🎨//Instant Coffee//🎨
以前都post過以即溶咖啡畫畫嘅片，任何有機會染污糟你件衫嘅嘢，都可以當顏料用，例如茄汁、豉油、紅菜頭、血等，不過呢啲都會發霉變臭，暫時咖啡畫冇臭到。
以食物畫畫唔係新鮮事，反而係最古老嘅方法，古人用有顏色嘅石頭（礦物）嚟畫畫，亦會以花果植物提煉出顏料，15世紀歐洲嘅蛋彩畫亦係以蛋黃混合天然顏料粉，薄薄一層一層塗到畫布上。
咖啡亦係一樣，塗一次未必可以好深色，塗完一層，等乾，再塗，一層一層疊上去就會愈來愈深色。
整呢個系列係因為一直唔少人對我用過嘅畫畫工具感興趣，藉此簡單分享一下。我鍾意試唔同媒介畫畫，純粹覺得好玩，好多時用A顏料一段時間，再用B顏料時會發現都進步了，然後用B顏料一段時間，用C顏料時又有所得著。但我想講嘅係，從來冇一種顏料、筆或者紙係最好，可以令你突然畫得靚咗，每樣工具都有自己好處，例如一支爛brush，佢表達爛嘅筆觸會比新買嘅靚brush好，每個人都有屬於自己作畫嘅方式，只有不斷試唔同嘢先有更大得著，愈練得多，你隻手就係最好嘅筆。然後就係睇多啲嘢，嘗試感受每樣嘢點解靚，點解唔順眼，對畫畫最有幫助。
Media: Instant Coffee
Brush: Daler Rowney Graduate Angle Shader
#WhatBrushIsItLittleThunderINeedThatBrush
angle好處 在 杰森視角- The Jason Angle - YouTube 的八卦
【杰森視角】中共為何反复對中國進行大手術？許家印為何抵押家產也要還美元債？“備戰”對習近平有好處！中共努力分裂其官員？中國人未來的思想空間會縮減到什麼程度？ ... <看更多>