「What is your dream?」
「有鬼dream咩？廢人一個。No Dream！」
喺愛民邨公屋單位嘅浴室入面，飾演Evelyn嘅最佳新演員Crisel Consunji問咗佢嘅波士，飾演昌榮嘅出爐影帝黃秋生呢個問題。
「無人撐我哋，我哋自己撐自己！」喺《逆流大叔》入面有句咁嘅對白。雖然喺香港話要「追夢」，好似係一個笑話，但原來夢想呢樣嘢可以好大，但同時又可以好細。最重要嘅，就係我哋可以搵到自己人生嘅「節奏」，做到自己想做嘅事。那怕有幾多障礙，有幾多人同你講要放棄，只要喺呢一刻你行出第一步，就係夢想嘅開始。
開始咗追夢之後，咁又點？就好似《點五步》入面BAND5嘅棒球員一樣，一踏出投手丘，就冇得返轉頭，冇得臨陣退縮，要有「打落門牙帶血吞」嘅氣魄，永不放棄。
如果喺眼前就有一個黃金機會，你又會唔會敢主動捉住佢？
今年《夢想系》舉辦「夢想系Live your dream短片比賽2019」，鼓勵參賽者發揮創意，拍攝短片，以「夢想．起動」為主題，鼓勵大家追逐自己嘅夢想，亦希望培養更多年青嘅電影創作人才，為本土業界注入新動力。
是次比賽評審團非常吸引，包括香港電影金像獎最佳電影，《十年》嘅伍嘉良導演及監製，另一套最佳電影《樹大招風》嘅歐文傑同黃偉傑導演，以及《點五步》嘅陳志發導演，可以話係信心保證。
而比賽獎金總值約6萬蚊，冠軍獎品亦包括網上行 2x1000M多連接寬頻服務（24個月合約）。另亦設有「網上最受歡迎短片獎」，由網民票投最喜歡嘅作品及SONY創意嘉許獎作品由SONY代表評審，專業同民意並重。
除此之外，參賽者更加可以參與由黃偉傑導演及SONY Curator - Dave Cheung主理嘅電影工作坊，親身教授有關短片製作嘅流程同一切相關嘅知識，係一個難得嘅學習機會，不論係前期準備、後期製作、拍攝、剪接等等重要嘅課題都一一涵蓋。
比賽由5月2號開始報名，去到5月31號月尾就會截止。 有興趣就立即 Click 入呢個網址報名啦 ： https://bit.ly/2DPD01y
有嘢學，仲有機會拎獎，最緊要係有發揮潛能嘅機會。今年已經係第2年幫手推廣呢個活動，最大原因係見到上年活動反應都幾好，一個字——「撐」！
2x1000m多連接寬頻服務 在 【身先士卒】 2x1000m網上行使用評測- 升級到2Gbps 網速後 的八卦
我已經升級了2 x 1000Mbps的上網 服務 ，來聽聽我對它看法，這會是全香港第一個詳細的2 x 1000Mbps上網 ... ... <看更多>