食牛
來年食貓仲食埋狗
我哋乜都有
譚仔裡繞過一周
懶肉我都有
求上帝不要說穿
批准邊個去選
這種玩法經已令我夠心酸
然後嗰邊更加串
選咗至搞清算
早知等我亂9選選阿兆尊
人活到幾歲算短
嗰楷高鐵更短
幾多億買幾里路誰能預算
其實我可以點算
櫻花開了幾轉
東京之旅開心玩咗佢就算
誰都只得那把口
拗N次亦難任我擁有
要擁有必先肯假嘅都接受
曾沿著馬路浪遊
為何為煙霧淚流
誰能憑愛意要獅子山私有
而家嘅灰鳩感覺點㗎係唔係我虛構
「Wo3 ai4 ni3」Ok la點我都接受
明明係我哋地頭
為何越搞越像蛇口
我係想拯救
可惜我得這雙手
有埋你先夠
我仍然想救
你估下來年香港
有沒有得救？
（ig = Lam1Hey）
dup車 在 車CAM直擊- Dup到出晒煙都停唔到 前面架車真係慘 - YouTube 的八卦
車CAM直擊- Dup 到出晒煙都停唔到 前面架車真係慘. 20K views · 11 months ago ...more. 車CAM特警. 142K. Subscribe. 142K subscribers. 99. Share. ... <看更多>