《我真係好希望政府立法規定夫婦要通過IQ測試先可以生育》
呢幾日睇到一個新聞， 一個從來都無紅過嘅靚模dada， 同一個疑似California撩人買健身package嘅健身教練， 接受蘋果嘅獨家專訪，話佢哋有咗五個月BB， 蘋果一貫仆街嘅採訪手法， 表面上好似恭喜呢對新人， 實際上大字標題寫未婚陀b， 而且仲節錄咗一句聽起都覺得屎滾嘅言論，搞大dada個肚嘅男朋友話 「呢個係計劃之內，我俾一年時間佢，如果佗唔到BB就分手。嗰時我真係咁同佢講，我要傳宗接代嘛。」
聽到呢個講法嘅時候，我覺得無論男方定女方，佢哋邏輯思維都非常有問題......
男方話未婚產子係佢一早計劃， 因為佢係非常傳統嘅人，希望傳宗接代。如果佢係一個非常傳統嘅人， 根本唔會未結婚就生仔，未婚生仔本身就係非常違背傳統嘅行為。
未結婚要求女朋友生仔，根本唔係傳統嘅人所為，佢呢個計劃，係一個conditional offer， 「你完成任務我先至同你結婚」， 其實同打工無分別，你提供生仔服務， 我就畀個名份你作為報酬。如果呢個conditional offer係由李澤楷提出， 我覺得成件事合理好多，係你要有自信，覺得自己條件好， 女朋友唔可以放過你，你先會提出呢個conditional offer。一個疑似California撩人買健身package嘅健身教練，真係哪來的自信， 而最奇妙係又真係有一個傻西落搭...
作為一個靚模，要真愛就正正經經搵個男朋友，要搵老細拋個身出嚟做， 就踏踏實實搵富商， dada 如果話因為真愛先配合男朋友， 同佢實踐呢個conditional offer， dada真係智商比較低， 真係鍾意你， 點會講到生仔係打工job duty 咁？如果係想搵老細， 呢條友quality未免太低?
而最智障係， 佢哋兩條友竟然接受蘋果嘅訪問， 蘋果擺明就串鳩你未婚陀b，個疑似California撩你買package嘅健身教練男朋友 ，仲好似情深說話未曾講咁，連呢個conditional offer都拎出嚟講， 真係男嘅肉酸，女嘅無面。
同樣嘅說話， 肥姐喺志雲焗飯提及過， 佢話當年秋官提出畀三年時間肥姐， 如果無仔生就搵過第二個 ，但事實係，秋官嗰時已經有第二個女人， 秋官只係想搵個同肥姐分手嘅藉口，後來肥姐真係有咗欣宜，肥姐形容，婚姻真係好影響個細路仔成長... 如果婚姻嘅beginning 已經係conditional offer，繼續落去，個細路同祭品無分別。
其實睇呢段新聞最嬲嘅， 除咗係現代仲有男人當女人係自己傳宗接代嘅工具， 更嬲嘅係， 好心你哋就唔好生啦 ， 男嘅智障 ， 女嘅遇到個智障男都仲落搭， 我真係覺得個細路好可憐...
PS. 有讀者問我有關台灣同志平權，同志婚姻合法化嘅睇法，其實大家反對同志婚姻最大嘅理據， 係同志婚姻違背人類兩性繁衍後代嘅道德， 其實完全唔需要擔心同志婚姻會窒礙人類繁衍， 因為有好多異性couple，係好不自量力咁， 不停繁衍， 生勁多細路。而與其指責同性婚姻窒礙人類繁衍， 我覺得應該立例智商太低嘅異性禁止生育，啲人話支持同性婚姻合法化會鼓吹同性戀， 我真係寧願鼓吹同性戀， 都唔想激勵智商低嘅異性couple不停繁衍後代。而且同性戀嘅人無大家想像咁易俾人鼓吹到，有勇氣喺異性戀主流嘅社會，承認自己係同性戀，點會咁意志薄弱俾人鼓吹到？
