攞完蛋糕返緊屋企。細佬打黎...
把聲好細又塞塞吓咁樣... 我心諗都無好野...
細：媽咪呀.. 呔仔佢用個鎚dup爛左個舊電話... D碎四圍都係... 佢clean up緊...
我：哦~ 咁有無整親呀？
細：我有桔親DD...
我：吓？咁你地唔好再攪喇。即刻放低乜都唔好掂。我就快返到。等我攪啦~
細：(嗌過去~) 媽咪叫你唔好再攪呀！
我：好啦小心D唔好踩到。好小事唔使驚！
其實有2個仔。都慣左佢地D突發野。而家要求好低架咋。總之無大受傷。無燒左間屋。我都無咩反應架喇 😂😂
返到去。呔仔響backyard打緊波。細佬帶我入房。叫我小心D 行。又陳述案發經過：
哇！呔仔幾叻呀。佢掃晒D玻璃碎。之後仲封鎖埋叫我唔好行過去。佢仲痴埋貼紙響地下添呀！！(見我無嬲即刻勁興奮 😑)
我：係喎！幾醒喎！！
呔仔行入黎：媽咪呀我用鎚扑爆左個舊電話呀！當年個電話係650蚊既。而家pre-owned係 75蚊既！不過我扑爆呢個得返6蚊咁樣！
( 響呢個時候又有邊個想知呢D野呢？ 😂)
我：um.. 咁做乜要扑爆佢呢？
呔：我想做 experiment 睇吓塊玻璃下面係點丫嘛...
我：哦... 咁你有咩發現丫？
呔：我抓唔開佢呀。等爸爸返黎先！
咁... 媽咪你有無嬲我呢？
我話我無嬲佢。不過提佢下次攪事記得要戴眼罩 / 面罩 / 手套。扑玻璃你揾條毛巾com住佢先扑咪唔會彈落自己塊面。最好出後巷扑啦。唔使彈入自己房踩返！同埋。下次做實驗前通知一聲。問吓我地果樣野係咪真係唔要。先好郁佢！
咁阿細佬。點解你會受傷架呢？
呔仔搶答：佢衝入黎話 "咩事呀 咩事呀？" 然後一手揸落舊紙巾度。舊紙巾我包住玻璃碎架~
😑😑 細佬手指就桔左一點血囉...
#距離總統之路又一大步
#古有華盛頓斬佢老豆棵CherryTree
#今有何呔仔扑佢老豆部Galaxy
