【一個分手要坐監的小島】 (9)
(上回連結： https://goo.gl/zVQN05)
(由頭追起：https://goo.gl/Dp8Ae1)
阿晴阿傑應邀去到Martin跟Rosana的大屋。
「你哋入嚟先，呀Rosanna喺廚房煮緊嘢。」開門迎接他們的是Martin。
屋內格局完全一樣，唯一不同的是他們養了一隻貓，阿晴一入到門口，牠就走到阿晴的腳邊磨蹭。
「好可愛呀！」要不是阿傑有鼻敏感，阿晴也想養一隻貓。
「Hello，見到你哋真係好開心㗎啫！」穿著圍裙的Rosanna，從廚房走出來，熱情地擁著阿晴：「你哋坐下先，好快就食得，今日我煮咗好多嘢呀！你哋一定要同我食晒佢。」
阿傑阿晴坐在梳化上。
阿晴看著Rosanna一臉幸福少奶奶的樣子，阿晴心裡羨慕起來。她曾經都有過一段時間，每晚窩在廚房裡，悉心準備晚飯，兩餸一湯還有飯後甜品。
那時是阿晴大學畢業後，直至找到工作前的一段空窗期。但後來兩個人都愈來愈忙，已經沒有那種二人世間的空閒。
貓從地上跳到阿晴的膝上。
「呢隻貓好痴人㗎。」Martin遞了兩杯果汁給阿晴阿傑，然後坐在他們對面，再問：「住喺度覺得點呀？開唔開心？」
對阿晴阿傑而言，現在只覺得這裡很有新鮮感、還未稱得上「開心」。
「嗯，都幾好呀。」阿晴一邊摸著貓，一邊答。
阿傑其實覺得這個小島有點古怪，但他不敢輕言，先試一試Martin口風：「你哋呢？上次聽你哋講，已經喺度住咗成一年？」
Martin喝一口果汁，沒有直接答他：「一句講晒，食得咸魚抵得渴，有得就有失啦。」
｢呢度兩句嚟㗎喎！」Rosanna從廚房走出：「唔好聽佢吹水住，過嚟試下我啲手勢得唔得先！」
他們四人，面對面的坐在飯桌上。
阿晴看到桌上的八餸一湯：「咁多我哋未必食得晒㗎喎⋯⋯」
「冇所謂啦，反正喺呢度冇咩嘢做，有時間咪煮多啲囉！」Rosanna答。
「係呢，今日你哋有咩做？」阿傑問，他想知道更多關於這個小島的事。
「我哋唔似係你哋咁多嘢搞，買下嘢散下步，跟住咪煮呢餐飯囉！」Rosanna很享受這種優哉悠哉。
阿傑想起了「時間表」，於是又問：「呢餐飯都係時間表安排？」
「晚飯時間係安排好，不過請你哋過嚟食就係我哋主意。」Martin答：「做咩咁緊張？係咪因為今朝去過𠴱個地方，所以擔心？」
阿傑：「你指監獄？」
Martin望一望Rosanna說：「嗰度都真係幾恐佈呀可？」
Rosanna想了一想：「依家諗番起都有啲驚呀。」
「你哋喺入面住過？」阿傑不想太直接說人坐監。
「佢咋，哈哈！」Rosanna指著Martin。
阿傑很有興趣想知在監獄裡會發生什麼事，但Martin似乎不太願意提起，只是說很恐怖，不想再進去多一次。
原來，Martin已經坐過幾次監。
「都痴線嘅！郁啲又話扣分，咁係人都要坐啦咁！」Martin 一邊吃飯，一邊抱怨。
「真係要坐監㗎？」阿晴緊張哋問。
Martin喝了一口果汁，答：「你哋依家唔使擔心，冇咁快會扣分住。」
「扣分？」阿傑依然不明白。
Martin試著解釋：「總之跟足指令就冇事，」再看著Rosanna：「但有時你估唔到同佢講嘢大聲少少都要扣分，扣扣下又話要坐監，好彩坐幾日啫。」
｢咁嗰次係你暴躁發脾氣嘛！」Rosanna也幫忙解釋。
閒聊了一會，Rosanna叫了阿晴一起預備甜品，阿傑跟Martin則仍在座位上。
