【英國Channel 4新聞：香港學生到英國爭取國會支持】
簡單直接嘅直播室訪問，震驚觀眾的「遺書」決心...唉
今日（9月11日）英國Channel 4七點晚間新聞時段，訪問三個由香港去到倫敦，爭取英國國議員支持香港人呢場運動嘅學生領袖（主播叫佢地係"Student protest leaders"）。响電視前面睇住呢個短短三分幾鐘嘅訪問，忽然個腦出現咗兩個「分身」。首先作為香港人，睇見呢三位「暴徒」無口罩頭盔去英國全國性電視台，不禁對佢地嘅勇氣有份敬意同時痛心。然後再代入英國普通觀眾嘅視角，會感覺佢地所要求嘅支持合情合理，恰到好處之餘，亦對佢地嗰份「死也不怕」嘅決心覺得驚訝。
主播開始嘅時候，解釋香港呢三個月嘅示威，由爭取撒消逃犯條例，演變成全面爭取民主嘅運動。不過對前英國殖民地（Previous British Colony）嘅香港黎講，可能係一個好重要測試案例（test case），到底啲市民可以去得幾盡（how far are the citizens prepared to go），而中國又準備有幾強硬去制止（how much force is China prepared to use）。好似好簡單嘅講解，其實三個keywords已經包含咗全個訪問嘅要點，第一，就係因為係前殖民地，所以呢三個學生先黎爭取議員支持。第二同第三唔洗解釋。
介紹完三位學生，問題就直接問國際尤其是英國政府，對香港呢場運動嘅支持有幾重要？
答：我地相信（we believe）英國對香港有道義責任，去嘗試（try to）照住香港人同檢視聯合聲明嘅執行情況（即係失去自治嗰啲）（believe同try用得幾妙）。
問：咁實質上，你地覺得廢國有咩可以做到呢？
答：我地嘗試要求英國將BNO持有人嘅權利擴闊（expand the rights），同時要求英國成立Global Magnitsky Act法例去懲罰違反香港嘅基本自由、人權同自治嘅人士。（留意係無話BNO平權，同時亦知道英國國會對政府去修例係有訴求嘅，不過係對付俄羅斯（即係順便囉）。）
問：你地覺得中國人民理唔理解香港人嘅訴求，還是覺得香港人係縱壞咗嘅細路呢？
答：有啲可能因為網絡封閉而唔理解，但係只要了解咗都係支持嘅。
問：你又知？
答：响網絡上嘅簡體中文留言睇得到唔少中國人支持。
（算唔算係不分化，團結大多數，不製造對立面？）
問：你地知唔知你地所做嘅會變成好暴力（get violent），唔代表依家，但中國有機會選擇用好暴力去處理，你地有無心理準備，個人嘅身體暴力喎（personal violence）？
答：有晒，我地相信所有示威者都準備好，因為我地依家係為香港嘅自由自治同基本人權而戰...
打斷追問：即係你想象過暴力（鎮壓），可能被撞傷、被打甚至被射殺？有幾驚？
答：YES，唔只我地三個，相信所有示威者都有想象過亦都驚嘅，但呢個已經好似係香港嘅endgame，所以我地已經準備好。
問：有無同學或者朋友因為擔心，會諗住退出？
答：我地覺得有好大部份（示威者）都已經準備好用條命去保衛香港（use their lives to defend Hong Kong）。
問：你地應真咁諗，「用條命」？
答：我地每個人都準備好遺書....（唉，唔譯喇，自己睇，明就明...）
Video Source: Channel 4 News at 7pm 11/09/2019
P.S. 唔係乜乜七七字幕組，唔專業亦唔會有心情，只係意譯，so99y。
#Salute
#StandWithUS
colony中文 在 colony中文(繁體)翻譯：劍橋詞典 的相關結果
Australia and New Zealand are former British colonies. 澳大利亞和紐西蘭從前是英國的殖民地。 a group of people who live in a colony. 殖民地定居者群體. ... <看更多>