陳柏宇日前完成一連三場嘅演唱會，口碑唔錯，之後佢係IG 發表入行十年嘅感言，感激粉絲、同事及女友嘅支持。
「入行十年後得到嘅並唔係事業、人氣同金錢，而係友情、親情同愛情。」陳柏宇為人直率，視粉絲如朋友、同事如親人。佢仲話，如果名氣同金錢會令一個人變嘅話，佢唔會要，寧願繼續珍惜同粉絲及同事之間嘅關係。
Jason 之前約滿公司，曾經有幾間唱片公司向佢招手，不過Jason 覺得自己花左好多時間同舊公司同事建立關係，唔想無咗呢段友誼，所以雖然轉會費吸引，但都選擇留係Sony music，Jason 覺得錢夠用，生活開心滿足就得，但唔想白白無咗辛苦建立嘅友誼。
的確，人與人之間真摯嘅關係，用幾多名利金錢都唔會建立得到。陳廣偉bb (柏宇原名) 對獎項唔care，錢夠洗就得，名利睇得好淡，對娛樂圈黎講，可能唔夠aggressive，仲比人話係樂壇廢青。
但係，名利的確會令人改變，聽過有啲藝人名成利就之後，隻眼就會生係頭頂，對粉絲&同事態度變晒。所以，廣偉bb睇到比名利更重要嘅野，就係「牽絆」，心境正確，毋忘初衷，抵fans 咁錫你！
#Allin陳廣偉 #咁講係型既 #我2011年開始係佢粉絲
