《尋找返嗰份快樂嘅節奏》
曾經我喺地鐵站睇過一個廣告，佢呼籲長期受到痛症困擾嘅病患者，要學識同痛症共處共存，佢嘅意思係，其實有啲嘅病痛係冇辦法根治，所以長期受到痛症困擾嘅病患者，要學識點樣分散注意力，用自己嘅mindset同痛症共存。
呢個幾月我終於明白到呢個廣告嘅真諦
6月開始，我諗大家都好攰，身心俱疲。如果你係一個打工仔，你應該明白星期五嘅攰， 係好似複利息咁，星期一累積到星期五。六月開始嘅嗰種攰 同埋低落，好似compound interest咁越滾越大，我覺得大家要學識點樣喺長期抗爭嘅日子尋找同搵返快樂嘅節奏。
實不相瞞，喺呢個幾月，我做個好多好多嘢，希望喺社會氣氛咁低沈嘅時候，尋開心。
我呢個幾月，試過進行深度嘅digital detox，唔上Facebook IG 唔睇新聞。試過瘋狂睇唧黑頭片段一整晚，連續睇三百集真情，不停replay maymay 食泥，不停咁睇小丸子同mr bean。最近愛Bollywood dance，除左報名上堂，仲瘋狂跟住Bollywood YouTube片舞動全城。
大家如果抗爭攰了，唔好自責，搵啲開心嘅嘢做，
最後係之前我收到inbox message， 問我嗰本書仲有冇得喺市面上買？其實我都唔知道我本書仲有冇得買，但你想睇書，其實有好多書好睇。聽日至下星期2係書展，幫我出本書嘅出版社 創造館嘅老闆，幾日前好有型咁話：知道今年大家可能有其他重要嘢做唔得閒去書展，佢話唔會計較銷量係幾多，同香港人齊上齊落，純粹覺得 佢呢個諗法 好有型，想擺上台面表揚佢。如果大家想去睇下書，搵返快樂嘅嗰種節奏，去書展行下啦！
最後嘅最後：Bollywood music 真係有種難以抗拒嘅開心感覺，點返首開心Bollywood 比大家聽，下次抗爭唔想咁靜態唱聖詩，together 跳Bollywood呀不如，啲差佬可能都忍唔住不由自主跟住跳。
識唱一齊唱：Dola Re Dola
digital detox意思 在 Need a Digital Detox? | Tania Mulry | TEDxLaSierraUniversity 的八卦
... <看更多>