同一位廣告客戶夾緊隻job，WhatsApp喺度傾product相點樣影，情況就好似一時話試下擺隻白鴿喺度，一時又話要白鴿個頭向住我，一時又話唔要隻白鴿🤦♂️咁唔係辦法喎，所以我決定問下佢：「喺唔喺office？不如簡單Con-call啦，費事一陣get錯。」
客：「我喺office呀，不過想落街買支水先，20分鐘後call你ok？」
20分鐘ok，不過返咗公司仲要落街買水？冇水機㗎？
原來佢哋較早前home office，冇晒水唔敢即時訂，因為當時唔知會wfh到幾時，呢排老細安排同事分AB更咁返工，返到去先醒起pantry冇晒水，兩日後先有人送嚟。
我舊公司都試過唔記得訂水，落完order要等幾日，結果個個走去自費買水買嘢飲，老細晨早想沖杯啡都唔得，可能覺得唔方便啦，老細即日叫咗Admin出去買部淨水機，擺喺pantry解燃眉之急，本身佢諗住公司水機有水替換之後，個淨水機就拎入自己房獨享，點知同事們愛不釋手，最後成功爭取變成公家使用。
好難怪班同事「見異思遷」㗎，因為舊公司長期就住水機問題鬥智鬥力，唔知大家有冇用過舊式水機？可能而家仲有公司用緊，即係要成支水托起再反轉倒插嗰隻呢！Office裡面有同事唔夠力換水，又有同事側側膊唔多覺，最後斟完唔去理，又唔叫人幫手，呢啲都算喇，某日斟水好多人發現有異味同雜質，原來係樽水個膠蓋污糟，換水時冇抹乾淨就兜嘢插落去。
後來換咗部新機唔使托，喺下面插條管就搞掂，不過唔知點解有時會唔夠熱，連嗰啲三合一嘅咖啡粉都溶唔晒，加上個感應好似有少少遲緩，有時冇晒水要等一陣先至著燈，咁上一手同事斟完正常就走㗎啦，唔通企喺度等你10秒8秒睇完顯示先返埋位咩，所以仍然會出現冇晒水冇人換嘅情況，有啲同事睇唔過眼又喺度嘈，想飲啖水啫，使唔使搞到咁複雜呀？咁你明點解老細部淨水機咁受歡迎啦！
坦白講，係舊老細令我自此之後情迷淨水機，特別係而家呢段敏感時期，有咩緊要得過健康吖，畢竟傳統方式煲水係唔能夠過濾雜質，我屋企用緊嘅飛利浦RO純淨飲水機就可以去除水裡面細至0.0001微米嘅有害雜質、99.999%細菌同埋病毒、99.9%重金屬即溶解性鉛等，全靠佢嘅RO逆向滲透淨水系統，仲有UV-LED抑菌淨水箱，防止二次污染。
講乜都好，大前提係要方便，呢部RO純淨飲水機唔使安裝呢樣嗰樣，更加唔使駁喉駁盛，一插電源就用得，3秒即熱唔使等，避免咗飲用翻煲水之餘，又有4段水溫同埋4種出水量，做緊嘢嘅時候沖茶沖啡沖燕麥或者煮個杯麵都快靚正，我識得有媽媽級嘅朋友沖奶都冇問題，而佢個濾芯原物料仲係韓國進口，安全可靠，壽命可以維持成年咁耐，到時會有顯示燈提醒唔使估估下，健康得嚟又環保，你公司肯擺部喺pantry固然開心晒冇交嗌啦，其實屋企有一部都好合理㗎，總之大家要乖乖地見字飲水，特別係飲新鮮純淨嘅水，對身體有好多好處㗎！
#飛利浦 #RO純淨飲水機 #新鮮純淨水 #環保 #無需安裝一插即用 #3秒即熱唔使等 #健康無價 #見字飲水
ab膠去除手 在 沾到油漆AB膠該如何去除?! - Mobile01 的八卦
大家好~小弟是木工學徒，不過也要會油漆，所以會碰到AB膠或油漆，最討厭的就是AB膠，雖然上班髒無所謂，不過下班也是想乾乾淨淨，所以想問各為前輩該如何對付AB膠這個 ... ... <看更多>