aia股價的八卦，YOUTUBE和Yahoo名人娛樂都在討論

兩大藍籌騙術，原形畢露！放了血汗錢的，請聽我數分鐘
＊滙豐、AIA核心從不賺，不要騙我！
＊滙豐業績前拆解
＊AIA業績後分析
＊恆指的命運
—施凌每日5分鐘大市分析2014年2月24日

去年3月4日其實施凌已經唱淡匯豐，當時標題是："建現在、未見未來"，當時分析是其盈利說是增長，但我們現金流看則沒有！一年前今天匯豐報＄84.25，週五收市亦是＄84.25！毫無進步，股價零增長，反映去年我們分析匯豐準確！施凌亦知道這是另一間銀行的口號，但一年已過，滙豐恆生今將公佈業績，業績更比去年差！借來用一用可以嗎？其實施凌極少唱淡股票的，但事關的是我們的嫁妝、儲蓄、甚至遺產都會投資於此：一是匯豐，我們都三度唱淡的了，而且是中長線唱淡，不是技術分析；二是AIA，唯有高班同學才知道的。

＊滙豐、AIA核心從不賺，不要騙我！(高班材料)
今天滙豐股­價已經預先抽升(如去年一樣)，走勢跑贏恆指，我們可將我們的嫁妝、儲蓄、甚至遺產買到匯豐股票嗎？短線不敢說，如果是嫁妝、儲蓄、甚至遺產必定是長線，買不得！今天股價漲了不少不是股價"是時候"­回調的原因，上漲與下跌長線只有業績可影響，滙豐恆生公佈業績後命運會如何？
滙豐(00005)：
高班現金流表分析看疑點，一：去年2012年全年總盈利(市場一般看的盈利)140億美元，同期倒退16％，但每股盈利已經倒退20％，為什麼？二：翻查去年營運盈利竟然是虧損的(5.3億美元)！由全年盈利140億美元至5.3億美元虧損，這可是大件事吧？但錢從何來？大家記得1­2月匯豐控股以94億美元的代價，出售中國平安保險15.6%股權，予泰國卜蜂集團的­事嗎？錢就是這樣來，施凌今天一問，大家買匯豐，是買其營運增長、或他們懂得賣資產呢？如果核心業務已死，必無將來可言。
AIA(1299)：
同一技術已經可拆解AIA的問題，是次分析先分享高班某堂的一小分析，簡單易明！保險業向來是以現金流入強為名，加上公司營運上必定有盈利方可，保險業的營運盈利必定要正數！香港上市的主要公司無論保險、內險如宏利945是正盈利、平保2381、就算盈利倒退多時的中人壽2628，都是正數！因為保險吧，買出盈利換現金流入，加上精算計算，但是保險業務理應必賺對吧？AIA去年2012年營運可是蝕4.1億美元，誰要買？但Income Statement說公司盈利291億，所以股價持續上漲，那麼錢又從何來？其實"騙術"都與匯豐差不多，但技術高明得多，要深造選股班才分享～哈哈～不過大家明白吧？股價可因為其他"騙術"上漲，亦有盈利支持，但核心業務已死，必無將來可言，我們買的亦不是公司本身業務。

＊滙豐業績前拆解
今天其實要施凌二選一的話，真的被迫的話...AIA是好一點，因為匯豐賣平保只可買一次，這亦正是今天(2月24日)2013年最後一季的重要性，如果匯豐仍然虧損，就連每股盈利都原形畢露！如果匯豐又可以偷偷賣調資產，每股盈利或又可撐多一會，但是否賣資產、賣甚麼、影響多少，施凌有方法看！最重要出業績，施凌求一看！先看2013年中期報告，匯豐控股的營運賺192億美元，總盈利方面(市場一般看的盈利)，中期為113億美元，而去年同期則為91億美元，其實首半年不錯的了，2013年全年應該不錯吧？不是，2012年中期匯豐控股的營運賺101億美元的，但最終全年2012年竟虧損91億美元！原因是第三、四季因為季節性因素，營運盈利會淡一點的。今天匯豐將公布業績，我們要留意的匯豐今天公布的全年盈利至少要有2192億美元，即同年需要增長25.5％，股價或避免於2014年再零增長甚至下跌；如果匯豐財務已於過去一年證明返回健康水平，盈利需要達291億美元，即同年需要增長80％方可！一旦匯豐今天的盈利增長低於25％，這證明2013年匯豐的核心營運盈利再蝕一年...

