人不犯我，我不犯人，做人基本。
最近有網友pm 我，叫我留意有條片，
周顯評論我商業銀行戶口件事件。
亦有朋友叫我千祈唔好聽，
因為內容極盡人身攻擊同羞辱能事。
我無聽曬，撳咗入去片中間，聽咗十秒。
首先，我個人唔認識周先生。
我一直有睇佢「肉食中環」嘅專欄，
都算係佢讀者。
我和周先生本身沒有友誼，
現時眀顯政治立場不同，
對於我公開商業銀行戶口被取消，
周生所發表嘅言論，我不會逐點深究。
片段我聽了10秒鐘，聽到幾個關鍵詞，
咁就講吓呢幾點，然後出去食飯嘞😉
1）話我中文差劣，扮才女
我一直覺得，外界稱我為才女，係因為我1990至2000年間，創作了450首歌詞，及出版42本書籍，另外撰寫多份報章雜誌專欄。
才不才，可能與產量及作品影響力有關，
無人話過我，包括我無話過自己，中文程度高。
咁至於「差劣」與否，睇吓同邊個比啦。
我覺得周生文筆OK，講故事及作故事能力亦高，
佢覺得我差劣，咁可能係同佢自己比較啦，
呢方面，我無意爭拗。
2） 我聽到話我性交轉運
「性交轉運」這題目我一向好有興趣，想知道點解有人會信。
如果周生日後再講性交轉運，而唔係攞我嚟講嘅話，我都好想聽吓。
至於我，當然有性交；但點樣幫到轉運？願聞其詳。
3）我聽到周生講凍結（frozen)戶口，叫我唔識就咪亂講
我連銀行通知信都post埋出嚟，件事係取消戶口（cancel account），銀行有叫我攞返啲錢出嚟，我從來無講過係凍結戶口，我亦都無誤會銀行嘅意思。
明白blame the victim係個發揮方向，
但我個post已將原封銀行信件刊登出來，
仍令周生誤會我投訴戶口被凍結，奇怪。
「有可能被通知一個月內取消戶口 」-
呢個係好多中小企面目前面對嘅情況。
周生係財經界金融界人士，
希望佢可以用佢嘅知識，
幫助面對呢啲情況嘅中小企做個分析，
或者提醒下大家，
關於使用商業銀行戶口，有乜嘢要注意。
4）佢話：呢啲咁嘅女人，唔好獻世
其實我唔係好明白獻世嘅意思，
無論男人女人，一日未死，
人總需要勇敢生存，我還是重新許願，
但求學會，承受周顯 😂
至於周生對我嘅評論，我唔會聽，
因為對我來講完全無資訊性。
我本來就無諗住要多一個藍朋友，
而周生呢個同我樹敵嘅動作，我收到喇。
各位網友唔再需要send段片比我，
已經收咗好多次 😉
呢件事只係帶俾我一個訊息：
周顯無端端樹我為敵。
Ok，此關係經由雙方confirmed👌🏼
cancel中文 在 中森明菜キャンセルcancel 中文歌詞 的八卦
中森明菜キャンセルcancel 中文歌詞. 12,381 views12K views. Jul 12, 2019. 180. Dislike ... ... <看更多>