discount會計的八卦，Yahoo名人娛樂都在討論

「喂，聶生，我係Linda呀，我轉咗工喇，新公司想搵headhunt幫手請人，你哋係咪仲收緊15％？」

坦白講，每日接觸咁多客同埋求職者，除非係近幾個月內發生，又或者你係大大大客，否則真係要少少時間先load得掂，何況我年紀大又唔夠ram呢，未load到邊位Linda之前，唯有答：「哦，係呀？又唔係一律15％嘅，junior post通常係年薪15％，middle level 18％，senior或者再高級啲就20至25％，其實主要視乎佢年薪幾多，不如你畀新公司email我，send個update嘅rate畀你吖。」

我真係一個好假嘅肥仔，不過幾廿個Linda，一時三刻好難記，唯一可以肯定嘅係－－－對方唔係大客，甚至未開過單，因為做得成生意就要填好多form同埋send好多email，又要print呢樣嗰樣交去公司會計部出invoice，照計好難唔記得。

抄低個email之後，仍難掩心中嘅好奇，好在我有自己嘅database，雖然只係一個普通excel表，但就mark低晒細節，用個客英文名同埋姓氏就search到，例如有冇畀過discount？對方請過咩職位？send過邊啲求職者去……我主要用嚟方便自己做嘢。

點知唔search猶自可，一search把幾火，原來呢個客以前係就係搵過我請人，但次次都冇下文，好多時send完CV去又唔畀feedback，紀錄見到我安排過4個求職者去佢舊公司interview，當時全部人都劣評佢，包括填完form等咗接近兩個鐘冇人理、面試時態度不可一世、邊做interview邊打喊露玩whatsapp，最接近嘅一個case就係臨尾壓價，搞到我個求職者嬲爆turn down offer，一張單都冇開過，仲要兩年前，唔怪得對佢個名冇印象啦！

Recall返所有紀錄之後，我決定唔做佢生意。同日下午Linda又打嚟：「喂，仲未收到個rate，可唔可以快啲？新公司好多position，畀老細催我交人。」

我：「唔好意思，未得閒住，盡快叫同事send畀你。」

Sorry！我記性雖然唔好，但完全唔影響我記仇。

#學識點樣尊重求職者先啦

我阿媽有次同我講：「飛斯卜成日都見到呢啲嘢，好煩呀！點樣整走佢？」

拎佢個電話嚟睇，原來係facebook，平時主要用嚟睇下親戚近況，所謂成日見到嘅煩嘢，就係辦公室日報啲post，係呀係呀，最初冇人follow嗰陣，我靜雞雞幫佢撳like，咁咪成日見到我啲文囉！

阿媽以為我笑佢啲英文：「飛斯卜點讀呀？我讀錯呀？」

我：「讀得好好架喇，你嘅學習心態仲強過我哋班後生仔女。」

媽：「強乜鬼吖，其實你份工咪幾好，公司咁多鬼佬，可以同佢哋傾計學英文。」

我：「有外國人唔代表會教你架，公司始終唔係學校，人哋覺得你英文唔掂仲麻煩呀。」

有幾麻煩？之前有個客覆email就咁講句thank you之嘛，另一個同事回咗句my pressure，雖然客人畀咗我哋好大壓力啫，都唔使直接講出嚟啩！會唔會係my pleasure呀？

呢個email本身cc緊十幾個人，又有老細又有會計，我睇到之後都好大pressure，而家諗返仲會尷尬癌發作，好在阿媽叫返醒我。

媽：「所以話讀書幾重要呢，社會就係咁現實架喇。做嘢好辛苦英文點講呀？」

我：「......I am fine.」

媽：「下，幾個音咋，英文咁易架咩？」

英文肯學其實好易，喺職場上站穩陣腳先至係最難，I am fine除咗唔想令身邊嘅人擔心，亦係提醒自己撐住，喺人生呢場馬拉松當中，挑戰實在太多，唔想畀社會淘汰就要好好去裝備，咁先係真正嘅fine。

Lingoda網上語言學校都搞咗場外語馬拉松，要陪我哋一齊去跑，上晒堂就可以獲得最高100%學費回贈，每日一個鐘，連續學3個月，唔止養成良好習慣，仲可以Upgrade自己，令外語更流利，最重要係由外籍老師幫你，好過問公司班鬼佬，24小時全天候任你揀時間，唔知幾時收工都冇問題啦！

記住呀，上晒堂可以退錢，唔使考試，唔使交功課，最緊要參與同投入，學到嘅嘢係終生受用架！名額有限，1月21日就開始上堂，快啲click以下連結了解同留位啦！用埋呢個voucher code： STUDY31 仲有discount ，下次有人問你做嘢係咪好辛苦？希望你句 I am fine係出自真心。

http://bit.ly/misstang

金融講ED: 渾水
揭穿內地買殼 走資的財技套路

海外傳媒《華爾街日報》話習大大親自下令嚴打走資，同時近期傳萬達、海航等大型民企融資渠道接連受限、復星又被查，看似有料到，該報講法儘管不全中，但也不遠。走資和打貪都是習大大的管治方針，這是不諳國情的我都知道的事實。渾水自己都多次撰文講過，好像海航這類巨企的併購規模，完全是過度借貸，違反一般商業邏輯。

