agent l扮邊個的八卦，Yahoo名人娛樂都在討論

【 等足兩年半的鳳凰不死鳥整蠱大計 】

《ERROR自肥企画》自5月初在ViuTV首播後，迅速於網絡掀起討論熱潮，Google Trend的關鍵字搜尋率大幅攀升，連帶ERROR四子和負責幕後製作的「無制限OT編集団」人氣急升，他們的Instagram帳戶追蹤人數持續創新高，最有趣是，於節目中扮演Agent. L的導演曹梓沖（Alfred），現時的粉絲數目正邁向兩萬大關，而儼如「ERROR第五人」的「格仔導演」劉諾衡（Mike）亦已衝上6.6萬，更有支持者在facebook開設群組「格仔Mike導絕對應該有應援會」，相當巴閉，難怪有電視台中人講笑話：做幕後隨時容易紅過做幕前。

大量「估你唔到」的踩界內容，勞師動眾整色整水，只為博君一粲，絕對是這個節目令大量觀眾「入坑」的關鍵，縱觀過去十集，最能夠令觀眾翻睇再翻睇的第一位，必定是第四集「ERROR遊‧詐‧詭」出現的「地陷之計」。受害者「Dee哥」何啟華因誤信製作團隊會拍攝「ERROR流忍者」部份內容，在使出絕招「鳳凰不死鳥」朝鏡頭方向奔走的時候，身「陷」由薯片和發泡膠等防撞物料堆疊而成的大咕窿，在鏡頭下，全方位、多角度出醜（https://bit.ly/3hfZdKM） ，更肉隨砧板上，需高舉「我係×頭皮」標語，令台前幕後和觀眾笑到標眼水，難怪「阿Dee」高呼：「又呃我信任？！」事後「Mike導」透露，原來他們為這一幕大整蠱，由構思到落實，足足用了兩年半！

《花姐ERROR遊》是「Mike導」第一個「揸Fit」的綜藝節目，2018年年底在日本東京與大阪拍外景，2019年2月初播出，而這個「地陷大整蠱」的靈感，早在香港埋班籌備的時候經已出現，「冇錯，拍第一輯《ERROR遊》嘅時候，係有諗過呢個整蠱㗎喇！」最終要等到2021年，即兩年半後才能夠成事。究竟點解？

「Mike導」解釋，既然拉大隊飛往日本拍節目，當然不想隨隨便便拍些甚麼返香港，「當時覺得，我哋去到日本，人哋啲整蠱節目好厲害嘛，就想試下跟住拍番一模一樣嘅嘢，最後我哋揀咗跌落窿入面咁樣嘅環節。」他說，當時並沒有計劃鎖定阿Dee為目標，「係諗住先有人應承咗我哋，跟住先再安排整蠱邊個嘅，唔係一早計劃咗畀阿Dee嘅。」可惜因為預算問題，令整蠱大計需要擱置。

「當時《花姐ERROR遊》嘅Budget比較緊迫，不足以令我哋去進行呢件事，跟住就冇咗。」最使錢的環節，是場地和找人挖地的薪金。「喺日本拍嘢，需要有極詳細嘅計劃書畀當地嘅製片，佢先會幫我哋做到嘢，冇啦啦話想喺人哋嘅地方話要掘窿，好難做到，最後收到覆番嚟係話人工同埋場地加加埋埋好貴，一聽到都知道唔會拍到落去。」有幾貴？「Mike導」說，如果當時落實在日本完成這個整蠱環節，製作成本大約足夠開拍兩集《花姐ERROR遊》。

結果一等再等，等到2021年，因為ViuTV決定開拍《ERROR自肥企画》，這個「地陷大整蠱」總算能夠再度啟動，並於元朗某處完成拍攝，「Mike導」坦言，今次算是一次極滿意的「自肥」舉動。「呢個Item一直都想拍，最後靠自己嘅團隊一手一腳做到，所以好爽。」「Mike導」又透露，周一晚（17/5）播出的《ERROR自肥企画》第11集「BTS」，將會公開更多這個大整蠱的構思理念和細節，提醒粉絲緊記要準時收看。

