一齊估下呢個職位值幾錢人工：
跟單，報埋關，幫Sales打畀現有客戶make appointment，call返啲好耐冇幫襯嘅客，睇下有冇機會再開單，然後交畀sales跟，另外幫公司聼電話處理查詢同投訴。
5年經驗，大學畢業，英文要好，差啲唔記得講，返五日半。
開估喇，每月12,000
因為上一手符合以上條件，人工收12,000，所以佢走咗之後，公司再搵人就用呢個價做指標。正想同HR講而家係2017年，去茶記食個飯都要60-70蚊，呢啲要求同份糧脫咗勾，點知轉頭佢話已經搵到人，仲要11,000搞掂。
「本身有個話10,000都做，不過老闆嫌佢英文accent太港式，揀咗11,000嗰個。」
呢個已經唔係老闆嘅問題咁簡單，如果有人認為大學畢業，5年經驗，英文嘞嘞聲都只係值呢個價，咁市場上相同職位亦會降落去呢個人工水平，11K請到，第日點解要出13K、14K、15K？而最重要嘅係，老闆唔知市價已經係18K，因為真係有人肯做吖嘛。
之前有個網叫我幫佢每星期寫稿，酬勞係講緊幾百蚊一個月，但原來佢已經算有良心，因為最近有另一個網直情叫我免費投稿畀佢哋，我唔明係咩邏輯，即係你認為我嘅文字幫到你個網，但同時覺得我嘅文字一毫子都唔值?
還是我誤會咗，其實係畀緊機會我，唔好計較咁多，應該 #感恩
唔係市唔市儈嘅問題，係每個人都應該有自己嘅價值，冇理由要接受被剝削，如果我答應，唔單止委屈自己，亦同時喺度做爛市，this city is dying, you know？
appointment英文 在 英文口語練習日常英文口語對話What time is your appointment ... 的八卦
... <看更多>