《打工仔放假旅行系列－－－福岡超業餘食評》
感謝福岡嘅朋友仔同我去食地道好西，行過一個有屋台嘅地方，我話：「呢度得兩檔屋台咁少嘅，福岡好似有度成條街都係屋台架喎。」
朋友仔話：「嗰啲專做遊客生意，唔好食架。」
又係喎，我哋身為香港人，喺香港都盡量避免去專門招呼遊客嘅食肆，因為大家都知咩料。
噚晚食咗呢間唔係屋台，係專食魚嘅居酒屋，每日都有新鮮魚返，冇人講中文（除咗我），冇任何中文字餐牌，咁我就放心喇，身後仲有一堆日本白領放工嚟開餐，最重要梗係有OL啦！
好在朋友仔識日文，我完全唔知餐牌係乜，如果你哋嚟，唔介意就指住啲圖叫啦！師父同侍應都超級nice，個海膽豆腐要大大力推介，成板海膽鋪喺自家製豆腐上面，呢板海膽就算喺大阪黑門市場都應該要5,000yen走唔甩。
然後有蔥花嗰個唔知咩魚塊係名物，呢個好味，記得叫。另外有個刺身拼盤，一個鹽燒唔知咩魚頭，兩個人去食，埋單係8,186yen，即係585港紙左右，呢個價錢其實仲有兩隻冇影遺照嘅鹽燒大蝦，一杯啤酒同埋一杯日本酒，有機會去福岡嘅朋友試下啦，其實好近市區，有咩事喺博多天神打的去應該頂盡千幾yen車費，行10分鐘已經係天神地鐵站，個網站就話近赤坂駅（我反而見唔到）。雖然置身橫街之中，不過地點唔算僻，門口大大張黃布有個魚字，最重要係冇被遊客攻陷，服務態度、價錢同埋環境氣氛都係好地道。
原諒食評咁業餘（冇收錢係咁上下啦，收錢廣告我一定寫返啲魚名出嚟🤣🤣），但我盡量將資料記低畀大家，圖片已有地址，係上面中央區大名店嗰間，用得著就bookmark啦！
http://www.fujiken-fukuoka.com/izakaya/daimyou.php
bookmark中文 在 求救!! google chrome 書籤管理選項中文全亂碼(已解決) 的八卦
求救!! google chrome 書籤管理選項中文全亂碼(已解決) - 設定中與有中文的書籤.全部都顯示正方形的亂碼框框我根本什麼東西都沒有弄過....突然就變這樣了我整個解除 ... ... <看更多>