一隻貓，改變了我跟女朋友一生。
最困難的時間，有他陪我們度過。
「不如養一隻貓？」女朋友有天忽然提議：「我朋友隻貓生咗六隻，我哋可以拎一隻呀！」
「不如諗清楚先啦⋯」我以教育電視的口吻勸她：「一養就成世㗎，好大責任！」
「好可愛呀佢！我就係要照顧佢成世！」她以一個堅定的眼神，看著當時剛剛出生的小貓的相片。
或許是一時的衝動，但她絕不兒戲，立即閱讀大量有關貓的資料、執好屋，還跟我一起苦惱貓的名字。
「叫佢做⋯嘉俊啦！」我提議。
「黐線！要改個得意嘅！有創意嘅！」女友反駁。
「咁呀⋯叫Jer Jer啦，好得意！」我絞盡腦汁，又再提議。
女朋友沒有回應我⋯⋯
隔了十多分鐘，她突然彈起來說，想到了！想到了！一於叫他做⋯⋯Pat Pat！
我拍掌叫好，真有創意！
兩個月後，待Pat Pat戒了奶，我們就接了他回家，正式成為我們的一份子。
「妳自己照顧佢呀！夜晚佢柯屎你幫手換貓砂呀，我唔理㗎！係妳話要養！」
我以為自己對養貓這件事，沒有多大感受，甚至告訴自己：不要像那些貓奴一樣，總是拿著手機影貓，還要以低B的BB Tone跟小動物說話，不要，絕對不要。
「你抱下佢啦！抱下佢啦！」女朋友抱著Pat Pat來到我面前。
他很暖。
自從跟Pat Pat有親身接觸、每次我走近他他都會喵喵叫、又在起床時翻轉身手向天，讓我摸摸肚子後⋯不得不承認，我被溶化了。
整天拿著手機影他。
一回到家就以BB Tone：「Pat Pat你點呀！有冇曳呀！」
女朋友抱著他時，我總說：「畀我抱！畀我抱！妳唔好霸住佢先得㗎！」
說Pat Pat改變了我跟女朋友的一生，因為，他的出現令我們快樂了很多。
本來我們的生活已經平淡如水，整天由朝吵架到晚，但他成為了我們追求幸福的動力。
我們要一起好好照顧他。
不幸地，Pat Pat的其他幾隻兄弟姊妹都因為貓瘟而離開了，女朋友很擔心Pat Pat的健康，每次抱著他，也叫他要堅強，要健健康康活下去。
他每一個舉動都令我們笑；他病了會令我們哭；我們每天最重要的工作，就是餵食，換貓砂，及放工趕回家跟他玩。所有其他事情，所有苦惱，都變得微不足道。他喵一喵，我們心就甜一甜。
我們不知道會在一起多久，人生畢竟是條減數。或許我們會先上天堂，或他會先走到彩虹橋，但我們能在這短暫的人生相遇過，互相愛護過，每一秒也很難能可貴，也是無悔的快樂。
#PatPat嘅相貼在留言
【後記】女朋友突然同我講，話想養多隻寵物，好得意！我話吓⋯照顧Pat Pat都用晒我啲心力，點知佢竟然講咗啲我意料之外嘅說話：「係隻Game嚟！叫《The Last Guardian》，好得意㗎！入面會同一隻識飛、神態好似貓嘅動物一齊探險！快啲買畀我玩！」我話：「乜妳唔係嚴禁我打PS4㗎咩⋯⋯
」
佢輕輕咁話：「我玩咋嘛，幾時有話畀你玩⋯⋯」
睇下呢條片，就知幾得意：http://bit.ly/2g5FOc2
PlayStation HK #PS4最後的守護者
------------------------
***最新出版：小說《初戀，是不可挽回的追悔》各大書局有售
喜歡的話like我的page，會有更多故事及散文
FB: 莎比亞
*** 八卦先好ADD嘅私人FB AC: sapeiar ***
Follow IG睇獨家sweet相: sapeiar
