5g頻段香港的八卦，YOUTUBE、MOBILE01、PTT和Yahoo名人娛樂都在討論

踏入 5G 時代，入手 5G 手機並轉用 5G 網絡可說是指定動作。最近不少手機品牌都進軍 5G 市場，而 HUAWEI 致力打造多元化 5G 產品系列，包括手機、平板與 5G CPE（路由器）等。配搭擁有最多 3.5GHz「5G 黃金頻段」的中國移動香港（CMHK）5G 網絡，可讓用家感受極速流動網絡所帶來的不一樣體驗。現時上台同時買機更即享高達 $2,900 折扣優惠及價值高達 $1,887 的禮遇！
https://www.dcfever.com/news/readnews.php?id=28230

【#BF今日科技 】隨著 5G 時代來臨，5G 網絡的發展潛力勢不可擋，預料未來將於商業及教育等產業廣泛應用。向來以領先技術見稱的中國移動香港，率先於4月1日啟動全新 5G 服務計劃，到底會為商家及普羅大眾帶來甚麼嶄新體驗呢？

#5G時代 #VR普及化 #5G月費計劃 #中移動香港 #CMHK

【龔成問答信箱】（Q12761-Q12780）

Q12761：

龔Sir，小弟今年27歲,月入25000左右,一直都有月供股票嘅習慣維持左兩年多啲,而我自己亦都會定時檢視一下組合,今次想向你請教一下你關於兩隻股票嘅前景
第一隻係1928金沙,第二隻係6823香港電訊

首先想問問金沙,一直都有供開,但最近濠賭股跌得好快同好急,如果全球經濟下行同人民幣持續疲弱落去,長遠會否不利發展?公司依然有力維持5%左右股息嗎?

加上澳門賭牌冇錯記好似仲有3年左右就完,金沙背後係屬美資,到時會否會受到政治打壓或不獲續牌等等不明朗因素影響,加上日本黎緊都開放賭業..此股仍值得長線（>10年）月供嗎?

另外想問埋隻香港電訊,黎緊政府會將部份流動通訊頻譜收回再重新拍賣,意味住將會重新洗牌,對於一直係頻譜擁有最多者同埋同業龍頭嚟講嘅香港電訊會唔會有一定程度嘅影響?

加上中移動近年一直喺香港以廉價搶市佔,再配合政府賣港染紅嘅政策,會唔會順水人情兼助攻比中資嘅中移動?

加上李氏系漸漸失去了中港嘅核心重要地位..所以長遠（>10年）嚟講純以收息嘅角度,值得月供投資落6823到嗎?Thanks！

龔成老師︰

首先，你要明白投資股票其實就是投資企業，而企業成長需要時間。就算是優質股，中間也難免會受到一些事件或經濟大環境所影響，令到股價出現波動。

我地一定要了解番股價下跌原因，如果係唔會影響到企業核心的因素，我地就唔需要擔心，只要保持長線持有就可以了。

金沙（1928）其質素依然無變，其多年的博彩業營運經驗，加上領先同業的資產規模，都令金沙保持優勢。雖然最近有很多不利因素出現。

不過，只要我地細心分析，全球經濟下行、人民幣疲弱、股價下跌全都與企業本質無關。另外，你睇番2015年，金沙在大環境欠佳之下，依然保持派每股$1.99的全年股息，可見金沙對自己的財力甚有信心。

至於續澳門賭牌問題，我在課堂上都有講，因為要較長時間解釋，故好難在這裡三言兩語講到，只能簡單咁講成功機會好大。

至於日本賭牌，金沙都有打算申請，但現時仍有好多未知數。整體而言，近期對金沙不利因素較多，但長期投資價值仍在，維持月供無問題。

至於香港電訊（6823），今年下半年拍賣中頻段頻譜，包括3.5吉赫、3.3吉赫和4.9吉赫頻帶，能提供覆蓋範圍更廣的5G服務。頻譜的作用是保持電訊質素及會間接影響市佔率，所以如果最終分配不理想，會對佢造成負面影響。

而你所講中移動搶佔市場，這也是有機會的，但現時還是未知之數。

當市佔率進一步被侵食，長遠核心盈利能力受到影響架時候，我地就會審視番佢受影響後派息是否吸引（一般收息股要求5%或以上），再考慮要不要換碼至其他較高息的收息股。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q12762：