《ViuTV五周年特別篇：今世做電視》無制限OT編集団解碼 （小編雪地赤裸跪求薄格版）：
https://bit.ly/3y13VSy
《ERROR自肥企画》第一集重溫：
https://bit.ly/2RkEomH
午夜翻牆 寫ERROR熱潮：
https://bit.ly/3wa0ffj

【 ERROR ╳ 格仔導演系列報道 】
自肥可恥，但很感動：
https://bit.ly/2QiqUY4
「Mike導」IG暴升：
https://bit.ly/3eE91wd
「Mike導」親解《ERROR自肥企画》主題曲原因：
https://bit.ly/3xYwK22
《美女郊遊遊》第十集以山步行呼應亂世：
https://bit.ly/3wcjq8v
《花姐ERROR遊》的神奇魔法：
https://bit.ly/2QWOgTv
「格仔Mike」執導《我們很帥》MV兩萬蚊搞掂？
https://bit.ly/2QPvjCl
睇完開開心的《美女郊遊遊》：
https://bit.ly/2SNGb41
《美女郊遊遊》之陳欣妍係「保錡2.0」？
https://bit.ly/2RSrBb2

（17052021）

#游大東影視筆記 #游大東 #格仔導演 #error自肥企画 #梁業 #何啟華 #193郭嘉駿 #吳保錡 #鳳凰不死鳥 何啟華 DeeGor Ho 梁業-肥仔 Poki 吳保錡 郭嘉駿 Denis Kwok 193 ERROR 做乜膠睇電視 我睇咗啲乜嘢 潘小濤 葉一知 William on the way 港人講電視 格仔mike導絕對應該有應援會 李鴻彥專頁 Goodbye HK, Hello UK

《我要殺死丁力呢個仆街》
　
今日下晝，一班應該呢世都買唔到樓嘅朋友聽到新沙士襲港，喺FB苦中作樂，話有機會上到車，買到青衣樓。有人話香港人好可悲，冇得救架啦，新沙士來都只係諗把握呢個機會做樓奴。
　
大家顧住買樓，the city is dying 嘅呢個moment ... 我隔離位老屎忽同事竟然話...
　
（大家都知我為「大公司」服務，公司月尾畀份糧我，我又衣食住行避冇可避咁畀返份糧公司嘅個間公司）
老屎忽同事竟然話：「好擔心新沙士會影響Q3新盤銷情，XX盤濟銷」。
　
我真係好想喊，乜得你咁L 弱智，到呢個時候你仲奴性咁強。你口痕話買到青衣樓，我都原諒你因為對買樓絕望。仆你個街，唔擔心疫症殺到埋身，你擔心「大公司」生意？賣樓你又冇佣收，間公司你有份建立架？
　
我真係想好似川島芳子咁大嗌「我要殺死丁力呢個仆街」，扯個老屎忽同事上天台，好似丁蟹掟仔落街咁，送佢一程。
*******************************************
　
「不可能就是不可能」
即使香港真係時運低再有新沙士，根據我睇「大公司」一手樓嘅起樓成本，跌佢條命咩。跌極我都冇錢畀首期。
　
康業信貸廣告成日賣未補地價嘅居屋可以拎來按，我除左張12萬嘅大學沙紙同個腎，我乜野資產都冇，真係好想打畀康業問佢：「乜都按得，有冇得按張大學沙紙同個腎呀？」
　
大家唔好好似痴漢咁J青衣D樓...
每次見到有朋友仔覺得仲有希望喺香港買樓，我就會叫佢睇返我1月寫呢篇文《窮撚朋友問我：D樓點樣賣架？》
*******************************************
　
尋日我講SL講到好勞氣...
　
新沙士隨時殺到嘅呢個時刻，D仆街呀哥呀姐可唔可以暫時唔好咁仆街，員工病SL就由佢啦，惹到個個都病，到時公司仲得不償失。
　
其次，我知呀哥呀姐你引以為傲架對於「我病都唔會請SL」，求下你地病就返歸啦，我頂你個肺。真係好想外星人冇啦啦笠左仆街呀哥呀姐去火星。（calling ET, over over, any ET hear me?）