＊AIA業績後分析
AIA剛公布業績，AIA(01299.HK)去年度新業務價值升25%創新高，好嗎？重要是這消息放錯焦點，新業務就算升100％，但佔整體業務10％有用嗎？AIA(01299.HK)去年純利其實跌19%，盈利增長倒退7％，又再運用現金流看，AIA於2013年營運可是繼續離奇蝕，蝕3.4億美元，誰要買？雖然盈利增長倒退7％，但仍然賺29億，同一問題，股價可以繼續漲，但第一：漲幅應該會放緩，第二：股價漲幅不是核心盈利，即保險業務是虧損的。短線則以技術分析配合，市場週五暫對消息未有太大反應，1月調整的通道目標已經一試，暫時有機會看＄38.6，升破則可調升目標價；但本週若跌破＄36.1，目標1至少一試＄34.25，建議這情況出現不要投資於此股。

＊恆指再減滙豐比重、公佈業績後命運？
滙豐公佈業績後：短線
短期而言，我們可留意匯控的盈利增長是否符合15％增長，我們估計­，如果匯控盈利增長為15％，PE14.65，估值已經非常合理，是乎大市是否會再向­上，匯控股價可再有支持向上。如果匯控盈利增長如市場預期錄得盈利下跌，短線而言都不­看好。
滙豐公佈業績後：長線
匯控方面，其不利撥備及罰款亦未知道結束與否，加上匯豐因為罰款而不斷變賣資產，公司核心業務動力其實大減，要可再長線持有，要以以上分析的盈利增長為準，即25％！這代表匯豐2013年終於真金白銀於營運上的核心業務盈利。否則長線而言，相信匯控(00005)的股價不是不會漲，但我們亦頗肯定匯控相比50隻藍­籌，應該是跑輸的一隻，即代表匯控將會拖慢恆指的升幅，但不會拖垮。由2008年至今­，中移動(00941)及匯控(00005)的藍籌比重都一直減持，剛公布的最新恆指比重，匯控(00005)的比例繼續被調低。但短線而言，如週­未報告提及，美匯界乎破位的位置，而恆指短線則以市場心理主­導，1月時的回調部署是20300-21100點，主要按分享給大家的建議於21400-21800買入，當日提及目標先看22600回否轉勢開先止賺。今天而言，暫時仍然是定21800下破為繼續向下的部署，跌破21800則先行止賺21400-21800點買入的股票，部署亦要無奈依1月計劃靜待20300-20600點再買回強股；否則本週只要繼續站穩22600以上，23300及24200點則指日可待。記緊做好功課，選好股，捉對大市手持資產仍然可下跌的，另外分好開刀股及比重，大市跌破行動可較迅速準確。但仍­然留意，恆指未破位不可過份減持。

「施凌教學」集中於分享某一指標單一用法，「施凌課室」則分享施凌甚樣運用每種基本、量化及技術分析互相配合及實戰，這亦是「施凌部署」。
對「施凌部署」有興趣朋友可以：
1) 亦可透過「施凌課室」及「茶敘」等活動施凌親身分享、交流及探討市況
2) 在這裡可以認識更多「施凌部署」的應用：
「負翁也能變富翁」（經濟日報全資出版）
「施凌部署五十式 - 平民投資致勝解碼 」（經濟日報全資出版）
http://www.sylinghim.com/education（「施凌部署」網站 - 查閱施凌所有文章、影片、最新活動消息）
http://www.youtube.com/sylinghim （施凌教學）
http://weibo.com/sylinghim（新浪微博「施凌部署」）-發訊較即時

