back office銀行的八卦，Yahoo名人娛樂都在討論

偽人

「個個喺ibank做都叫ibanker，唔通個個喺醫院做都係醫生咩？」拿起那gin tonic，跟眼前這個剛剛認識的女生碰杯去慶祝那共鳴：「係就唔洗急症輪咁耐喇。」

早排亂入一個Oxbridge alum drinks，本來計劃溝下麥明詩師妹。誰知沒有麥明詩之餘，林作氾濫。

見女多男少，正要感嘆現代女性的確比男性讀書優勝，Oxbridge這類高尚學府陰盛陽衰也是社會現象的時候；談吐之間才發現很多女孩子根本不是牛劍畢業的。更多就是讀過一年LLM或MPhil洗底，甚至只讀過一個exchange就扮牛劍-- 偏偏這類人最喜歡流連這些場合。誇張的甚至連港式英文也未講好就把Facebook profile改成只有Oxford/Cambridge的network，連from也改了Great Britain；只怪自卑心作祟。

也有不少是由其他學府過來獵所謂的荀盤。無他的，良禽擇木而棲。我的母校也跟大不列顛隔了一個太西洋，所以我沒資格話人。

一大班藍血男，個個以為自己是蕭叔叔用喉嚨丁講嘢就以為是性感。這個聚會「精英」濃度算高：個個都是富n代，"ibanker"，律師(Solicitor vs Barrister大概九比一) -- 沒醫生，因為海外讀醫要transfer回港並不容易，比律師只考PCLL還要難。大部分出入大中環區，但就算返九龍灣retail bank back office的人兄，今晚明知睇牌面搵食點都要笠返件老西。

有的當然本身三五成群，也有的生硬地派卡片。每一羣人也不同，但大至分兩類：齋仔圍埋和有男有女。

齋仔群：熟的就表面鬥廢暗地用腕錶車匙較勁，生的就networking上身想盡快摸清眼前這條友的底勢，有利用價值的就留冇就走。我當然不會在一打腸之間浪費苦短的一晚。

有男有女的群：熟就是小圈子，外人插不進去；所以我整晚就是游走在半生熟之間，笑看這群自命alpha male的孔雀鬥開屏。

若不是industry event，在完全三唔識七而有女的networking場景，開場話題離不開背景和做哪行。但在這種理論上也是知識分子，不是banker就是律師的場合，怎也不可以一句「我做投行」諗住過到骨唔會俾人笑。但我遇到的回答也不遑多讓的廢，方式通常有三個層次：

1. 大行的話就公司名行頭
2. 細行而做好似hot的function/部門就只提部門
3. 以前做過乜乜

1. 大行的話就公司名行頭，甚至講個公司名就算

例如：「我係Goldman做。」
Goldman Sachs咁大，前中後你做晒？問多句搞緊乜就話：「呢排忙System enhancement，你知喇Mifid2啲野！」哦，原來是同行！FX定Credit呀？講多兩句先慢慢愈來愈細聲：「Goldman..back office..system support。」得，明，我杯野飲曬添。

2. 細行而做好似hot的function/部門就只提部門

例如：「我做Private Bank的。」
咦？有冇見過葉朗程？係咪真係咁靚仔？
「冇...我嗰間唔係ifc」哦，邊間？ICC？咁早過海飲嘢？
「大新！」吓？大新有PB㗎咩？一球港紙開戶呀？你睇邊類客？「我跟個RM睇HNW...」阿蠟筆小新，我怕你RM如果知你用佢個名呃蝦條會kill-u-later呀。

3. 以前做過乜乜

又例如：「我以前做邊度，我以前做乜乜乜既時候係點點點，我以前都識邊個邊個。」
大哥，too much information！我想問你係邊個，宜家做緊乜？

Don't get me wrong。我的不是白鴿眼，行行出狀元，只歧視bad faith盲衝的可憐蟲。尤其華人社會，白領專業階級至上，面和名太重要；個個充大頭鬼，撻朵。係唔係都衝左先！唔識就嚇死，識就笑死！

香港作為金融中心，個個都喜歡做ibanker。櫃台又叫自己ibanker，後台做settlement又叫自己ibanker，就快喺茶水做也是ibanker！

有人認為，莊生，出黎獵食吹大D人之常情！咁又冇呃你佢地喺ibank做咪ibanker囉！醫院咁大，又唔見那些護士、藥劑師、放射治療師落club自稱醫生？Group埋叫「hospitalists」好冇？

另一個十分討我厭的是香港藝人自稱artists- 可能我listening差，but I'm pretty damn sure they called themselves artists and not 讀者們指出的"artistes"。印象中這稱呼大概由英皇twins年代開始，出來玩下掌門人又係artistes；唔係啞就可以出碟的年頭，何art之有？以至荷利活巨星也分得很清楚：唱歌的singer，做戲的叫actor，連畫畫的也只叫painter。art乜ist？artistes都不如。只能算上呃est！以同一道理，導演也不會叫自己artistes，是director! 點解？因為proud，因為知道自己在做什麼，價值是什麼！

在一家銀行，前中後各有角色和重點；一個trader不單不會自稱banker，他甚至會告訴你他trade什麼，只怕你聽不明！做structuring的，syndicate的，issuance的，risk analytics什麼也好；只要知道自己在做什麼就不需要拘泥於一間公司名，一個industry title，更不需要把自己歸納於一個根本毫無意義的代名詞中！