老師你好，想問問小米同美團都算係有品牌既公司，業績看似都改善緊，可否現價入市？

龔成老師：

美團（3690）我無認真分析過，所以唔敢講。

至於小米（1810），其實這股業務不差的，只是以貴的價上市，令股價持續下跌，現時已在合理水平。

小米這刻的盈利未算明顯，財務數據仍未算很理想，整體質素屬中等。不過，企業的產品的確有理想增長，而且受消費者歡迎，加上小米的商業模式、前景，都成為這企業的亮點。

如果注碼不大，可以投資這股，長線持有，這股長線有前景的。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q12763：

你認為6030中信證券前景如何？

龔成老師：

中信証券（6030）質素不過不失，但這類股會較受投資市場影響，因為佢的生意本質一定會因這些因素而有上落。

佢業績不算差，但又唔算好好，前景不過不失，這股可投資，但你要明白佢業務有波動性，未必適合太大注。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q12764：

老師你好，有個問題想請教一下，我家一家四口，住620呎單位，因樓齡問題遲早雖然大裝修，裝修費大約30-40萬，所以我爸有賣樓念頭。

佢想賣左後搏遲d樓市跌，其間就租樓，我就強烈反對，因為供求問題，基本上唔會跌得去邊，同太大風險。

於是我就提出，賣出後用同一舊錢買入兩個細單位，一個就自住，一個收租製造現金流；但由於4人住細單位，加上屋企多野，我爸提出，同一舊錢買入兩個細單位，兩個都收租，然後4人出去租個600呎單位住。

所以想問問老師邊個方案較好，定係道咁裝修就算。謝謝

龔成老師：

首先，「賣樓等跌」是好錯的方法，因為無人能預測升跌，由原本有自住樓（我稱為「平倉樓市」），轉為賣樓租樓（我稱為「沽空樓市」），並不是好策略。

你賣樓再買兩個單位然後再租樓，你持有的總物業呎數，其實無乜大改變的。因此，原理如同換樓。

即是說，這模式與你現時的狀態較為接近，但當中有一個弊處，就是你要有較大的洗費，因為香港買賣物業的成本好貴，因此次數愈少愈好。

如果你地認為再個細單位，或許日後有較大的用處，就用這方案。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q12765：

老師你好，我是完全的新手，剛睇到你的片，介紹左8隻平穩股同埋2800, 我都想買。

但想問問買入時機，我識睇少少 RSI，MACD 果D，但未落過場，請問而家買唔買好？謝謝！

龔成老師：

我20年前開始投資買股票，頭幾年都是用移動平均線、RSI、MACD、睇圖等技術分析，因為我數學欏「A」，計數睇圖較強。

可惜，我這幾年都是輸錢收場，後來我發現真正投資賺大錢的人，例如巴菲特，完全唔用這些方法，所以，我之後都無用，然後我就賺錢了。

我地買股票就是買企業，集中長線持有就得，至於幾時入市，就是利用企業的平貴去分析，去決定入市的力度。

我知你會有D亂，因為你見好多人都用技術分析，好多人都教，但你一定要清楚一樣野「多人用的方法不一定賺錢」，我地應該跌「真正憑投資賺大錢的人，佢地所用的方法」，建議你花時間研究下佢地的方法，你會對自己所學的，產生疑問。

這刻，建議你月供盈富（2800），同時大量學習股票知識，行翻正確的路。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q12766：

你好呀 龔成先生 我係投資未入門 準備入門 我身邊無人投資開無人問到 可能有啲你覺得好簡單既問題希望你唔好介意

我38歲 收入唔多 可以留落妮儲既錢大約每月8千 銀行存款得十萬 住公屋 諗住買盈富基金 但係就唔知搭配咩提高獲利同分散風險

我其實睇好越南 但係只識買樓但係未夠錢 check過香港有3087 但係etf有好多野夾埋 我唔知呢個係算咩風險同應唔應該買

真係超後悔太遲接觸投資 希望而家努力未遲
先感謝你

龔成老師：

由於你未有投資經驗，因此唔好太進取，現時你持有的$10萬，持有現金先，唔好動用，等你多d經驗及知識先。

另外，新手投資ETF是好適合的，這類基金可以簡單追指數，得到不錯的長期回報，同時唔需要特別管理。
ＸＴＲ富時越南（3087）是投資目標為追踨越南富時指數之表現，但由於越南是較新興的市場，因此唔建議投資太多。

你可以月供盈富（2800）$4000、富時越南$2000。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q12767：

龔成老師你好，最近看了你寫的《財務自由行》，當中我獲益良多 並啟發了我一些對生活的看法。感謝你！
現在有一些關於我投資方向的問題想請教一下。

本人39歲 和太太和一位1歲小朋友自住私人單位. (太太名下 - 市值約500萬, 按揭欠款336萬)