大佬，What the heck did I just watch? 繼九巴緊握扶手後又一公關災難，唔怪得條片post完，AIA股價即刻急跌3%……

點解而家啲香港公司，覺得要in 要connect到年青人就一定要用rap去包裝？其實rap講緊已經係十幾年前嘅產物…所以話班老野真係脫節得好緊要…好老土呀媽！！！！！

香港友邦管理層為感謝各前線後勤同事過去一年嘅努力同貢獻，成為更多客戶喺人生旅程上的真夥伴。現在就以至潮的全新形象，用歌聲表達我哋衷心嘅謝意。Yo! check it out !

Management team of AIA Hong Kong would like to share its heartfelt appreciation to all colleagues and agents for their efforts and contribution in 2014 and for being the real life partners of our clients through their life stages by singing with a pop look. Yo! Check it out!

［太美好的東西　會走　還未愛夠了你　怎放手］告羅非士打，梳士非巴利。置地本無樹，記者亦非台。Bankers Club？新一代以為講粗口呢

繼續全無公共性嘅長文，亦同投資或市場無關。三千幾字，意識流，跳嚟跳去，慎入。

TLDR：人生若只如初見，或者係妻不如妾 妾不如婢 婢不如偷 偷不如偷不着。係咪得唔到嘅最好？未必。應該係得到過一次，但唔好再試第二次，咁個感覺就係最好。因為求不得。我在Bankers Club食過碟海南雞飯，16年後仲記得—而我連第一次性交係咩感覺都已經唔係好記得（睇鹹古可以著返條褲，成篇文都冇再講性交）

1. 見 職場心經 講起，我又講兩句（幾千字咁咯），相我同用埋同一張。唔係抄，係致敬。畢竟我地就真係在置地幽會過！（但唔係Bankers Club）。同咩辰衝唔同，我又唔會乜都破舊立新，話冇乜值得懷念。Bankers Club絶對係小眾嘢，有幾多人去過？三十歲以下嘅有冇？

2. 拿，本人就去過啦！呢啲就邱月清個家姐邱月感啦。去過，當然唔係咩有朋友擺酒，或者股東會，業績會之類去過啦（呢啲，我全部都去過）。

3. 就梗係要坐低叫飯食，對住個夜景指點江山（唔通推車？嗰度停車場好貴的），懷念下英殖真好，講下西德馬克之類。結尾仲要係簽返個名，但唔使畀錢。呢啲就邱月感啦

4. 「不過，我都係跟人衫尾啫」。請噓，但即係至少我試過畀球王通坑渠咁，你估人人有資格跟人衫尾？

5. 甚至嚴格嚟講都唔完全係跟人衫尾，故事係咁的，由標哥講起（長期讀者可能知）．未睇嘅，睇返medium舊文（https://bityl.co/3dH5），好長氣咁講埃汾蘇花嘅職場生涯，雖然未必順序。

6. 同本文有關嘅，呢篇（https://bityl.co/3dHA），齋睇下半截都得，講我。埃汾英國讀Master後返香港雙失，頭兩份工都係教書，然後轉投銀行，再轉股票。但邊個咁破格，在銀行請個教書佬呢？就係蕉行嘅標哥。

7. 固然人工唔高（2004年嘅萬二蚊都係唔高，之後一年被草裙到萬八，還不錯）（＊），但首先標哥教咗我唔少嘢（咁我當年都仲係一個蕃薯，勝在可塑性哥），最重要係，佢算係親手帶我入行—雖然成件事誤打誤撞，我當時乜工都搵，佢亦請咗第二個，只係再有人走，佢又懶唔想登多次廣告唔想見多次人，先搵我執二攤。我又咁啱遲咗教書份工，都未搵工，八號風球入緊機場收到佢電話，就請咗我。未必係必然，但佢就算係改變咗我大半生，畢竟佢大可拎我份CV去包橙皮（打後我成日都見佢做呢樣嘢）

