餵人奶空姐媽媽的辛酸，有誰明白？
🤱🏻🤱🏻🤱🏻🤱🏻🤱🏻🤱🏻🤱🏻🤱🏻🤱🏻🤱🏻🤱🏻🤱🏻🤱🏻🤱🏻
我生完小菇，未復飛之前係全人奶，但開始飛返之後堅持了4、5個月喂人奶就放棄了，原因係，實在太累了。
等我講講我返工的時候係點繼續喂人奶，你就明白。
首先返工一定要帶齊2 set的泵奶器具，儲奶袋，雪袋，冰種，喂奶巾，消毒濕紙巾，缺！一！不！可！依度已經佔大半個小黑。
要飛的日子，返公司要先泵一次清曬啲奶，咁就差不多可以頂到上機，再派完一餐後(已經4個鐘+)先再泵。
😖有時delay真係好大鑊，有次喺飛機delay2個鐘，谷住奶等派完餐已經係6,7個鐘後！谷到痛！
😖派完餐唔代表可以去泵奶㗎！先睇下餘下的機程有幾多，仲有時間就問下上頭可唔可以用20分鐘泵一泵奶先，
😖有啲呀哥呀姐真係會唔鐘意，勉強俾你去泵之後令你難堪...唉。
😖我試過好幾次喺廁所泵奶的經驗，實在好不安，一來廁所「非常衛生」，二來經常俾人拍門，我成日覺得喺廁所泵奶的奶量係少啲，可能太大壓力...
😖如果派完餐仍然有好多call lights/full load/有突發事，你走去泵奶？其他人做埋你果份咩？
所以可能都要等落機/或者長途機中段的休息時間先囉。
如果飛即日來回的機，客人落機同新一批客人上機中間就有一個鐘的時間，通常我會趁依個時候先泵。
😖轉機依一個鐘通常係超級繁忙，我地要準備下一程機的物資，set報紙，換餐車，chill飲品，補充廁所物資，用膳，安全檢查，上客等等，如果我用咗20分鐘去泵奶，我就乜都做唔到。對於同事們為我分擔我的工作，我心存感激亦非常不好意思。
😖另外，面對好多人會𥄫到你泵奶依件事，除咗面皮要夠厚都無乜其他需要注意。
😖因為我唔會雪藏人奶，所以會擔心人奶唔夠凍，要放好多雪種，酒店的雪櫃又經常唔夠凍，一定要攞冰座住啲奶去「加凍」，所以成日要換冰。
😖去酒店泵奶就一定啦，其他菇瞓覺/出街，我就喺房定時「製奶」、洗奶泵，瞓得唔多又無得出成日街，定時定候乖乖返酒店泵奶。
依家回想果段做乳牛的日子，覺得自己為咗帶包新鮮的奶返去俾小菇飲可以去到有幾盡，雖然係又辛苦又麻煩，但係見到佢好鐘意飲，而且又健康肥美，就好滿足，然後下一班機又再繼續。
實在好佩服仍一直餵人奶的飛媽們，有媽媽真係餵到2歲仍然堅持，你地真係好勁好利害好偉大！我哋依行要堅持真的真的好唔容易，希望大家都可以支持人奶媽媽，少一啲批評，多一啲體諒。加油！喺飛機遇見我會用行動支持你地㗎！
#飛機係超級唔babyfriendly
#航空公司有無諗過哺乳媽媽的需要
babyfriendly 在 Baby Friendly Initiative | Call to Action - YouTube 的八卦
Unicef UK's Baby Friendly Initiative is calling on the UK and devolved governments to take urgent steps to protect, promote and support ... ... <看更多>