每一對情侶，都希望搵到甜蜜一世、白頭到老嘅方法。
但去到某段時間，兩個人之間嘅快樂逐漸消失。
一次約會中，明明你哋十指緊扣，大家互望微笑，不過眼底裡，竟然發現對方已經唔再係嗰個，曾經令你朝思、令妳暮想嘅戀人，而只係一個「慣咗生活入面有佢，冇咗又有啲可惜」嘅身邊人。
記得啱啱追女朋友嗰陣，因為佢係眾人嘅女神，而我只係個平凡不起眼嘅男生，所以諗咗好耐點樣可以突圍而出，令佢知道我嘅存在，再畀我順利收服做女朋友？
我嘅方法係，首先，令佢有「戀愛嘅感覺」，搵咗個原因同佢朝夕相對，又搵咗個原因同佢交換早餐，間中好近，間中又保持距離，花好多心思，去令佢覺得「被愛」－Feeling loved。
只可惜呢份心思，得咗手，發芽後，就日復日咁埋藏心底，由佢自然生長，但要「愛情」自然生長，都需要養份，要有陽光要有水，否則最終只會枯萎，埋葬心底。
到底係幾時開始我唔再畀心機愛佢？
面對同樣不知所措嘅女朋友，我決定用「重新追佢一次」嘅方式同佢相處，要佢沐浴於燦爛嘅陽光、滲住甜味嘅空氣中，再一次擁有愛情！
先從文字入手，Send個WhatsApp畀佢。
我：「Hi，靚女！」
佢：「做乜突然間口花花？」
我：「對住妳好自然就會咁，太靚女忍唔住⋯⋯」
佢：「古古怪怪咁呀你！講！係咪做錯咩事？」
我：「想誠邀閣下同我去睇戲，唔知畀唔畀面呢？」
佢：「遠唔遠先？」
我：「好近，旺角MOKO間UA，我去妳屋企樓下接妳啦！」
佢：「咁好？」
我：「我不嬲都咁好！」
記得佢講過，最鍾意同我兩個人挨住睇戲，雖然到後期有時我會怪佢太肉緊摙到我好痛、睇鬼片係畀佢嘅叫聲嚇親、長期挺直畀佢挨住有少少腰痛⋯⋯
但為咗令佢重拾初初拍拖嘅感覺，今次我好主動咁拉起手柄，坐直個人，拉一拉件恤衫就拍拍膊頭，示意佢挨落嚟。
電影開始前，漆黑中，我𡃶咗佢塊面一啖，佢望住我笑一笑。有時拖住佢隻手，有時攬住佢條腰，佢心入面一定諗緊：點解佢今日冇嫌我煩，話好熱叫我唔好痴咁埋，反而全程都攬實我？
而我只係心諗，成間戲院，只有佢一個女主角。
短短一個幾鐘，電影完結，落幕後著燈。我哋冇急住起身走，而係唔捨得咁坐喺度。
佢仍然挨住我，十指仍然緊扣。
直到不得不離場嘅時候，我先慢慢咁拖住佢起身，片尾曲柔和嘅旋律襯托下，我哋終於互望咗一下，佢有少少怕羞咁低頭微笑，今次我哋嘅眼底裡，原來對方仍然係令自己心跳加速嘅唯一一人，The Only One。
當你覺得，愛情好似愈嚟愈遠。
或者只係我哋唔覺意咁，將佢放到好遠，以為擁有咗，就唔需要再打理。
但其實，戀愛呢份感覺，係需要畀少少心機去營造，即使只有啲啲，都好過冇。
【後記】愛情需要回憶，戲院係一個好好嘅地方幫你搵返自己嘅故事，不妨入呢度睇睇，重溫你同佢嘅甜蜜：：http://bit.ly/MTM_W2
#MoreThanMovies #UACinemas
------------------------
喜歡的話like我的page，會有更多故事及散文
FB: 莎比亞
新書：《最後一分鐘－愛情》各大書局有售
*** 八卦先好ADD嘅私人FB AC: sapeiar ***
Follow IG睇獨家sweet相: sapeiar
uacinemas 在 uacinemas - YouTube 的八卦
uacinemas. uacinemas. @uacinema. @uacinema 1.24K subscribers 342 videos. More about this channel. Subscribe. UA Cinemas. Home. Videos. Live. Playlists. ... <看更多>