《窮撚朋友問我：D樓點樣賣架？》
　
親戚朋友知道我喺「大公司」做野，必定問我兩條問題。第一條係「你買樓有冇得平？」第二條就係「係咪真係咁多大陸人嚟香港買樓？」。第一條我印象中答左一億次，係「原來沒有，從來都沒有」。至於第二條問題，唔係好多大陸人，係「好撚多」。
　
今日同應該一世都買唔到樓嘅窮撚們(我當然係其中一個啦)，講下賣樓實況。每次講賣樓實況，朋友仔都話：「唔好再講啦，來生不做香港人，嗚呀...」，受唔到刺激嘅朋友仔睇到喊唔好話我。
※※※※※※※※※※※※※※※※※※※※※
　
每次喺售樓處，我都會問：「今日唔洗錢呀又？」無論個盤喺邊，幾錢，都好多人買，有幾人山人海？好似年宵最後割價咁多人。
　
「一群大陸佬又嚟到售樓處啦...」
　
●　大陸佬未飄到埋嚟，就知佢係大陸佬，嗰啲覺得自己係范冰冰嘅大陸女人，隔離實有個八兩金咁嘅打扮嘅平頭裝男人。一日內我會唔止一次見到同一個范冰冰同八兩金，因為佢一日買兩層。同一個樓盤，分多日發售，第二日都會見到同一個范冰冰同八兩金，我心入面完全係吳君如家有喜事個句：「又係你呀，陳生！」。范冰冰同八兩金唔想知份約講咩，佢買樓多過你買橙。
　
●　八兩金同范冰冰唔會經過銀行財務counter問按揭，因為幾千萬層樓佢地都會full pay。
　
●　八兩金同范冰冰態度係咪特別差，去米蘭站買手袋佢地都格衰衰啦，何況買樓？佢地嘅脾氣當然係「豈止於大」啦。佢地永遠唔會睇住自己個仔，佢地個仆街仔就好似恆星咁喺人逼逼嘅售樓處自轉同公轉。你會發現全世界最有愛心嘅必定係地產agent，佢地會「愛心不止一百次」咁看住個仆街仔。
　
●　而你會發現全世界最有語言天份嘅一定唔係劉家傑，無論個大陸佬係四川人，上海人定哈爾濱人，個agent都會好似德成女傭咁表示：「佢都係我同鄉」。
　
●　八兩金唔會同范冰冰開心share聯名買樓，因為八兩金會同范冰冰每人一層，慳雙倍印花稅。
　
●　買家印花稅有效壓抑大陸炒家？ Are you kidding me？八兩金同范冰冰都有香港身分證，點解會有，呢樣你問下特區政府點解實施乜膠投資移民，優才計劃。
※※※※※※※※※※※※※※※※※※※※※
　
香港人買到樓，我每次都想企起身拍手掌恭喜佢地架...
　
●　香港人有幾想上車？只有香港買家會叫我地幫佢地影底簽約個個magic moment。只有香港買家買完樓會散發「財散人安樂」嘅氣息，簽個名無哂成副身家都開心到好似岩岩拎完諾貝爾和平獎咁開心。
　
●　只有香港買家諗都唔諗就決定聯名，夫婦買，或者一家買都聯名，佢地知聯名再買樓要比雙倍印花稅，都唔會care，因為今生今世都唔慌有機會買第二次樓。
　
●　只有香港買家會無哂成副身家，仲會去銀行財務counter申請按揭，冇哂錢之餘再借落一身債。
　
●　亦只有香港買家會「問題天天都多」咁問律師費，管理費，收樓保養會所天花景觀實尺，因為真係會住入去。
※※※※※※※※※※※※※※※※※※※※※
　
見到D 大陸佬買樓買到好似買橙咁，自己連窮人恩物都買唔起，仲填緊份仆街form抽居屋，我真係好想問 annual dinner 點解公司唔係拎層樓出來抽，TBB 台慶都抽碧桂園啦。如果annual dinner 抽樓，我覺得我會發奮圖強囉。
　
PS. 喺度想同冇買樓經驗嘅朋友仔講，買樓嚟講，你要知道嘅必定比佢比你知道嘅多好多好多，帶個顯微鏡去睇份約，你就會發現你永遠都輸比「大公司」架啦。