8. 當時，2004年，我在蕉行香港嘅資金部，Treasury，做刁拿青衣（我知係讀D拿，你唔知即係你冇做過銀行）。部門又俗稱「炒房」，但我地炒嘅，好似小學雞啲STEM玩具咁，根本玩唔出咩樣—我唔係笑蕉行小兒科，係感恩。正係因為點玩都唔會點爆大鑊，標哥好放心畀我玩。加上佢又hea，乜都踢晒畀我做—interbank 港紙美金我又做過，外匯我又做，Interest rate swap我都成日做（＊＊），basket credit link note我買過（即係一籃子六間嘢冇一間出事就有高息）—甚至連CDO我都買過（有機會貼啲歷史文件）。

9. 所以睇你點睇，我可以扮廢老講句：有啲人覺得老細乜都唔做踢晒畀你日日白逗人工正仆街，但我覺得係學習好機會，worst situation is the best training。況且標哥只係hea，唔係廢。佢脾氣差，但唔會鬧下屬（只會掟爛自己位部公司電話）。況且佢唔hea，佢就登多輪ad，根本唔會有我。整體佢都係一個相當好嘅上司。雖則我在蕉行只係一年半。

10. 由於我乜都做晒，標哥又大牌，亦都令我要接觸好多人。例如我講過，雖則我A Level英文有個B，Master又在英國讀，但去到2004年我啲英文已經退化七八成。嗰時但凡有鬼打嚟，我都會有啲緊張，因為隔離電話有時聽唔到人講乜，加上金融界啲鬼先唔會好好耐性重覆一次你聽。但標哥例牌唔聽電話，有時望到鬼佬打嚟我接遲啲，仲會串我「聽啦，鬼佬打嚟唔敢聽呀？屌，大學生喎」。於是我唯有硬著頭皮包皮咁聽。「拿，又有進步」

11. 最重要係，佢事無大少都踢畀我，有一期只係得我同佢在刁寧房。咁我地做trade，當然可以揀好多唔同對家。所以好多時其他行嘅sales都搵我地—但標哥只得兩個原則：佢本身識嘅，就唔使傾，經我口話OK。佢本身唔識嘅，就搵我去同啲友傾一輪先，好彩嘅，你第二次先可能會見到佢本尊。擺明係扮晒嘢，好似大明星演唱會咁，推啲奀星出去暖場，我就係暖場嗰個。

12. 暖場除咗令我知道好多術語，知道啲金融人嘅氣場（並加以模彷），亦令我啲英文同普通話由極低嘅基數進步外—仲有令我有好多好嘢食。係食飯，唔係食女。

13. 頭先講過，好多其他行嘅sales嚟巴結標哥，但因為本尊唔會咁易出現，我就等於係狐假虎威。所以佢地會巴結我。點巴？都係飲茶灌水。反正2004年，pre雷曼時代，全行都仲係幾好賺，匯豐股價150蚊（後生嘅以為我講大話）。佢地仲有唔少嘅entertainment budget，衰啲講句，最大嘅當然唔係洗在蕉行身上，但食到月尾，我食餅碎都夠。

14. 餅碎食過乜？令當時萬二蚊人工嘅我，可以去Ritz Carlton（舊址，而家中環AIA定建行嗰度）食日本嘢，當然係sales請。可以請我去河內道唱K（發誓，正K，兩條佬唱，冇其他嘢）再去新東記打邊爐。可以令我有唔少月餅券，當年我阿麻好老懷安慰，覺得我卒之都捱出頭來。但對我嚟講，更重要係，演唱會飛—當然演唱會飛佢地唔會送（除非家燕媽媽），亦唔啱規矩—但，佢地會拎到拎飛。而我亦會足數畀返佢地。有乜用？就梗係，拎嚟溝女啦。睇容祖兒坐到頭幾行喎。