資產方面:
現有股票組合 (股票 40萬)
1. 持有港股:
00006 電能實業 (500股 @ $71.2)
00017 新世界發展 (1000股 @ $11.3)
00066 港鐵公司 (558股 @ $8.235)
00272 瑞安房地產 (8000股 @ $3.756)
00388 香港交易所 (100股 @ $157.9)
00410 ＳＯＨＯ中國 (500股 @ $8.9)
00659 新創建集團 (1000股 @ $14.48)
00823 領展房產基金 (794股 @ $40.775)
01398 工商銀行 (1056股 @ $5.015)
02638 港燈－ＳＳ (500股 @ $5.510)
02800 盈富基金 (8,400股 @$23.78)

2. 保險公司下買的基金 (42萬)
保險公司1 - 面值$22萬 (月供$2,500, 到60歲時, 保守可拎$75萬)
保險公司2 - 面值$20萬 (月供$2,000 )

3. 現金 30萬

最近看了你的書籍之後, 想增加資產, 最近提高了月供股票的金額如下.

02800 盈富基金, 月供金額 $6,000
00066 港鐵公司, 月供金額 $2,000
00012 恆基, 月供金額 $2,000

扣除日常開支和每月的投資後, 每月能存的現金為$1,500

我想問以下問題

1. 現在我的投資策略, 有改善空間嗎? E.g. 賣了一些虧損之股票 (e.g. 410, 272), 投資在其他地方?

2. 現在月供股票策略, 可以嗎?

3. 本人目標想買一個3房單位 (現市值900萬-1000萬), 但俾不起首期. 有無什麼建議?

4. 本人想盡快達到財務自由, 靠以上的安排, 可以嗎?

現想請教一下龔成老師 以上計劃 未知有那裡可以改進一下。萬分感謝

龔成老師：

1）我地繼續持有一隻股票與否，買入價、賺蝕數並不是重點，因為買入價只是心理因素，企業的優質度、前景才是最重要。

你上述持有的，不少都是有質素的股票，瑞安房地產（0272）不算差，但增長力有限，你只能當佢一隻收息股，比起買入價，反而你更要分析自己的投資目標，睇翻這股是否適合你。

另外，ＳＯＨＯ中國（0410）風險略高，但不是無價值，你可以換其他股都得。

另外，港燈（2638）、工行（1398）、電能（0006）雖然是不錯股票，但只是收息股，增長有限，你要睇翻以你現時的年齡是否適合。

2）可以，已經可以進行。

3）買樓一定要堅守「供得起」的原則，所以你要盡力滾大財富，以你現時的財務情況，這刻不要心急買，集中儲蓄、投資，盡力滾大財富先。之後先慢慢考慮。

4）可以，但你一定要再一步加大儲蓄，以及把握機會投資，你最好提升股票知識，並運用「先增值，後現金流」作方法。

投資初期應投資較多增值類資產，到後期時，則應投資較多保守類項目，例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q12768：

hi 老師,想請教一下,

我認同老師的買股票作長線投資的方針,我自己( 月入大約6萬至8萬左右), 每月支出約3萬, 其餘都可以用以投資, 另有200萬股票(都係收息股) 加50萬現金.

假設若5號跌至55蚊, 問銀行借1 百萬all in 作長線, 請問有什麼睇法? 謝謝!

龔成老師：

你現時現金與股票的比例適合，這刻反而應儲下現金，同時慢慢增持股票。

匯豐（0005）雖然都有質素，但這10年的賺錢能力，已不及過往的年代，投資價值無過往咁高，這股只能視為收息股，增長力限，因此不值得投資太過多。

同時，太集中在單一股票，好終有較大的集中風險。

雖然你用借貸模式，利用平息收佢高息，是賺息差的方法，不過，這刻只在合理區內，你仍有「賺息蝕價」的情況，因此，這刻的值博率，只是中等。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q12769：

你好龔成老師，我上年開始拜讀睇你既書同blog, 已經買哂你11本書, 但吸收能力好慢, 只看了其中5本,睇到關於要計數既位都有d難明(數學好差), 希望睇哂你所有作品後, 可以報讀你既課程, 可以更容易理解, 這樣想對嗎?

感激你一直以黎既分享，實在獲益良多，好後悔太遲認識你, 沒有很長既時間為我地既財富增值，我同先生都一直不善理財, 只係有錢剩才會儲錢, 沒有明確目標, 所以現在立下目標，希望盡早達到財務自由, 短期目標希望3年內可以有300萬資產，是否可行?