【癲喪背後的真誠】
很久沒有在看電視時笑得如此開懷、癲喪，可能是因為公仔箱裏的人也是如此的開心和癲喪。這是我這星期看《Error自肥企画》的最大感受。

是的，只是短短五集，已經足夠感受到這班底的癲喪：青春、暴走、夕陽、柒頭皮、鳳凰不死鳥，鬼王之王、恒星彈、初號機⋯⋯他們的厲害，就是你看完每集，都總有些「關鍵詞」會記住，然後想起這些關鍵詞時，又會再笑一次。不過也要公道點說，我看《膠戰》、《考有feel》時同樣也大笑，但總覺得笑位是有點意料之內，2019年時看《花姐Error遊》第一季時，亦會因為他們的Cosplay造型而笑到肚痛，以及覺得「癡鬼線邊爐」、「昆蟲料理」等而覺得：「嘩，使唔使呀，做個節目啫。」但這星期看《Error自肥企画》，依然會為著其癲喪而大笑，依然會期待著有更多更癲喪的內容出現。亦正是這期待，令我開始反思何以我會有「使唔使呀，做個節目啫」的想法。

也許是我們都習慣了電視節目的「保險」。綜藝節目無非是要營造開心，那既然低質扮嘢和改歌詞都已經足夠穩住收視，何必去冒險、創新？也許是我們都預設了電視節目的「假」。不過是做個節目，不是現場直播，長則也不過是數分鐘的一個鏡頭，將將就就，過到「骨」就可以了，哪需去到盡？也許我必須承認，我依然是用著上世紀的標準去評價現今香港的電視節目，才會有這樣的判斷落差；所以，並不是「使唔使呀」，而是真正認真做的綜藝節目，根本就要這樣。

撇開了「使唔使呀」這局限後，我再思考為何這次《Error自肥企画》會令我看得如此過癮。我覺得是因為節目中的真、團隊和弱勢。

真，相信不用我多說了，但假如真要舉例，我建議去看看第三集「忍者打飛機」和第四集「Error遊詐詭」。

團隊，說的不只是Error，因為作為創意產業的產物，只將目光投放在演出者身上，無疑是見樹不見林；事實上，格仔導演、RainP、Agent L、阿暉等「幕後團隊成員」都是節目中的重要元素，而更重要的是，這節目中的「幕前」與「幕後」界線已經變得模糊：團隊成員都會登場，有其角色，而且一般所認知的「唔出街片段」亦會出現在節目當中；而這些花絮一樣的元素，吸引力不輸本身已構思好的內容。

弱勢，不是指與TVB相比時沒有慣性收視的弱勢，而是指沒有「筆直」、沒有如以往兩集一樣的日本外景。弱勢，那就用腦、用心去度橋，去在有限的空間做到盡；無日本靚景，但原來看著不同的香港街景、城市景，一樣可以將荷蘭番茄變出叉雞飯，看得人熱血沸騰、欲罷不能。

形勢很壞，那就再努力一點、拚命一點，堅持一點。結果也許不是最好，但起碼在實踐的過程中，參與其中的人都是在做最真誠的自己——只因我覺得，在拍攝時，他們都在真誠做自己，真誠地自肥。

謝謝Error，謝謝無制限OT編集団。

圖：《我們很帥》的MV截圖，同樣癲喪的一個MV，https://youtu.be/kRfIPFwHzt0

********************************
我的 Patreon，會集中寫一些與澳門相關的長篇文章，如果你感興趣，希望能解囊支持：https://www.patreon.com/AlvisSio
********************************
其他平台
Facebook：https://www.facebook.com/alvissio/
Medium：https://medium.com/@alvissio
Instagram：https://www.instagram.com/alvissio/