【參選宣言】
過去一年，你、我，同所有香港人喺政權眼中都係「抗爭者」。對惡法講一聲反對，要求全面封關，喺Facebook鬧警暴，全部都係罪名。
過去只有議事堂、遊行先係「抗爭」，今日每個社區、樓企樓下、餐廳，每一間學校、醫院，喺政權眼中都有「暴徒」，甚至銀行、航空公司，各行各業都要俾梁振英恐嚇歸邊。學生、白領、銀髮族、孕婦、抱住小朋友嘅父母，全部都係警察監視嘅目標。
但係所有抗爭，都係政權迫出嚟。
送中條例、拒絕封關、國安法。
香港人所有抗爭只係為咗保護自己、保護身邊嘅人！
我哋所有抗爭只係為咗下一代無須再抗爭！
作為父母，我唔可以忍受小朋友生活係恐懼當中；
我唔可以忍受下一代人俾警察監視、俾學校洗腦；
我唔可以忍受下一代人講一句反對都怕俾人「篤灰」而噤聲；
我唔可以忍受下一代人仍然要走上街頭，企係前線面對催淚彈同真槍實彈！
我更加唔可以忍受下一代再有人為香港而犧牲！
所以如果問題可以係我哋呢一代可以解決，我哋就一定要喺呢一代解決；如果我哋行出嚟，可以令到下一代唔使再咁辛苦抗爭，我哋今日就應該行出嚟。
我應承大家，無論前路有幾有難行，有幾多打壓，我都會繼續同所有香港人企係同一陣線，並肩作戰！
#越打壓 #越頑強 #STANDnFIGHT
========================
「由於本人已經宣布參與2020年立法會選舉初選（九龍東選區)，為避免抵觸選舉法例，恕未能逐一回覆各位的留言。為避免招致選舉開支，除本人授權發佈的選舉廣告以外，其餘選舉廣告均與本人無關，謹此聲明。」
2020年立法會選舉 在 2020年立法會換屆選舉（提名期） - YouTube 的八卦
旁白： 在香港大家生活各適其適但我們每一個人都有份建立和守護這個家所以，我們需要做實事的人為未來的社會安定和繁榮進步出一分力9 月6日是 立法會 ... ... <看更多>