本人: 40歲
先生: 46歲

現資產如下:

現金: 18萬
2人合共每年儲 $22萬

日本樓(大板) (購自2017年)買入價港幣55萬, 租金回報4厘 至4.7厘 (是乎該年有無維修費用支付)

持有股票:

比亞廸2手 (平均價: $45.4)
金沙 1手 ($35)
中生 2 手 ($6.8）
農行 5手 (招股價購買)

另月供股票:

煤氣 每月@1000 共1210股
港交所 每月@1000 共62股
比亞廸 每月@1000 共124股

根據市價:

平穩增值股 38%
潛力股 51%
收息股 11%

現打算除月供3隻股票外, 如以上既股票股價下跌10%左右都會購入股票1手, 並將持有既農行(收息股)轉為平穩增值股, 希望將潛力及平穩股票佔各50%

每下跌10%就入1手，如不下跌一直處於高位就不入貨，只保持3000蚊月供股票，這是否正確？
這樣可行嗎? 可以怎樣改善才可達到目標?

很多問題，萬分感激!

龔成老師：

其實，如果你睇左《80後百萬富翁》、《股票勝經》，並大致明白，已經可以上我的課程，因為課程的設計是初中階投資者，所以課程會由最基本的教起，相信你都能夠跟得到的。

你現時持有的股票有質素，月供的都有質素因此這方面無問題。不過，你潛力股的坒例有少少高，因此，雖然你跌10%入一手的策略可以，但不太建議太大力加潛力股。

以你的年齡，應加強翻平穩增值類，是比較適合的。

你可以加大月供，加多$1萬去月供，盈富（2800）$4000、恆基（0012）$3000、港鐵（0066）$3000，保持進行。

至於餘下的現金，暫時唔好心急動用，等跌市先入，並集中投資平穩增值類股票，潛力股只能小注加。

如果要在3年內滾存到$300萬，你要加大少少儲蓄，以及在投資提升技巧，學好企業估值，等你可以把握到更好的投資時機。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q12770：

龔成老師你好,我26歲,月草9k左右, 最近開始研究股票諗緊買邊隻, 暫時決定係月供盈富(2800) $1000,同匯豐(0005) $1000

另外見中銀香港(2388)最近跌得好勁, 諗住趁機會直接買一手。

請問以上做法如何? 中銀香港我應該長揸收息定係等佢升價後賣出去?

中銀香港同港鐵如果要二選一既哪隻比較好?
感謝 !!

龔成老師：

港鐵（0066）與中銀香港（2388）都是有質素的股票，長遠來說，港鐵的質素較好，所以如月供，供港鐵較好。

至於中銀，最近回了不少，從平貴的角度分析，這刻有投資的價值，因此你入一手可以。

匯豐（0005），只是收息股，增長力不強，不要對股價有太大的期望，以你的年齡未必最適合。

盈富（2800）可以作為你長期月供的核心成員。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q12771：

龔成老師你好，有朋友推介我買00316。老師點睇呢一隻股票？前境如何？是潛力股嗎？

謝謝老師解答

龔成老師：

東方海外國際（0316）不過不失，睇翻5年的財務數據，生意無乜增加，同時盈利波動，之前有試過出現虧損，但業務上唔算好強。

近年下跌不少，主要由於賺錢能力弱左，加上貿易相關風險，這刻的投資值博率，只屬一般。如你真的投資，不要太大注。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q12772：

Hello，現手持3，6，2800，3988，請問可以集中或加碼係哪個股呢？？感謝

3988應繼續持有嗎？

龔成老師：

組合都是有質素的股票，可以長線持有。

你首先加上盈富（2800），至於之後再加，可以考慮煤氣（0003）或電能（0006），中行（3988）只是純收息的股票，增長力較弱，唔好對股價有太大的期望。

如果你投資目標，希望有部分是收息，中行可以持有。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q12773：

龔老師你好, 有事想請教一下。我係單身女士，35歲公務員，月入4萬，現與家人同住。

較早時買入樓花，供30年月供1.6萬，明年中收樓。有架供緊既車每月6000，仲有兩年鬆供滿。手上流動資產得10萬。

月供地鐵3000，扣除一切開支後現每月只有3000可儲起。老師，請問收樓後應放租還是自住？另外，我應該再加1000買盈富嗎？

還是將原本供地鐵3千改做2千，之後供埋盈富2千

龔成老師︰

假若你無搬出去自住架需要，應與家人繼續同住，新屋用作出租比較好，因為可以為你創造現金流來抵消供樓開支。而節省出來的供款，可以用作加大你月供股票的金額。

當我地進行人生財富累積，會運用「先增值，後現金流」作方法，年青時應投資較多增值類資產，以增值為先，而較年長時則應投資較多保守類項目。

以你年紀應以增值為主，月供港鐵（0066）和盈富(2800)外，你可以加入2,3隻平穏增長股︰金沙（1928）、恆基（0012）、中銀（2388）、長建（1038）或潛力股︰比亞迪（1211），中生（1177）或福壽園（1448），這樣可以令你財富增值得更好。

