今日做完3個Career Coaching之後，穿梭港九新界五個地方，交收之前透過唔同途徑買返嚟嘅口罩。我唔係新世界太子爺可以攞成千萬出嚟，我最多可以攞萬零兩萬蚊出嚟，你哋可能覺得我「少少錢唔好出嚟襯」啦，但係正如一位讀者講：「每人行一小步，其實改變可以好大。」
昨日先比朋友話我戇9，因為我同佢講我決定將新年期間做嘅Career Coaching所賺返嚟嘅錢全數攞嚟買口罩、抹手液，免費送比有需要嘅人。佢話Career Coaching本身已經好浪費時間、浪費精神，仲要你新年做埋83折，加上而家出去搵口罩好多人都會坐地起價，即係新年檔期Career Coaching係白做。
我覺得冇所謂啦，啲錢永遠賺唔晒，而家好多人係需要口罩但係搵唔到。身體健康最緊要，身壯力健鬥長命。
目標係收集150-250包口罩（每包入邊有五到七個），整理好之後，下星期就會免費送出。
我公司係叫Fillture，Fill up your Future，係我希望做到嘅嘢。如果冇咗健康，點有能力可以創造自己嘅Future？今個星期我嘅我偶像走咗，令我反思人生其實好無常，要及時行樂同珍惜心愛嘅人。
大家一定要勤洗手戴口罩做好消毒，出街一定要帶口罩，保護好自己、保護好自己愛嘅人。
唔使擔心我同我嘅屋企人，我哋自己有口罩用。
同埋希望藉住呢個群組嘅力量話俾人知香港邊度有口罩賣，各位讀者多多分享。
註：以上圖片全部係朋友借圖
P.S 心情仍然很惡劣，近日會公布如何免費取得口罩，請留意。
fillture 在 Fillture Group Limited | Facebook 的相關結果
Fillture Group Limited. 923 likes. Fillture Group Limited由具備多年獵頭公司工作經驗的獵頭組成。 有別於傳統招聘顧問單以「成功聘用」、「成功招才」為目標 ... ... <看更多>