琴晚成晚都訓唔著，因爲好緊張。
我籌備左好多個月既街頭服裝品牌《boyhood.》正式開業。
▼馬上瀏覽boyhood.網店!▼
https://www.boyhood.jp/
雖然剛剛係YouTube都有出條片簡單解釋過點解想搞個品牌，不過係呢度都想文字講一次。
1，觀衆donation/付費會員
一路以來我都好開心，有好多觀衆選擇用付費形式去訂閲我既youtube頻道，係我遊戲直播既時候，久不久又會有觀衆donate表示支持。
不過我一路都有個心結，就係我無任何實體既野去俾返大家
通過搞呢個品牌，好支持既觀衆就可以有野收到手上
2，我著衫好老夫子
我平時自己買衫，著得舒服既衫我會買好多件，一樣cutting一樣size，唔同print唔同色...etc.
可惜經常想買第2件既時候，好多時件產品已經下架，想買都買唔到...
我自己生產，自己品牌，以後我想要咩衫褲，我一定可以買到。
3，正所謂槍打出頭鳥，自舊年6月起，我接到既宣傳工作已經越來越少，終於係呢個10月份，我地正式收皮了~ 0宣傳工作offer。哈哈哈哈...
無品牌揾我宣傳咩？無問題，我自己搞一個！
基本上就係咁喇。
關於更多產品既資料，大家可以去網店睇睇，或者係youtube/facebook留言問，我答到就盡量答。
等陣食完lunch我會開始直播打機，大家亦可以去我直播度發問。
暫時係咁啦。
產品種類比較少。我初期投資好難搞太多種類，希望以後可以慢慢增加。
