sallycoco10的八卦，Yahoo名人娛樂都在討論

嚟緊9月 Sally Coco 就十歲！嘩！🤯乜十年㗎啦！係！話咁快就十年！想當年我哋兩個只係一對岩岩相戀想一齊推動香港性教育和文化嘅情侶，到而家已經係人哋嘅阿爸阿媽。Sally Coco 可以話係伴隨住我哋呢段故事平淡但當中有你嘅關係一齊成長。❤️ 唔知呢度有幾多人幫襯過，但就算未幫襯過我相信從我哋平日嘅影片或者資訊分享大家都會有所得著。🤣

呢十年自問我哋都做過好多有意義嘅嘢，要回顧真係有排講，我諗一直支持 Sally Coco 嘅你哋都好清楚我哋嘅作風，咁多年來都可能為你嘅人生帶來一啲啟發。平日你哋睇咁多我嘅片和文字相信都好了解我嘅性格、觀點和理念。但一間公司嘅成長（暫時不敢說是成功）唔係只係一個人嘅功勞，團隊嘅合作和努力先係十年都未執笠嘅關鍵。💪🏻

今次十周年慶，我想將個 spotlight 射係一班 Sally Coco 台前幕後嘅工作人員身上。台前嘅有平日大家係鋪頭見到同熟悉嘅Intimate Stylist，幕後有好少機會出鏡嘅物流、客服、設計以及管理 Website 和 Social Media Content 嘅同事。黎緊成個8月會陸續出 post 讓大家更了解 Sally Coco 背後嘅團隊。😎 有啲可能會出樣，有啲怕羞唔出樣，但佢哋都會用相片和文字說出佢哋嘅故事。好似話打頭陣嘅會係 Picco，跟住有我，同埋我哋8年前第一個聘請，一直做到而家嘅同事。想睇嘅就 follow @sallystoy 或者 #SallyCoco10，黎緊會有好多靚相睇！睇完佢哋嘅故事有共鳴，希望你哋到時能留言為佢哋打打氣！🥰

P.S. 原本呢張相係影我哋兩個係喥砌積木，喻意呢十年來一齊去建立我哋嘅感情、關係同埋 Sally Coco ，但點知背包（我哋個囡）係度要入鏡，咁就唯有照影啦。🤣 影完睇落好似太過親子 feel，好似同公司形象唔係好夾，但諗諗吓其實呢個都係我哋日常生活和工作嘅真實寫照，既然係真實嘅亦唔駛多作修飾，所以就 post 比大家睇吓啦。

多謝攝影師和團隊嘅仗義幫忙！感激不盡！
強烈推介各大商戶有Job搵佢哋！❤️
Photo by @kellycheuk.jpg
Produced @blahblahblah.hk
_
#SallyCoco10
#SallysToy
#hksextoy
#sexpositive
#性教育
#情趣用品
#十周年

極力推介睇吓我哋 #SallyCoco10周年專訪 尤其岩岩 follow 我哋嘅朋友，可以了解下我到底係邊個。🤣

【WHO ARE YOU? 】

我係一個女人，咁啱係十年前遇到我愛嘅人，然後開咗一家以推廣性教育為主名為 Sally Coco 嘅 Intimate Lifestyle Store。除此之外，我仲有其他身份，如性教育工作者、Women’s Festival 嘅 Co-Founder、佛學輔導碩士生、背包個阿媽、不稱職的賢妻以及搞笑界嘅巨星等等，但最重要嘅係我係一個 #真係好撚鍾意香港 嘅香港人。

【相片的概念想表達什麼？】

呢張相毫無花巧，直接坐係度就影，因為我想表達嘅係我就係我。咁多年黎無論係電視、報紙、網媒、YouTube 出現都會有聲音說「點解搵個咁樣衰嘅黎講性玩具或者性知識，完全挑唔起我嘅性慾？！」世人對於一個情趣用品店老闆娘嘅外貌身材都有既定刻板嘅形象，期望佢係一個性感尤物。🤷🏻‍♀️ 所以我想呈現最簡單最直接最平常嘅我。我就係我。連我這個平凡人都可以大方談性，坦誠地面對自己嘅需要，展開情慾探索，我相信你都可以。

【為什麼創辦 Sally Coco？】

創辦呢間公司嘅故事係各大報章媒體講座我都講過好多次，說到底真正創辦嘅原因就係因為我同好多香港人一樣都係沒有性教育下的犧牲品。

以前我從不探索自己嘅身體，因為覺得性器官是污糟的。以前我違背自己嘅身體，因為覺得性是為了滿足對方嘅需要而做的。以前我討厭自己嘅身體，因為覺得我不是大眾所期望嘅美。當我第一次鼓起勇氣用震動器探索自己嘅身體，個一次嘅高潮徹底推翻了我由細到大對性、情慾和身體嘅想像，原來呢三樣嘢都係我可以自主的！

如果由細到大有正向嘅性教育，我就不用等到23歲才真正的接受自我和建立自信。我和 Picco 決定創辦 Sally Coco 係因為我們相信性教育能推動性自主。透過正面開放地談性愛，希望有天情慾話題不再是禁忌，隨心所慾地談情說性能在香港社會遍地開花。

【對「性愛」有什麼看法？】

性愛就好像打邊爐一樣，每個人鍾意嘅湯底同配料都唔一樣，所以隔離枱鍾意食麻辣火鍋關你叉事咩。

【平時如何實踐「自愛」（Self Love）】

自愛就係容許自己有不同嘅情緒、思想和念頭，但明白佢哋唔係你嘅全部。以前的我當有「負面」情緒出現時，我都會選擇壓抑或用不同的方法去逃避，如食嘢或睇電視。但經過一年嘅正念修習和輔導，我發現當情緒出現時，如果我唔壓抑佢，而係選擇聆聽和陪伴佢，反而我會更舒服，情緒有時亦會更快離開。

既然你咁有心機睇到呢度，就為你送上一行禪師關於自愛嘅 Quote：

“Understanding is love. If you can’t understand, you cannot love. When you understand yourself, your suffering, you love yourself.”

— Thich Nhat Hanh
_________________
Follow #SallyCoco10 關於十周年的一切都會陸續上載！歡迎隨時參觀我哋嘅網店：www.sallystoy.com

Photo by @kellycheuk.jpg
Produced by @blahblahblah.hk

#SallyCoco
#SallysToy
#hksextoy
#sexpositive
#性教育
#情趣用品
#十周年
#香港小店
#成人用品店

唔駛問啦～ 我真係唔會賣春藥㗎～

#好多嘢我地都有賣
#但有啲嘢我哋係絕對唔會賣嘅
———————
#SallyCoco10 十周年速遞 👇🏻

十年情趣用品店創業心得全片重溫：https://youtu.be/VNT1EUvQTts

十件最愛產品瘋狂優惠：https://bit.ly/3bLuXCo
10%盈利將捐贈十間本地非牟利團體
———————
💪🏻支持我嘅性教育工作：patreon.com/veralui
———————
Facebook: sallystoy.vera
Instagram: sallystoy.vera
性事情趣分享 YouTube: sallystoy
我哋鋪頭：www.sallystoy.com