另外，現時股市大致在合理區。建議你"邊月供、邊儲現金"，到股市大跌市就用你儲起的現金掃貨，這樣增值會較有效率。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q12774：

我最後入左939,月供1萬2800,但近日大跌市,939 6.1入,大约32手,要唔要用錢再溝939

龔成老師：

我地繼續持有，是否增持一隻股票，與你過往的買入價無關。

我地理財投資，就是設計一個組合，這組合都是優質股，同時設定適合自己的比例，如果你本身想加大投資收息股（因這股增長力不強，只是收息股），而你本身持貨唔多，咁就可以加注。

至於盈富（2800）可長期月供。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q12775：

龔成老師，有些理財問題想向你指教，希望可以抽空幫我解答或俾少少意見

我係一個大學生，黎緊1月到5月我會到外國exchange，要用既錢都幾多，預計10萬元。以下係我現時的財務狀況：

手持$65000 股票 （75% 港鐵, 25%盈富）
每月供$2000盈富
手持$16000現金
每月收入約$4000
大學exchange資助$12500

家人那邊說可以給錢我去exchange，但是自己不太想用太多家人的錢，想問問我應否套現所有股票呢？還是有更好的部處？

龔成老師︰

你唔想用家人的錢去讀書，為自己人生負責是值得支持。但現時大市在合理區位置，絕非賣出股票的好時機。

所以，此刻我建議你可以用「借」的形式去接受家人的錢，待日後投資升值後套現，再歸還會比較理想。

我鼓勵你用自己的力量去獲取資金，而不是「別人的資助」，這點對你長遠好有幫助，加油！！

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q12776：

老師你好,本人係投資初哥 買左你幾本書之後自己想做下投資：開始時想以月供 + 1手買入去試下

我睇左好多分析之後我想組一個澳門組合 以月供方式去供銀娛 另外就買入2手永利咁樣，唔知老師你對呢個組合有無建議? 唔該

龔成老師：

雖然上述都是有質素的股票，但就唔能夠太過集中在同一類別。

我地投資，就是建立一個平衡的組合，當中要有不同類別的股票，同時都是有優質度的股票。

對初階者來說，月供是很好的策略，同時建議你先以盈富（2800）去作組合的中心，再加上其他股票作配置，咁會比較好，銀娛（0027）值得月供，你可同時考慮其他類的股。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q12777：

龔成老師您好，我想請教一下有關香港地產股的估值。

在你課堂上提及到地產股有物業重估，所以不能用市盈率來分析股票估值。我根據數據把物業重估以及一次性收益部分除掉，再重新計算了一個調整後的 EPS 以及市盈率。利用這個方法計算出來的合理區如下：

12: $33 - $46
14: $31 - $47
16: $107 - 145
1972: $20 - $28

另外，因為房託需要把90%盈利以股息派出，所以我也利用股息計算了三個我比較看好的房託的合理區：

823: $55 - $80
778: $7.8 - $11
435: $3.8 - $5.4

1. 想請問以上合理區範圍您認為是否正確？如果當中有些您不認同，方便提供一個大概的合理區嗎？

2. 另外，我於 $123.00 買入新鴻基（16），當時認為價格合理，因為組合沒有地產股，同時也認同您50優質潛力股裡的分析。

但我翻查過這隻股票於10年來只有極少的增長，金融海嘯後從2009的8月份大概$110水平到現在也差不多同樣的水平。

我不太理解為何於10年來這隻優質股的價格基本上沒有反映當中的潛在價值，雖然這隻股票龐大，但香港土地供應短缺，樓價一直上升，這隻股票卻基本上沒有任何增長。

我打算長線持有股票（起碼3年，希望5年以上），但看到在10年間這隻股票只有非常少的增長力，加上我的買入價根據上述分析指在合理區，令我對這支股票的優質程度有所懷疑，希望您能分析一下。

非常感謝！

龔成老師：

1）你計算的方向正確，當我地計算地產發展商的價值時，要扣除物業重估，再憑這因素推算翻過往的調整數據，然後先可以作出估值。

至於你上述的估值，大致都正確，不過我會再將恆基（0012）、希慎（0014）、新地（0016）的估值區減多約10%。

至於房託方面，都是大致正確的，無乜問題。

2）新地這10年，中國業務的增長有所減慢，如果你比較翻佢10年的中國土地儲備，其實是減少了，這反映企業發展情況有所減弱。

另外，10年前市場仍然認為佢有一定的增長，因此當時因這因素將估值有少少高估左，其後，市場見到佢的增長不算強，因此股價有所反映。

這股仍有質素，只是增長力的問題，你持有可以的。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q12778：