15. 但最重要嘅係，Bankers Club

16. 標哥，係Bankers Club會員—當然係出蕉行錢，但佢有本事叫到公司幫佢出錢，或者係公司有幾個Quota就畀咗一個佢。但我就唔係，而呢啲會員嘅嘢冇得狐假虎威，亦冇得借畀我用。不過標哥自己係會員，佢啲行家都多數係，所以，我狐假虎威做代表，都會去Bankers Club食飯。

17. 好記得第一次，對家想要我地生意，某英資銀行。標哥就叫我放工去Bankers Club，搵呢個人，「老燒豬」（係真名，不過咁多年我估佢都唔會介意，況且佢應該知道個個都咁叫），一個叫Lucille （冇錯係姓朱）嘅女人。

18. 去到Bankers Club，老燒豬當然一早到咗。見到我呢個黃毛小子，都係發下功洗下我腦，叫我記得在標哥面前美言幾句。言談間，都同我講返起，「我一入行就聽過你老細大名啦」「嗰時佢直頭係四大惡人呀，邊個唔識佢」，但弦外之音亦都係，每個人都有佢嘅時間，我老細係威過，但已經回塘，到佢地呢代上位。

19. 我衣衣哦哦咗一輪，都唔知自己講咗乜，都係話佢知其實我都話唔到事，佢話當然明白，但我美言幾句就得。

20. 然後，開始閒話家常，佢就問我有冇嚟過Bankers Club，可能係我啲行為舉止已經出賣。佢就叫我「叫嘢食啦」

21. 於是乎，我就食咗人生中最好食嘅一個海南雞飯。

22. 當然，回憶中嘅味道梗係美好。後來標哥都有再同我去Bankers Club，但就當然老細發辦點菜，好似都冇再食過海南雞飯。

23. 後來，當然仲有去過Bankers Club，股東會呀，有人擺酒呀，有人榮休呀咁。但亦真係冇再食傳說中嘅海南雞飯。

24. 所以就係人生若只如初見，或者係妻不如妾 妾不如婢 婢不如偷 偷不如偷不着。係咪得唔到嘅最好？未必。應該係得到過一次，但唔好再試第二次，咁個感覺就係最好。因為求不得。

25. 港大年代，學到嘅實在冇乜。唯一係貪得意去聽岑逸飛講佛，講貪嗔痴，「求不得苦」。食唔到，好想食—都未係最痛苦。到食到啦，念念不忘，再想食多次，已經冇機會—可能已經最好。排除萬難，再去食多次，發現拎唔返嗰種感覺，返唔到轉頭，要搵更勁嘅嘢，好似毒癮咁，越踩越深。好多嘢都係咁。海南雞飯又好，虛榮又好，愛情又好。

26. 關於Bankers Club，除咗海南雞飯，實在已經講完。不過最後容許我補多段懷念標哥（未死的，退咗休啫），畢竟佢改變咗我大半生。

27. 當時標哥，過時過節前就請我地食飯，都食唔少好嘢。亦都見識佢簽個名就走人，唔使簽卡唔使畀現水嘅豪氣。有時佢仲會請食晚飯，咁有啲同事就當然唔多願意，覺得好似加班咁。我就冇乜所謂。

28. 飯後，標哥例牌捉我地去陪佢聽歌。係聽歌唔係唱歌。去邊聽？多數係酒店，有 Live Music嗰啲。標哥同我講 Santana，講Deep Purple，講Dire Straits，講Pink Flyod，講Led Zeppelin（！）。其他後生同事當然唔多識理佢，唯獨我搭到嘴。

