「唓，CS好易做之嘛，每日聽幾個電話又收工，唔使日灑雨淋，幾舒服。」
隔離team個同事喺電話中落足咀頭，明顯係氹緊求職者去interview，但唔好以為呢幾句只係對白，佢份人真係咁，成日輕視人哋份工，覺得自己係最叻，乜都做得掂。
佢啲偉論發表過好多次㗎喇，例如「Admin日日數手指，訂下水訂下文具又一日」、「Receptionist淨係聽電話冇技能，單手都做到」、「Retail sales就好啦，唔使cold call，企喺舖頭就有客入嚟，放工又唔使跟paper work」、「教書啲錢好易賺，年年跟本書講返同一堆嘢，錄音都得啦！」、「Promoter輕鬆呀，企喺度渾渾噩噩又一day」。
乞唔乞人憎？不過你諗深一層，唔止我有呢種同事，大家身邊梗有呢類人，所以一啲都唔陌生，佢哋嘅特點係鍾意去否定別人，以為咁樣就代表自己有態度。
每個行業、每個崗位都有各自嘅難度同埋辛苦嘅地方，CS畀蠻不講理嘅客人兜頭兜面鬧嗰陣，你又睇唔到啫；Admin同Receptionist一日坐足咁多個鐘，坐到屁股都痛，訂漏一次水隨時成個office怨你，點會冇壓力；Retail sales放咗工唔使煩？究竟你有冇了解過呢個行業架？企到腳都斷，要追target之餘，返到屋企仲要用whatsapp group報數呀！
其實我同呢位乞人憎同事一齊出去見過客，你想像到過程有幾難頂嘛？當日由灣仔office坐車去觀塘，喺工業區行去見兩個客咋，少少路程佢已經話攰，吓！乜世界上有嘢難到佢㗎咩？不過呢啲人通常都係雷聲大雨點小，總會賴三賴四嘅，抵我有好嘢唔益佢，Panasonic Beauty Hong Kong嘅 #美腿按摩器 係另一位成日要出街做嘢嘅同事介紹我用，可以促進血液循環同埋舒緩水腫，仲有一隻 ＃美臀按摩器 就係OL至愛，用嚟消除一日嘅疲勞，呢兩樣打工仔恩物仲可以褶埋，慳位又方便。
或者好多人唔理解你份工，成日講埋一啲好膚淺嘅評論，令你覺得好嬲，甚至想攻擊返對方，其實唔使㗎，呢種人咁討厭，你無需將自己變成佢一樣，否則大家就係同一類人，睬佢都嘥時間啦！最緊要清楚自己嘅價值，同埋要錫自己多啲！
Panasonic美腿按摩器同埋美臀按摩器嘅詳細資料可以喺下面連結睇到，希望大家新一年工作順利，遇少啲乞人憎同事啦！
👇👇
http://bit.ly/2DKZ1io
#PanasonicBeautyHK #美腿按摩器 #EWRAJ6 #美臀按摩器 #EWRAG5
