再說點私事。
終於決定，要unfriend一個多年大學好友。不是Facebook裡的unfreind，而是友誼的決裂。
我倆的友誼始於暴大宿舍開始，雖然我們不同系，但在山城裡的日子，於MMW天台吹水，考試讀書失戀隊啤的日子，是人生最快樂的時光。這時的buddy，沒有金錢利益瓜葛，單純的友誼，單純的快樂。
早兩天與X晚飯。然那天晚飯後，我知道我永遠要失去這朋友。
自小爸爸教我，「得人恩果千年記」，那些年雖不算互種什麼恩，但相互照顧的日子，難得難忘。出來工作後，雖然大家不同行，X投資有道算賺到錢，我只是個食物鏈最底層的公關仔；但出來吃飯見面，他沒有自大，我沒有自卑，仍是當年的單純。
雖然雨傘時，已經知道X是個只顧賺錢的仆街，只顧埋「怨堵路阻人搵食」。但那時我仍覺得，相識多年的日子，仍是難得的緣份。所以雨傘後，盡量不談政治就是了。
當然，我們見面次數大減也是真的。
實在每次見他都想起他的賺錢論，心裡有條刺。但畢竟也是多年兄弟，就用對付家人藍絲的方法應付好了。
早兩日剛巧X生日，與他晚飯時，自問也戰戰競競，生怕觸碰政治話題，不歡而散。然先撩者賤，他在飯局尾聲說：「其實香港經濟插水就乜都完，依家俾班後生仔攪死晒。」
「首先呢個係政治問題，攪死經濟嘅係政府。班後生仔爭取嘅，你都有份。唔通你想香港好似大陸咁？」
「無得鬥架，賺多幾年錢咪走囉。家陣班後生自己搵唔到錢，拖我哋攬炒。喂，佢哋搵唔到錢，咪攪著我哋吖，你公司生意都差咗啦，你唔驚無嘢做咩？」
「比起班後生仔嘅付出，一份工真係好少事。」
「你咁咪戇居囉，你無錢邊個養你？」
「除咗錢，呢個世界仲有好多嘢係值得付出。」呢一刻，我覺得眼前呢個人係無得救。
「老實，我中立嘅，邊個暴力都唔啱。」
「依家警察同示威者暴力係不對等，示威者可以俾佢亂咁拉同告，警察濫暴係不需負責。佢哋咁打人，你可以無動於衷？」
「咁又點啫，做唔到咩架喎。班人出得嚟就預咗俾人打架啦，無得怨！」
「我唔想再討論呢個話題。」
那一刻我只想埋單走人，對於呢啲無良心嘅人，我對多一刻都唔想。
以前總認為，識於微時，或者識咗好耐嘅緣份，係好難得。但呢場運動真係照妖鏡，用道德良知劃咗條界線，呢條線比起以前講嘅「重感情」來得清晰容易。對於呢啲無良心嘅人仁慈，對於我來說，就是對那些付出的手足殘忍。
雖然下定決心，但這個決定真的不容易。不知道大家有沒有這些割蓆的苦惱，但怎樣也好，對於有限的人生，我們應該把時間分給更懂得自己的同路人，不是嗎？
唉，好感觸，我有啲想喊。
#我怕折腰你怕窮
#彼此怎可折衷
#仲慘過失戀
mmw 在 Nike Zoom MMW 4 搶先開箱&尺寸建議年度鞋王會是他嗎!? 的八卦
... <看更多>