分析員盲睇會計數字和做modelling，睇唔到一般財技本質。走資第一個基本套路是胡亂併購境外資產，外國資產是最直接、簡單把錢搬出外邊的「工具」。何況做一單收購，過程涉不同單位、技術人員，如要這班友都是「自己人」，可間接過河濕腳，抽油水。

買境外資產變相幫公司提供集資或借錢理由。以往內銀借「內保外貸」幫中資走資，但「內保外貸」被打壓，故要有「內保外貸2.0」。中資先在香港買一隻殼，然後供股，中資自己做埋包銷商，只要資金參與供股，就變相逃出境外，由內地錢包走入香港上市公司錢包入裡，成功走資。錢一在香港，馬上易搞好多，香港無資本管制嘛。巧妙之處在於，如跟內銀融資部門解釋借錢用來買境外資產，銀行會尷尬，因意圖太明顯；但如解釋融資是借錢包銷「自己」股票則不同，總算是自己公司搞集資嘛，門面解釋好睇好多。買境外資產也是為跟上市組解釋供股「集資用途」，如無厘頭供股作營運資金，那供股規模有限，也不易通過，走資走不了多少。買大件資產就有理由走大錢。分析呢類供股不能單一睇「供乾」、「供錢」之類，而要符合國情，考慮埋「供股走資」因素。

尤其是這些公司本身已非常貨源歸邊，再供乾是不合理的，供股這個理由也牽強，底蘊在於貨源歸邊90%的股票參與供股，才能把90%的對等資金搬走境外。這些有潛在目的的公司也不在乎小股民會否參與供股。通常搞供股的股票，只有供股價比市價折讓夠大，才能讓小股民有誘因供股。走資殼的心態是：「你供股咪當送錢俾我使囉」，所以供股價跟市價長期貼水，小股民亦無誘因供股，因為公司重視的，是更大的錢要走出來，不是那些幾千萬的游資。

這類走資模式可混合押股和私有化一起搞，愈搞愈複雜。近年很多公司幾百億元資金搞私有化，那也是違反一般商業邏輯，想來想去都是走資這個原因。因為股價炒高，暗手倉的股價也水漲船高，只要大股東搞私有化，就變相百鳥歸巢，把資金大比例搬去已經水漲船高的暗手戶口，離開境外，又是一招高明殺著。所以，甚麼「私有化要回歸A股」、「市價無法反映資產折讓過大」這類放屁分析員理由，我只信一半。

一隻殼的用途不只是用來炒，也可用來走資，這也解釋了為甚麼殼價水漲船高。現在已有數間公司玩這調兒，買完殼後就搞供股，名字我就不公開了。內資從商不是講商業邏輯，講business model咁單一，而是符合國情，講survival model。因為走資的本質，是涉及商人、官員生與死的問題，只要人在國內，錢在國內，都不安全。錢在國外，才是自己的。

https://www.am730.com.hk/…/%E6%8F%AD%E7%A9%BF%E5%85%A7%E5%9…
----------
【超級煩膠書展優惠】《殼股財技 X DisclosureTracker X 活色》

適逢撞正書展，所以提供特選限定優惠。相信睇我本書《殼股財技》的朋友，都大概知道殼股點樣炒，甚至乎有朋友會用DisclosureTracker的披露功能去睇手花持倉。DisclosureTracker係一個追蹤莊家手影的系統。

如果你買了我本《殼股財技》或史丹利(史丹利隨筆)本《活色：介乎毒男和金融才俊的中環詩意》，請「share這個Post」及「影一影本書、影一影張單去PM我」，我就會比一個Promotional code你，只要你用呢個code去訂閱DisclosureTracker，就會有優惠。

Discount: 購買 $3880「普通版」年費時輸入coupon，會幫大家upgrade多功能價值 $5288「專業版」，相等於75折 / 每月節省 $117。

By the way, 呢幾個月太忙，無開過Live同各位朋友交流，書展期我會於22/7(六)：下午3時至4時，天窗攤位(1A-A16)和各位讀者見面交流，講下殼股、講下金融圈咁。星期日4:00都有交流會，在華富(1A-B20)。

渾水《殼股財技》天窗攤位有售。
史丹利《活色：介乎毒男和金融才俊的中環詩意》於港股策略王攤會有售（如無意外）
DisclosureTracker：http://disclosuretracker.com/landing

#渾水
#殼股財技
#sell書可恥
#sell書雖可恥但有用