【#午夜狂野思考模式】一向走潮人路線嘅I.T.（999），因為一餐撐警飯，展開被裝修之路。你可能會問，呢餐飯到底有幾貴呢？
首先，大家要知I.T收入貢獻分佈，排第一位當然係中國，佔46%；至於港澳地區，雖然只係第二位，但都佔大約36%左右。至上年8月止半年，香港都做到14.9億生意，就算經歷過721同831，收入按年只係跌6%，EBITDA按年由蝕變賺2.3億，證明生意基本盤本來算係ok嘅。
不過，隨住中國引爆武漢肺炎，I.T早喺4月就發盈警，預期至2月底止全年止全年，瘋狂倒蝕最少3億元。公司上半年，講緊蝕7195.8萬，即係話單下半年就蝕最少2.28億！
由上年9月到今年2月底，發生過咩事呢？肺炎最大鑊係講緊2月，武漢1月23日先封城，所以肺炎對盤數嘅影響只係佔1個月左右。
反而香港由6月打到11月、12月，I.T本身多旺區、商場舖，本來已唔係好做到生意；加埋I.T喺8月底，因為將Awake NY撐示威嘅IG stories下架，而成功「染藍」，藍店個藍。I.T嘅target customers係後生仔，要與後生仔為敵，咁更加冇運行。
全年業績要到今個星期三先出，香港呢part真正輸幾多，到時先會揭盅。
上年下半財年，純粹藍店標籤，業績已經咁差；今舖加埋撐警，就即係同香港後生仔講：我會好似伍淑清咁放棄呢一代年輕人。講得再白啲？就係「為了香港警察，為了食呢餐飯，我願意放棄香港呢36%，一年30億嘅生意。」
即係咁，你要返大陸，冇人阻你。
不過我想問，I.T旗下咁多日本品牌，不停向中國推銷日本時尚，是否忘記了1900-1945年日本為中國帶來的弊（沒有利）！南京大屠殺呀！你叫中國人著日本衫！是漢奸！是走狗！
By千頌C
awake品牌 在 品牌介紹#22 | Awake NY |回饋社會 的八卦
部分 品牌 不參與折扣活動，還請見諒。3. 折扣金額會隨活動不定期變化， ... 品牌 介紹#22 | Awake NY |回饋社會，並“ Awake ”人們| Watson's Closet. ... <看更多>