29. 但，點解？「因為我老豆聽！」。聽到呢句標哥就有啲唔高興，「講到我做得你老豆咁喎」。但事實係，因為我老豆十八歲生我，其實仲後生過標哥。

30. 第度唔知，但當時聽啲Live Music，十居其九都係賓佬賓妹唱。

31. 而其中一個賓佬，就係Joey Vidal．乜水？就係衞蘭嘅老豆！亦係衞詩嘅老豆！我點解知？因為我拎過衞蘭嘅CD畀佢轉交個女簽名！

32. 簡直不能相信，咁就16年前嘅事。

（＊）當年係因為有教書舊同事去咗太古城地利亞，拉我過檔，兩皮嘢個月。我返去蕉行辭職，獲標哥挽留（因為佢怕煩，咁當然亦因為我唔係十分非常差）。就match 返我個人工。點解係18500 唔係 20000？舊文有寫。但呢個短故事已經話你知三個職場法則：第一，識人好過識字（舊同事介紹我去地利亞）。第二，好多老細係怕煩嘅，又唔係佢嘅錢，加你人工冇你想像咁難。但第三，第啲行業我唔知，但金融圈，你想人工加得快，得兩條路。A，你轉工，跳嚟跳去彈出彈入。B，你拎個屙化兇你老細加人工—Either way，你都係要有個屙化在手。

（＊＊）你可以睇下日鳩日講咩港紙爆煲呀聯匯乜乜呀嘅所謂KOL呀，專家呀，記者呀，有邊撚自己炒過IRS．乜嘢IRS？稅局呀？

—————————————————————
Ivan Patreon 狼耳街華人，一星期至少三篇港美市場評點，其他免費好文推介，每日一圖，仲有FB Page post summary．一個月一舊水唔使，開張一個月已近 500人訂，仲有兩篇免費試睇：https://bit.ly/31QmYj7

——————————————————————————
［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn

數年前施傅曾把重磅大藍籌匯豐銀行及友邦列為投資黑名單，主要原因是其核心盈利岀現很嚴重的問題。其後公司股價的確跑輸大市。經過多年後的今天，施傅透過核心課程高班的其中一招，發現這兩家公司的其中一隻已經得到結構性的改善，可以從黑名單中移出。究竟匯控和友邦誰是被解放的一隻？誰又繼續被列入黑名單？今天施傅就首次透露核心課的絕學，和大家一一探討 :)

======================
所有課程/活動一覽:
https://edu.money-tab.com/all-event

1) 本月活動，現正接受報名:
施傅試堂分享會(香港站)：https://edu.money-tab.com/sharing-trial

《Hea富外地樓試堂 (澳門站)》《基密部署分享會》《Aaron外匯講座》《AI Trading分享會》《施傅特別講座》
https://edu.money-tab.com/activity

齒輪理論 入門班/初班：https://edu.money-tab.com/course

2) 我要做股神APP下載：http://onelink.to/mtapp

3) 緊貼我們社交平台，不錯過任何免費分析/教學：
訂閱YouTube頻道： https://youtube.com/channel/UCdWNwPuaS1o2dIzugNMXWtw?sub_confirmation=1
讚好Facebook專頁：https://facebook.com/203349819681082

4) 想加入我們大家庭？立即Send份CV過黎：
▶ https://fb.com/events/1452499458389028/

哈佛知識分享: 做生意，七大困難選擇!

七條策略問題 Seven Strategy Question《第二: 核心價值 - 公司股東、顧客、員工，誰優先? 》

Business is about making tough choices. 上一集就講咗 Who is your primary customer? 誰是你首要顧客?

今集我會同你探討第二個策略問題: 核心價值 - 你是把公司股東、顧客、或員工利益行先?

How do your core values prioritize company shareholders, emoloyees and cuatomers? Who come FIRST? 當有衝突，邊個利益行先?

根據哈佛教授 Bob Simons 呢本書 Seven Strategy Questions，冇話對唔與錯。 但搞唔清楚就一定錯。三選其一，你揀邊個行先?