明白老師，我想問除左2800 同3
你還建議入那些股票？

月供銀河4000＋恆基地產，4000ok？
thanks u

龔成老師：

你上述所講的4隻股票，都是有質素、可投資的，你可以用盈富（2800）作為中心，再加上上述的股票，長線投資，已經是一個不錯的組合。

至於其他優質股，你可以考慮長建（1038）、中銀（2388）、港鐵（0066）、港交所（0388）。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q12779：

謝謝你的意見，最近我在思考一個企業估值的問題：

有些企業例如市值大的藍籌股（三千億港幣以上）尤其是綜合企業（e.g.中國平安），其業務繁多，要做估值對業餘投資者很有難度，強行做又涉及太多假設數值（例如用SOTP)。

辛苦計完又未必準確，感覺吃力不討好，會唔會有d簡單又實用的方法？對於尼個問題，我有以下構想，想你比d意見：

1. 假設已認識某大市值企業賺錢模式，風險及前景等等，確認它是優質股

2. 市場對大市值的企業估值長遠計較少出現嚴重錯價，所以長期股價趨勢本身已經可用於估值

3. 使用簡單技術分析工具（e.g.保力加通道）判斷其內在價值及值博買入/賣出價位，繼而做買賣

4. 定時檢視企業質素（如每年），以判斷其優勢可否持續，是否值得持續投資

我覺得以上方法雖然未必適用於潛力股/細價股，但可用於恒指或大市值優質股，好過用太多複雜估值法，你點睇？謝謝

我知你對技術分析不以為然（我本身都係），但我近排諗諗下又覺得唔係完全冇用，而以上邏輯（我無啦啦諗出黎）又好似講得通，所以想請教你，謝謝

另外，如果我用市盈率為一些長期被市場賦予高估值的股票（如煤氣）訂買賣策略，可能永遠都買唔到，因為價格長期“不合理”，反而上述方法可以提供一些買入機會

龔成老師：

1）這類綜合企業估值上的確比較難，但下並不是無一些較易的方法，如果你有上過我的股票班，都知我會教幾種估值方法，而我地可以用較簡單的估值法，對企業已有初步的估值概念，因此都能做到的。

當然我地會用企業質素，例如課程所教的「企業評估表」，去確認左企業質素先買入。

2）中短期股價基於短期供求、資金流向，長期則會趨向企業價值，但我地都會自行估值，不能完全靠市場。

3）如果一樣野本身是錯的，你點用都是錯。

4）當然會年年分析企業質素，但如果無左估值，就會好易在貴的價位買入左。

就算用市盈率去作估值，我地都會適當調整的，唔用表面運用。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q12780：

龔成老師，本人有睇開你寫既書，想請教一下，國泰00293最近受不利消息影響股價下跌

但公司內在質素原則上無受影響（小弟劣見），如現成人棄我取，請問是否好時機？謝謝

龔成老師：

這股的股價雖然下跌，但從本質上分析，國泰（0293）優質度一般，同時有下跌的情況。

過往佢有一定的品牌價值，但近10年有持續下跌的情況，進入了「高不成，低不就」的不利局面，加上油價、對沖，在過往對佢的影響大，以及勞資等問題，都令這股的投資價值不高。

而我地投資，一定是優質度行先，之後再衡量平貴水平。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

Redmi 紅米 喺 2020 年嘅 5 月 26 號，發佈咗 Redmi 10X 系列嘅 5G 手機，一向以性價比高見稱嘅 Redmi，呢款機又會唔會跑出呢？ 今日就同大家睇吓。

Redmi 10X 系列主打年青人市場，官方以輕旗艦去做賣點，不過價錢就相當親民， $1599 人民幣起跳嘅 5G 手機，絕對係市場入面其中一部最平嘅 5G 手機選擇

