今日篇文比較長，係關於5G既。有啲野我以為自己講過，又或者唔洗我講你地都識。但當我尋晚同cmo講起，原來連佢晚晚瞓响我隔離都未聽過，仲覺得好新奇。好，咁我寫出黎。
我問cmo：「你知唔知點解，中國發展5G既應用係全球最快架？」
cmo答：「佢抄人咋嘛？定佢老作架咋？」
拿拿拿，呢個相信係好多人心裡面既答案，但係唔啱。佢有幾多野係抄返黎既我唔知，但如果要將5G全面普及同用得淋漓盡致既話，中國敢認第一，我諗都無人敢認第二。點解？
响未講答案之前，不如我地先了解一下咩叫做5G。簡單黎講，5G係一種傳輸既速度，佢快過你地而家用緊既4G 10到20倍。舉個例，用5G黎download一套1小時既4K片只需要6秒鐘！無錯，真係屙篤尿就去左！但係你可能會話：download一套片有幾快我唔care喎！5G仲有無啲驚天地、泣鬼神既用途架？
有！你等等，我而家講——就係「無人駕駛」，我唸大家都會聽過。其實係啲好common sense既野黎：例如你on左你個自動駕駛系統，咁你梗係預佢會幫你偵測一下前面轉左定轉右呀咁。喂呢啲基本野就唔洗講啦！最重要既係：就算無啦啦路邊有條友狗衝出黎，又或者有隻真既狗標出黎既話，部腦都可以掃到並且即時作出反應丫嘛係咪先！拿，呢啲千鈞一髮同時又電光火石既moment呢，咪就係最講求傳輸速度個囉！
咁好喇，因為你既無人駕駛，從而引申出黎既一樣產物，就係「智慧燈柱」喇！係呀，咪就係之前响九龍灣俾人拆左果啲囉！拿，你唔怪得佢地，人點解要怕智慧燈柱丫？私隱囉，privacy呀！即係你响條街既邊一個角落，話之你匿埋响棵樹後面丫，理論上都係「零死角」！喂咁梗係啦，如果有棵樹擋住就掃唔到既話，咁講乜Q野無人駕駛呀？死L左十世啦！
事實上，呢啲所謂既「智慧燈柱」又好，「大數據收集器」又好，根本响大陸就通街都係！你肯定有聽過張學友開演唱會既最大用途係要黎做咩架啦？係呀，咪就係捉通緝犯囉！即係無論你係俾部cam點你相又好，俾你張八達通（or大陸equivalent）又或者係新智能身份證粒晶片出賣你又好，總之，有5G既年代，你就預左俾人不停監控！
所以，就算你係幾唔認同大陸人果種「有特色文明」都好，你都唔能夠否認：依家大陸無賊架喇！你幾時仲聽到有人話响馬路邊俾電單車經過，然後斬甩你隻手再搶埋你手袋架？無呀，因為天網恢恢丫嘛，天眼係無處不在架——當然，執唔執法就另計啦。
講到呢度，咁你明「點解中國發展5G既應用係全球最快既」未呀？仲未明呀？兩個字架咋！應承我，用半分鐘唸下，之後我開估⋯⋯
⋯⋯
⋯⋯
⋯⋯
係「私隱」呀！大陸人係唔care有無私隱架，你咪話詆毀佢。你知道咩叫做微信架啦？微信可以做啲咩丫？佢唔係大陸版既whatsapp呀！佢除左可以用黎同friend吹水，同發啲無用既圖同片，仲可以支付、買野食、買衫著、叫車、book酒店⋯⋯簡單講，你講得出，佢都做得到。响過程中，佢美其名「提升你既用戶體驗」收集左你幾多既生活習慣同交易紀錄你又知唔知？有無講反共野就更加唔在講啦！一句講晒，每一個人，就算你只係一個卒仔、嘍囉，你既所有野「佢」都可以瞭如指掌！至於「佢」係邊個？你唔係以為係電訊公司呀嘛？
個問題係：大陸人可以為左方便而唔要私隱啫，我地唔得丫嘛！你咪同我講咩「我行得正、企得正，怕咩俾人睇呀？」如果你真係咩都唔怕俾人睇，咁你部電話、email唔好set密碼，開晒部電腦黎任我睇丫拿！係咪唔得先？
之但係sorry呀，呢個世界有權利就有義務，你要方便丫嘛？得，咪𢲡開晒個肚皮俾人睇囉！所以除非你可以唔用微信，同唔用無人駕駛囉，否則，你就要跟住遊戲既規則玩！咁你依家明白，點解美國佬玩呢樣野唔夠大陸佬黎未？因為文明既國家同文明既人係好Q多野唸架！又要逐條terms睇，睇下人地將你啲資料點用，又要disable啲app嘅share資訊功能，又話要去私隱專員公署度port人又話盛⋯⋯你睇大陸有無私隱專員公署架？你話你班懶係讀過書既港豬幾hi煩！
到最後我醒多你一句喇：當你，連同埋你架車既行蹤都俾人掌握晒而就連堂肽呀，都俾人操控住既話，你估「佢」有無能本事lock起你度門，然後揸你去一個「佢」要你去既地方丫拿？
#5G
5g 4g比較 在 [心得] 有點後悔辦5G - 看板MobileComm - 批踢踢實業坊 的八卦
因為換新機，所以想說一起升級方案，而且有一點被洗腦「你終究要辦5G，為什麼不現在
就辦」，所以申辦了5G，不只月租費變貴，時不時還降到4G，每次看它降4G的時候，我都
會OOXX，因為我是繳5G的費用欸……T_T
--
※ 發信站: 批踢踢實業坊(ptt.cc), 來自: 114.137.213.208 (臺灣)
※ 文章網址: https://www.ptt.cc/bbs/MobileComm/M.1627259411.A.6A4.html
... <看更多>