(1) 公司/股東 (Shareholders) 行先? 李嘉誠就最出名股東行先。佢退休前最後一次主持長和系股東會，被問及一個出色的企業家最重要是什麼，李嘉誠話：「最重要忠誠為股東爭取正常收入，為股東設想，投資有前途項目，派息要合理，將股東利益排第一。」 我諗你咁多年都聽唔少佢講話股東利益排第一。 因此，好多人都話同長實做生意唔簡單， 甚至乎有時畀人感覺 (no offense) 賺到盡， 一蚊一毫都同你計，why? 因為股東利益行先，佢又啱喎。 但做善事? 李嘉誠本人捐幾十幾百億佢就好疏爽，因為唔關股東事。

Core value (核心價值)係股東行先，即係公司利益行先，成日話為公司著想，即係等於話為公司股東著想。 因此好多上市公司， 甚至乎初創企業，都會有 employee stock option，希望員工同公司利益一致。 希望佢哋由朝到晚都諗住 Creating Shareholder Value，為公司 = 為自己增值。

根據呢本 Seven Strategy Questions, AIG (AIA 母公司)、Citigroup、Pfizer 輝瑞藥業都係出名 shareholders 行先的公司，也是好成功的公司。做生意就係先講賺錢， 天公地道。

(2) 有啲公司嘅 Core Value 就係顧客行先 Customers First。例如，Johnson & Johnson 強生，係1943年就 craft 咗呢個 Credo (教義) :

We believe our first responsibility is to the patients, doctors and nurses, to mothers and fathers and all others who use our products and services....

We are responsible to our employees who work with us throughout the world.

We are responsible to the communities in which we live and work and to the world community as well....

Our final responsibility is to our stockholders. Business must make a sound profit....

When we operate according to these principles, the stockholders should realize a fair return.

Johnson & Johnson 的核心價值 core value 係顧客行先、員工第二、community 社群圈子第三、股東利益排第四。

我相信好多公司都係「話」顧客行先， 但有冇寫到好似強生咁清楚呢? 當然我相信更加多嘅公司，就係口講一套，做另一套。 口講顧客行先， 實質上遇到任何金錢利益，就縮數，公司/股東利益行先。

例如你開間茶餐廳， 有啲食材就嚟到期， 喺掉同唔掉的邊緣， 又唔會食死人，但又未必係最靚料，咁你會點? Be honest! ..... 公司賺少啲都揼?你就係顧客行先。 側側膊，唔多覺照用，慳番啲成本? 你就係公司行先。 無話對與錯， 最緊要搞清楚。你知啫，但係全公司同事知唔知? 能唔能夠全部人都言行一致?

(3) 如果我問你，有 covid 肺炎前， 某航空公司嘅股價喺呢道， 現在估計應該係邊? 如果我同你講仲高過肺炎之前，你會唔會信? 肺炎前係每股USD57，依家? USD62，高咗近10%。 佢就係美國西南航空 Southwest Airlines， 記住呢個係全球最多人染病嘅美國喎，有排都未走出疫情。佢就係出晒名 Employee First 嘅公司。Yes! The airline puts employee happiness above customet satisfaction. 員工開心，更重要過顧客滿意程度。

Southwest ranks employees first, customers second, and shareholders third.  員工第一、顧客第二、公司/股東第三。

你有無坐過Southwest Airlines 嘅飛機? 搭飛機通常最悶嘅就係一開始嘅 Safety Annoucement 安全提示。 但如果喺 Southwest? 你會聽有人講 jokes .... 有人 Rap!

呢啲講笑、唱歌、跳舞冇得迫。 員工開心，佢哋就自然會做。 你上網睇到會更多更多其他搞笑例子。

Southwest company blog says: "We believe that if we treat our employees right, they will treat our customers right, and in turn that results in increased business and profits that make everyone happy."

Employees come first 嘅理念，令到Southwest Airlines 每兩秒鐘就收到一份 job application, 每100個人申請，只有兩個人能夠成功獲取錄。2% acceptance rate， 好多傳媒都話去 Southwest 返工仲難過入哈佛! 有好嘅人才，就自然有好嘅服務，有好嘅業績。 亦都因為咁Southest Airlines 一間公司嘅市值，曾經係等於美國所有其他航空公司(American Airlines, Delta, Continental, UA etc)加埋嘅總和，都唔夠佢一間公司值錢。

你唔好以為Southwest Airlines 淨係員工開心喎，根據權威市場研究公司 J.D.Power 2020 survey，Southwest Airlines 嘅顧客滿意程度 customer satisfaction 都係全美國最高，both long and short-haul. 長短途都贏曬!