「你食唔食煙？」Martin問阿傑，阿傑搖搖頭。
Martin從煙盒裡取出一支煙：「咁你陪我食。」
Martin帶阿傑走到露台，點著了煙，嘆了一口氣，再跟阿傑說：「唉，做男人係咁㗎喇。」
面對Martin的突然感性，阿傑不懂怎去回應。
Martin呼出煙圈：「嚟得呢度，大家都知咩事啦。」
想不到，Martin會主動提起阿傑一直都想知的事：『點解會嚟呢個小島？』
「以前我掛住做嘢，就算佢有咗都冇乜點照顧佢，點知真係出事，小產咗，真係化學。」Martin又再嘆了一口氣。
「所以就嚟呢個島散心？」阿傑問。
「唔好睇佢依家有講有笑呀，佢嗰陣日日喊晒要生要死，成個人好抑鬱咁。」Martin答：「依家陪佢多啲，當補償番佢。」在Martin心目中，他也很希望可以當一位爸爸。
「係呢⋯有啲嘢想問問你。」阿傑有點不好意思。
「問啦！」Martin吸了一口煙。
「你哋夜晚係咪都有嗰一個指令？」阿傑隱誨地問。
「你指做愛？」Martin答：「梗係有啦，唔跟死人㗎！」
阿傑：「但唔跟嘅話，佢都會知？咁即係我哋畀佢哋睇到晒？」
Martin：「佢哋係會知，但邊有人咁得閒睇你吖！」
阿傑想起Martin一開頭說的那一句：「食得咸魚抵得渴」，要享受島上的一切，就要被監管。
Rosanna從屋內叫他們二人，甜品已經準備好，Martin立刻把煙弄熄：「佢唔鍾意我食煙。」
阿傑跟Martin回到屋內，見到Rosanna跟阿晴都笑著，似乎也說得興起。
飯後再聊多一會，阿晴阿傑便要離開。因為他們、Martin及Rosanna也夠鐘要進行那樣活動。
【23:00 到床上做愛】
這一次，阿晴阿傑脫光衣服，走到床上，沒有任何一句甜言蜜語，也沒有接吻，就像例行公事一樣，沒有快感，也沒有愛，只是為了完成指令。
過後，阿傑阿晴仍躺在床上，阿傑開口問她：「妳仲想唔想留喺度？」
阿晴反問阿傑：「你仲想唔想同我一齊？」
他們分別沉思了一會，然後答⋯⋯
(1000likes + 150 shares 待續 )
*請大大力Share！愈多Share出得愈快！！！夠數即出！
*每晚10:00 出文，記得上嚟睇！
*唔想錯過故事，可以Set我Page做「先查看」呀～
－－－－－－－－－－－－－－
唔介意嘅過不妨講句「加油」，或者「睇緊」，令我就知道努力打文都係值得，真係有人想睇吖！
(好似好麻煩咁成日要大家Share，但你撳一撳，就係我嘅最大動力，對我好重要㗎🙏🏻)
(1): https://goo.gl/Dp8Ae1
(2): https://goo.gl/oyjfqM
(3): https://goo.gl/EnM7Ho
(4): https://goo.gl/5LMdrW
(5): https://goo.gl/nBgaQH
(6): https://goo.gl/8xjoQe
(7): https://goo.gl/Lpnryz
(8): https://goo.gl/zVQN05
(9): https://goo.gl/eAYtSp
(10): https://goo.gl/Dzrkst
【Like Page追故事： 莎比亞】
IG: sapeiar
私人ACC: sapeiar
acc意思ig 在 如何匿名看前男友、前女友的IG 限時動態？Instagram 小密技 的八卦
... <看更多>