諗緊乜？就係諗起以前年年都要去採訪七人欖球；每做完一屆，個感覺就好似自己打咗幾場七人欖球咁，散晒。
點解？首先因為戰線漫長，要一連三日咁做；場數又多又密，兼打足一日，完全冇時間抖氣；訪問球員之外，仲要訪問球迷。基本上，你係要喺一個清醒嘅狀態之下訪問一啲好大機會唔太清醒(即係飲完酒之後情緒超高漲嗰種)嘅觀眾。嗱咁就正嘞，試過有一年喺南看台(即係玩得最癲邊呢)做現場直播，到就嚟要開始嘅時候，隔離竟然有位外國朋友準備對正個鏡頭除褲，我惟有拿拿臨打側身遮住佢(好彩，遮得晒)，之後攝影師就急急擰開個鏡頭，叫做力保不失；又試過畀個球迷連咀幾啖(男球迷)；之後諗住唔喺南看台做啦，點知做做下直播就畀兩個小朋友衝出嚟攬住我(我自己都笑咗好耐，上網有得睇番，好似🤣)；總之就千奇百趣乜都有。採訪呢件盛事永遠都係咁大挑戰，要接受挑戰，真係要時刻做好準備先得㗎。
做體育傳媒嘅人，其實唔會有咩「日子」嘅概念，咩星期六日呀公眾假期呀全部都唔關我哋事嘅；通常提醒我哋嘅呢，係「比賽」。好似一到七人欖球賽，我就會有嗰種「啊，又一年喇」嘅感覺。#滙豐國際七人欖球賽 今個星期五起(6/4)一連三日舉行，咁又一年喇；想知道「日子」我要靠「比賽」，想知道時間？靠TAG Heuer囉，佢哋係 #滙豐國際七人欖球賽官方計時器以及官方腕錶 嚟㗎嘛。
#TAGHeuer
#DontCrackUnderPressure
#TAGHeuerIsRugby
#RugbySevens