以為在呃人，其實在呃自己！

各位，我已離開分行一段時間了。

這段時間轉到去銀行和保險公司等的Back Office。

不經不覺已開Page兩年有多，有幸與大家一起成長，小妹現已成立小家庭，變成一個Working Mum了。原本打算不再寫作，但捨不得各位朋友，決定繼續寫落去。

呢個Page亦會由「90後銀行小妹甩轆記」更名為——「職場甩轆記 • Bella Wan」，而接下來的日子，我會和大家分享職場上的點滴，希望你們喜歡！

多謝大家一直以來的支持🥰

各位，我已離開分行一段時間了。

這段時間轉到去銀行和保險公司等的Back Office。

不經不覺已開Page兩年有多，有幸與大家一起成長，小妹現已成立小家庭，變成一個Working Mum了。原本打算不再寫作，但捨不得各位朋友，決定繼續寫落去。...
See More

疫情持續，人人都想找機會除下口罩抖抖氣，行山就成為不二之選。近幾星期，郊野人山人海，垃圾多籮籮，情況慘不忍睹。一班年輕人自發組隊上山執垃圾，卻被人當流動垃圾袋，不禁直斥︰唔好當老奉！

一般的老闆怕伙記Work From Home（在家工作）變Work From Hill（行山），本地初創公司的股東之一Eric卻主動相約同事行山抗疫。Eric本是個熱愛行山的人，平時都有邊行邊執垃圾的習慣。今次邀請同事一起上山，因為他希望用行動去感染更多人︰「你要鍾意大自然，你才會懂得珍惜她。」

「獅子山仲多人過商場！」Eric直言行山客多了，垃圾亦增加不少，有時連三五個垃圾袋也不夠裝。採訪當日，Eric小隊走了大半個小時已經執到五個棄置口罩。非常時期非常操作，他們增購了長鉗等裝備，方便他們拾起如口罩、濕紙巾等「高危」垃圾，更特地買了可完全分解的垃圾袋，「反正都係，做埋呢步啦！」

昔日優美的山野景色淪為「垃圾煉獄」，他們大感心痛，不過最令他們傷心的是經常被當老奉。「有阿叔塞個口罩畀我，仲同我講『唔該你年輕人』！」遇到這種山友，他們會毫不留情地拒絕代棄，更直斥「你唔識自己拎番落山？」

「喺街都唔會亂拋垃圾啦，係咪山上冇垃圾桶冇人管就要亂掉？」，Eric指因為疫情，多了很多行山新手，其環保意識有落差是可以理解的。雖然他們大多都欣賞義務執垃圾的行動，不過同時又會「貪方便」，不願自己帶垃圾下山。

Eric建議如果大家想為環境出一分力，不妨如他們般組成「山野清道夫」，幫手將山上垃圾帶回社區掉棄。他又指若遇到上述無品行山友，不用感到害怕或尷尬，記得馬上上前溫馨提醒，「自己垃圾自己帶走」。

三月初的一個潮濕早上，微雨紛紛，雲霧遮蓋着馬鞍山礦場遺址，令人猶如置身仙境，難以想像數星期前同樣地方正受山火蔓延之虞。

「見到火種好近我哋，不斷有火舌飛到天上，距離大概一百米左右，就喺我哋後面山脊燒緊！」Ric是鞍山探索館的館長，負責保育及推廣本地礦場歷史的工作已八年。雖然不是第一次在這山頭經歷山火，但這次規模特別大，令他心有餘悸，「其實只要風向轉啲，如果火一落嚟，就好快燒到我哋。」

如果中心真的被燒會怎樣？「一定好心痛」，作為館長，護館心切是理所當然，「無論我哋嘅建築，定留低嘅文物都好重要。」Ric記得火災當晚，他與同事跑回來了解情況及「執包袱走」，將部分文物帶離近火場的地方，令損失減至最低。最後虛驚一場，他始鬆一口氣。

「因為都係大家由零開始建立出來嘅地方」這份痛心，源於Ric的用心。回想八年初到貴境，四處雜草叢生，一片荒蕪，館長就由去雜草開始，一步一步把中心辦得有聲有色。

一館之長就是坐在冷氣房內䟴䟴腳？Ric也許是其中一個例外。他會沖咖啡，為中心內的咖啡廳研發新菜式，最近較為應市的有「口罩型麵包」及「COVID-19型肉丸」。他與同事打成一片，對他們信任有加，「以前我好快就會將自己諗法講出嚟，依家發現可能唔出聲，佢哋嘅創意仲犀利過我。」

互信令中心職員如家人般相處，因為疫情要Work from Home，但他們就自願Work from Hill，構思出新計劃，嘗試彌補山火後的損失。Ric在山火後曾多次到火場視察，發現不少垃圾，所以他和同事們打算向行山人士派發「山野背包提示帶」，又計劃植樹，向公眾宣傳「山野不留痕」的訊息，減低留下火種的機會。

活動名為「大奇迹日」，Ric可相信奇迹？「我相信，我哋過去一直做鞍山探索館嘅時候，都無諗過可以連繫到唔同人，人與人之間嘅連繫係最重要，每個人都可以做到少少嘅時候，就對環境保育嘅影響好大。」

每個人都可以為自己想看到的風景努力，一起創造奇迹，好嗎？