Redmi 10X 系列分為 Redmi 10X 同埋 Redmi 10X Pro，主要分別喺相機配置同埋 NFC 嘅支援。兩部機都用上咗聯發科為中階手機度身訂造嘅天璣 820 處理器，配合 6.57 吋 20 : 9 FHD+ 三星 AMOLED 水滴全面屏幕，保留咗 3.5mm 嘅耳機插，亦都係用 USB-C 去充電，記憶體就由 6GB 起跳，最大支援 256GB 嘅內存空間，而且全系列支援 5G，內地行貨除咗支援香港標準嘅 n78 同 n79 頻段之外，亦都支援 n1，n3 同埋 n41，啱啱好配合到 Smartone 嘅 5G n1 覆蓋。Redmi 10X系列亦都支援屏下指紋辨識技術，唯一可惜嘅，就係淨係支援 Wi-Fi 5，亦都即係 802.11ac 技術，未追貼最新嘅 Wi-Fi 6 技術。另外要留意，只有 Redmi 10X Pro 係支援 NFC 嘅技術。

Redmi 10X 配合天璣 820 處理器嘅另一個好處，就係支援雙卡同時 5G 在線，比目前大部份嘅旗艦機，5G + 4G技術先進，你可以設定到當用緊嘅 5G 訊號較弱嘅時候，自動切換到另一張 5G 卡，隨時保持高速嘅上網。針對 5G 嘅技術，Redmi 10X亦都進行咗唔同場景嘅優化，確保可以喺高速同埋出?嘅時候，都保持 5G 訊號穩定。

相機嘅硬件一啲都唔失禮。Redmi 10X 全系列都配備咗 4800 萬像素主攝，同埋 800 萬像素最大 119 度嘅超廣角鏡頭，Redmi 10X Pro 就同時配備咗 800 萬像素三倍光學變焦，同埋 500 萬像素嘅微距鏡頭，以呢個價錢嘅手機配備 3 倍光學變焦都算罕見，而且仲同時支援 30 倍嘅數碼變焦，同埋 OIS 光學防震技術；而 Redmi 10X 就配備咗 200 萬像素嘅景深鏡頭，相對較為普通。

前置鏡頭方面，Redmi 10X Pro 同埋 Redmi 10X 分別配置咗 2000 萬像素同埋 1600 萬像素嘅自拍鏡，日常生活絕對夠用有餘。

拍攝軟件方面，Redmi 10X 系列最特別嘅就係加入咗流光相機拍攝模式，只要開啟模式，就可以簡單咁影到長曝光嘅相片，睇吓呢啲相，就知道有幾吸引啦！

呢部機配備咗 4520mAh 嘅電力，相信可以足夠最少用一日，Redmi 10X Pro 同埋 Redmi 10X 分別支援 33W 同埋 22.5W 嘅快充技術，不過就唔支援無線充電。

價錢方面，Redmi 10X 5G 由 1599 人民幣起跳，而 Redmi 10X Pro 5G 就由 2299 人民幣起跳，有凝夜紫、朧月金、深海藍同埋星露白 4 款顏色選擇，2020 年 6 月 1 日起正式喺內地市場發售。

《Z世代達人》
麥卓華

#Redmi10X #香港5G #紅米10X

Mi 10T Pro 小米10T Pro - 小米喺 2020 年 9 月 30 日發佈咗三款 Mi 10T 系列手機，分別係旗艦級 10T Pro、 10T 同中階款 10T Lite，我哋今日同大家介紹10T Pro同10T先！

Mi 10T 系列主打頂尖效能，對螢幕同影相上都有針對性嘅功能。兩款手機都配置高通旗艦級 Snapdragon 865處理器，亦配置 LPDDR5 RAM 同 UFS 3.1 內存，全系支援 5G，可見今次小米誠意十足！10T Pro 外型有黑色，銀色 同 藍色 三隻色，而 10T 亦有 黑色 同 銀色 兩隻色。指紋辨識同電源鍵就二合一放喺機身側面。兩者都支援 NFC， 同時都內置紅外線收發器，不過就無 3.5mm 耳機插。Mi 10T Pro 同 Mi 10T 支援 Wi-Fi6，亦比上一代支援更多 5G 頻段，不過仍然唔支援部份台於結界使用嘅 n79 頻段。不過隨住 n1 頻段嘅推出同普及，覆蓋嘅問題相信唔會太嚴重。

屏幕方面，小米 10T 同 10T Pro 都採用咗 6.67 吋 FHD+ IPS LCD 螢幕，螢幕比例為 20：9。兩者都支援 144Hz 螢幕刷新率，同支援 Adaptive Sync 技術。螢幕動態刷新率範圍好廣，由 30Hz 到最高 144Hz，屏幕會根據唔同嘅場景去調整刷新率，確保 Mon 靚嘅同時，亦唔會嘥電，根據官網所講，6 個鐘頭重度使用可以省到 8% 電！部機仲內置咗 MEMC 功能，令畫面更清晰同流暢。唔只咁喎，呢個 mon 亦支援 DCI-P3 色域， HDR 10 認證同最高亮度 650 nit、同德國萊因低藍光認證，螢幕質素相當高㗎！