但老實說，坊間有幾多間公司會大聲講話員工行先? 間間都話顧客行先? 但諗真啲，係唔係真呢? 轉一轉個優先次序， 會唔會有另一番景象呢?

公司/股東、顧客、員工， 係你嘅核心價值邊個行先? 冇話對與錯。 但最緊要搞清楚， 萬一互相有衝突，你會揀邊個先? 係咪全公司上下同事、顧客、股東、合作伙伴都知? 你是否言行一致?

因為錄呢條片，我都問咗自己好多問題。我自己盛滙商舖基金係邊個行先? 我老婆答案即刻答我: 「你梗係員工行先啦! 因為嗰次點點點.... 」

Yes. 我自己商舖基金係員工行先 Employee First 嘅公司。因為我成日都同同事們講:
「錢賺唔晒，最緊要大家 happy!」...
「唔鐘意賺嗰個人嘅錢，就冇賺!」...
「我哋人少少，賺多啲，遠遠好過人多多，個個賺少啲! 大家都想養家活兒，搵到、洗到、身體好!」

我相信只要能夠建立一個好嘅 culture 企業文化， 大家同事們自然會作出個啱嘅決定，買舖賣舖，有條好嘅 team，真係好難輸。 因此，老實說，如果有邊個客唔妥我嘅員工，我通常都會「唔妥」返佢 - 當然呢個要建基於你哋員工嘅信任。

To me ....「顧客不是永遠對的!」 選擇適當的顧客，長遠回報會更佳， 對你選擇嗰班顧客回報都會更佳。我係道都好幸運地同你講，我商舖基金由2016年成立以來加入的同事們，公司基本上係冇人走過。Turnover 近乎零! 你對人點，人就自然對你點! As said ... 錢賺唔晒，最緊要大家同事們Happy! 人客/公司自然賺錢。

你呢? Who comes first in your business? Company/Shareholders, Customers, Employees? 你公司嘅核心價值，邊個是優先? 無論你揀邊個都好，係唔會同你選擇嘅Primary Customers (首要顧客)有衝突， 只會更加強化你服務佢哋嘅能力及提升你競爭力。 最緊要搞清楚 WHO COMES FIRST!

有興趣聽多啲，就來我五月份星期六嘅早餐會啦! 呢兩集同你講咗 Who is your primary customer? 同埋 Who comes first? Company/Shareholders, Customers or Employees?

下一集同你，What Critical Performance Variables Are You Tracking? 追數? 你應該最追幾條數?

。。。。。

五月份早餐分享會 Topic: The Seven Strategy Questions by Harvard Professor Robert Simons

哈佛分享: 七條做生意策略問題

2012至2014間，我連續三年在哈佛上了 Robert Simons 的堂，畢生受用。我自己成間商舖基金公司都是建基於這本書。

有興趣 sign up la ? 每次限四位 (包括我)。 人多傾唔到計。

5月1日或8日或15日，星期六早上9時開始，約三小時。地點中環。

對象: 管理層/生意經營者/創業者，連我限4位。

有興趣參加的話，請 whatsapp 你的名片給 Suki (我助手) (+852) 5566 1335。

大家交流做生意最重要的幾條問題。

我唔係靠呢行搵食，免費，我請食早餐 ? Be friends ..... 有機會到時見你。李根興 Edwin

www.edwinlee.com.hk

聯絡李根興 whatsapp (+852) 90361143

。。。。。。。。。。

購買李根興的【李根興的生意哲學】(最新2020年6月出版 - 定價$198)，或【買舖 要買得 PRO】(定價$198)，連親筆簽名，可 whatsapp Suki (+852) 5566 1335。各大書局也有售。