我被女友狠狠地教訓了⋯⋯
由細到大，我都自問記性超好，發生過咩事、有咩要做，全部都記得晒，唔使抄低喺任何地方。
所以每個要女朋友慶祝嘅日子，我都絕對唔會忘記。
就算女朋友質疑我：「係咪㗎？你一多嘢做就會唔記得㗎喇！」
我冷笑咗一下：「妳估我係妳咩！」佢同我相反，超級冇記性，唔抄低就一定會唔記得！
當我自信滿滿嘅時候，可怕嘅事情就發生⋯⋯
早幾日女朋友問我：「今日係咩日子？」
我即刻嚇咗一嚇，係我腦海入面，完全冇關於近期重要日子嘅記憶。
女朋友突然哈哈大笑，同我講：「今日咪就係『冇乜特別日』，我嚇下你咋！傻佬！」
「畀妳嚇死喇！明明我記得紀念日係8月21號，而家係12月喎！妳真係當我傻咗。」我答。
點知，女朋友竟然面色一沉：「8月21號⋯⋯？」
大鑊了！我一時口快，講錯咗我同個EX嘅紀念日⋯⋯我同女朋友嘅紀念日係9月21號先啱⋯⋯
我：「Sorry呀⋯⋯唔好嬲！」
佢：「冇，冇嬲，點會嬲啫！我又唔係你女朋友，XXX（我前度）先係嘛！」
我：｢呃⋯唔好咁啦，我錯，妳點先肯原諒我？」
女朋友喺手袋拎咗個Fluffy House月曆出嚟，抆住我耳仔：「原諒你都得，同我圈起晒啲重要日子！一個都唔可以錯。」
當我一邊諗一邊圈嘅時候，女朋友拎咗另外一個月曆出嚟，我望一望，好多月份、好多日子都好詳細寫低我同佢之間嘅事，包括有【第一次拖手】、【去邊度邊度旅行】、【今日鬧咗場大交】、【今日佢親手煮早餐畀我食】
我：｢乜原來妳會記咁多日子⋯⋯我以為得生日、紀念日、同埋，冇了⋯⋯」
女朋友慢慢同我解釋：「你知我冇記性，但同你之間有好多事、好多日子，都一定要記住，所以每年我都要抄一次，係咪好煩呀我？」
望到月曆上，每個月都有女朋友覺得值得紀念嘅日子，我有少少感動，原來我對佢係咁重要，每一個微小嘅舉動，佢都要深深記低。
我流晒眼淚鼻涕，攬住佢講：「多謝妳呀！」
不過女朋友冇畀我嘅愛融化，繼續抆我耳仔：「⋯⋯唔好扮嘢！你快啲同我繼續圈呀！每個月起碼要有10個，自己諗呀！」
無論你幾有記性，以防萬一，都係寫低安全啲。
【後記】 唔知幾時開始，女朋友好鍾意Fluffy House嚿雲，話佢天然呆個樣好似我！我仲諗住，圈完月曆上埋山頂廣場陪佢瘋狂自拍，呢個刑罰就應該完⋯⋯
點知女朋友仲話要同我去Kornhill Plaza 康怡廣場 全港首間嘅Fluffy House Pop-up Store買少少嘢先肯原諒我⋯⋯
The Peak Galleria 山頂廣場
#ThePeak #ThePeakGalleria #FLUFFYHOUSE雲遊音樂 #FLUFFYPHOTO #FluffyHouse #PGXmas