攝影方面，10T 系列採用三鏡頭設計。10T Pro 主鏡頭用咗 1 億 800 萬像素 Samsung HMX 鏡頭，支援 30 倍混合變焦。而10T 用咗 6,400 萬像素 Sony IMX682 主鏡頭，兩部機另外配置咗 1,300 萬像素 嘅 123度超廣角鏡頭，同埋 500 萬像素微距鏡頭，質素絕對有保證！前置鏡頭方面，就用咗 2,000 萬像素打孔式鏡頭。

攝影效果方面，10T 系列今次提供咗 6 種唔同嘅長曝光模式，例如Photo Clones，將自己分成幾個分身放喺同張一相入面，Star trails 創造星軌效果，甚至有 Neon Trail 車軌模式添！夜拍方面，內置咗 4 種Filter 包括 Cyberpunk 同 Blackice，令到你嘅夜晚更加有味道！ 拍片方面，今次 Mi 10T pro 支援 8K 30FPS，隨手一拍，都做到電影級細緻嘅效果！

Mi 10T 系列 內置 5000mAh 電力，亦支援 33W 有線快充，唔洗一個鐘可以充滿電，隨機送埋快充插頭，而且加入咗 MMT 充電技術，以雙電流主導，減低電阻影響充電嘅速度，無論喺低電量定高電量嘅情況下，都可以保持穩定嘅充電速度。

Mi 10T系列內置 6GB 或 8GB 記憶體，配合 128GB 嘅儲存空間，定價為 499 歐元起。而 Mi 10T Pro 8GB記憶體配合128GB或 256GB嘅版本，定價為 599 歐元起。港版官方暫未公佈售價，大家要留意吓啦!

#mi10tpro #mi10t #xiaomi10t

香港5G手機太貴？ 呢個情況好快會改寫！小米即將在香港推出 小米10 Lite 5G手機，預期賣價港幣兩千幾，用上唔錯嘅高通Snapdragon 765G 處理器，你又會唔會入手呢？

之前都介紹過中低價位嘅 5G 手機，但香港一直都未推出行貨，呢個局面即將會唔同喇！因為小米透過官方嘅 IG 透露，將會喺 2020 年 6 月，喺香港推出之前發佈嘅 Mi 10 Lite 5G 手機，根據海外嘅定價，同埋我哋收到嘅消息，賣價應該都係二千中至尾左右，配置又係點呢？

小米 10 Lite 採用嘅係高通 Snapdragon 765G 處理器，雖然唔係頂級嘅 U，不過7系嘅處理器性能亦都相當高，一般日常使用，甚至打機都唔成問題。屏幕用上咗 6.57 寸 AMOLED True Color 20:9 嘅水滴屏，支援屏下指紋辨識技術，亦都支援人工智能面容解鎖功能。手機支援最新嘅 5G 技術，不過就未有支援 n79 頻段，就算 CSL 同埋中國移動香港，喺 5G 結界區用咗呢個頻段補足，呢部機都用唔到喇！不過又唔係咁大問題嘅，因為香港各大電訊商都準備用現有嘅 4G頻譜以 DSS 或者 Refarm 嘅技術加強覆蓋，呢部機正好支援n1、n3 同埋 n7頻段，而且有 4.5G 作為強大嘅後盾，相信影響唔會太大。

相機方面，小米 10 Lite 配置咗共 4 個包括 4800 萬像素嘅主鏡、800 萬像素嘅超廣角、200 萬像素嘅景深、同埋 200 萬像素嘅微距鏡頭，屬中上級數，不過就唔支援光學變焦。睇返官網嘅試相，效果唔錯，微距同埋夜拍都有幾好嘅表現。另外，小米 10 Lite 配置咗 1600 萬像素嘅前置鏡頭，支援 HDR，亦都加入咗流行嘅 120fps 慢動作拍攝功能㗎！

Mi 10 Lite 保留咗 3.5mm 嘅耳機插，亦都加入咗 NFC 功能，以及支援紅外線發射，方便配合應用程式控制屋企嘅電器。4160mAh 嘅電量，絕對足夠一日使用，亦都支援 20W 有線快充技術，俾你喺低電量嘅時候都可以快速叉電。

相信 Mi 10 Lite 嘅推出，5G 服務喺香港將會進一步普及，如果你一向用緊中階性價比高嘅手機，呢部 Mi 10 Lite 5G，唔知會唔會係你嘅選擇呢？

《Z世代達人》
麥卓華
redmi 10x 5g redmi 10x pro mi note 10 lite xiaomi mi note 10 lite