2000年代香港的八卦，Yahoo名人娛樂都在討論

今天是《幻愛》上映第26天。截至昨日，累積票房1200萬。參考了些統計數字，加上大片殺到，《幻愛》也許即將進入尾聲了。

我不敢奢望2000萬票房，但凝望着1500萬這個最後的目標。坦白說，票房對我而然並不重要；我不會有分紅，票房的成就亦不是我作為演員所追求的意義。

之所以強調票房，是因為其數字，能夠反映電影業的整體情況。回顧八九十年代，香港電影工業發展蓬勃，超過3000萬票房的電影多不勝數，同時在市場上為亞洲之首，被稱為「東方荷里活」也受之無愧。

時至今日，香港電影能夠過千萬已經是奇蹟。日本、韓國、泰國以至整個東南亞，不論在創作、製作、市場規模早已超越香港。能夠賣埠的電影只佔極少數，不會是香港電影的常態。

我認為，香港電影的本土市場，暫時是唯一出路。但票房的數字卻又反映出，唯一的出路，不是出路。別說盈利，此時此刻香港大部份電影連回本也做不到，沒有投資者會一直做蝕本生意。香港電影已經不是工業，然而產量繼續減少、製作費繼續下滑、創作質素繼續下降、幕前幕後電影工作者工資繼續下跌......會不會有一天，香港電影已經沒有價值，然後悄悄地消失？

舊的模式已過去，過去的光輝屬於過去。我們有沒有勇氣去破局，建立屬於此時此刻的香港電影世界？香港觀眾沒有義務去盲目支持，大前提是要創作出好作品。我們如何在限制中找出新方向，又能否累積一群”新時代的香港觀眾”？

《幻愛》對我來說是叩問：到底低成本，沒明星的本土小品能得到多少觀眾支持？現在的觀眾喜歡或想看怎樣的作品？到底能否回本？不能的話該如何創造可能？能，投資者又會否願意開拓新市場？

一系列難以解答的問題。話說回來，希望在最後階段，能夠繼續得到你們的支持。小弟也不厭其煩，再次感謝你們為《幻愛》創造了奇蹟。路還有很長，縱使失望，請不要絕望。懷著相信和勇氣，一起走向前方的未境之地。

一，早幾日，有幸獲港大鄧希煒教授邀請，同一班 EMBA 嘅同學分享下近來香港發生嘅事。一如我平日嘅作風，難免 overrun 同離題。咁，我又講咗啲乜呢？

二，重點，就係今時今日香港發生嘅事，係過去十幾廿年來積落；而今時今日發生嘅事，亦都會影響到未來十幾廿年。歷史，唔會抽離於過去，所以純粹以為係反送中，呢個觀念好易導致分析出錯。如果以為撤回就解決問題，咁就錯晒。

三，咁，香港人究竟爭取緊乜？假如要我好簡要咁歸納，我會話：「向北京說不嘅自由同權利。」

四，甚至乎，由於大家都睇清楚特區政府只係北京嘅傀儡，所以依家亦都發展到變成：「向政府說不嘅自由同權力。」

五，好重要，所以我要重覆多次：「說不嘅自由同權力，唔代表我哋一定會說不，但責任在於政府要說服市民，而唔係以為只要有方法通過法律，同埋掌握分配資源嘅權力，就可以為所欲為。」

六，題外話，林鄭同佢嘅一眾高官，一直以來都相信，「夠票」同「有錢」就等於乜嘢問題都可以解決得到；今次管治危機之前如是，shit hits the fan 之後亦如是。

七，返去個分享。話說，入面都唔少國內嘅學員，而佢哋嘅意識形態，自然同我哋好唔同。有位學員問（大致上啦）：「外面咁亂，好咩？唔通咁就係一國兩制？你哋究竟有冇國嘅觀念？同埋，點解你哋唔感激國家對香港嘅恩情？」

八，【沉著氣，保持兩秒距離，駛出真功夫，方為大師傅。】我話，是咁的，1984年，中英聯合聲明，同埋之後嘅基本法，其實好清楚講到明，除國防外交，一切事務由特區自行決定執行。呢個係承諾，以換取香港人同國際社會接受主權移交。

九，不過，我都有加多句：「不過對北京來講，佢哋唔承認南京條約、天津條約等。所以，北京至今都認為，係『重新行使主權』，而香港『自古以來都係中國不可或分嘅領土』。」

十，即係話，由一開始，就有兩套睇法，但大家嘅共識就係：「假設一切正常。」亦即係所謂嘅「馬照跑，舞照跳。」

十一，究竟幾時出現轉捩點？我會話由 1997 到 2008，係一個段落；2008 京奧同汶川，你見香港人幾咁血濃於水？由 2009 至今，係另一個境象。

十二，【首先問點解，再推論點算。】之前講過，大家未必好上心，2004年左右開始，中共開始對外宣揚一套叫做「北京共識」嘅論述，抗衡以歐美為首嘅「華盛頓共識」。由呢個時候開始，我亦都觀察到北京改變對香港嘅方針。

十三，北京共識，首先最受落嘅，係歐美國家一班意識形態比較「左」嘅學者，佢哋反對「新自由主義」，認為除咗代議政制民主同資本自由市場，人類社會，尤其係國際秩序，係有另一種模式。

十四，又題外話，假如對「新自由主義」有興趣嘅朋友，可以一讀福山（Francis Fukuyama）嘅 The End of History and The Last Man。不過，近年佢對民粹興起，又有新嘅體會。有機會再寫，又或者搞個讀書會同大家分享下。

十五，講返「北京共識」。真係有本書寫呢個題目，作者叫 Joshua Ramo ，而佢嘅正職，就係幫 政治顧問公司 Kissinger Associates 打工。北京叫基辛格做老朋友，絕對唔係無緣無故嘅愛，至少我係咁樣以小人之心度君子之腹。2011年，基辛格都寫咗本 On China。據我所知，大陸嘅外交人員，都一定要讀呢兩本書。

十六，北京共識其實簡單講，就係話由國家指揮經濟無問題，國家為和諧穩定要強大更加係無可厚非，只要每個國家搞掂自己；第三世界只要發展經濟，政府強而有力，咁就世界和平，唔需要世界警察。

十七，「北京共識」就係好多 #藍朋友 口中所講，「背後捉緊一盤好大嘅棋」。我亦都覺得，新一代中國嘅年青人，尤其係讀過少少書個班，都好相信呢一套。甚至乎，我唔懷疑香港都有人係咁諗。

十八，不過，盲點響邊呢？除咗用好老土嘅「左翼」 vs 「新自由主義」去睇，我會用講故仔嘅方法，試下解釋。

十九，話說，世界有兩種經濟觀。第一種，將國家當做一個大工廠，目的就係多快好省咁，總之做好多好多嘢出來，滿足所有人嘅需要，咁，大家就好似王子女主咁，美滿幸福生活，直到永遠。

二十，對市場經濟嘅另一個觀點，就係見到一個好複雜嘅墟，入面有互相合作，亦有互相競爭。我係賣衫嘅，要同布販攞布，布販又要同農夫攞羊毛，呢啲係合作，但大家又嘗試賺到盡。大家都係賣衫，又唔一定係你死我亡，原來擺埋一齊，又會有協同效應之類。總之，競爭同合作，好難分。

廿一，「咁，又點呀？」我意識到，學員雖然聽到好投入，但似乎有少少出咗公海。剛才個位學員，又問一條問題：「點解香港人唔專注經濟發展？」

廿二，假如你將整個香港社會，甚至成個中國，都當做一個大工廠，咁，大家聽話啦，唔好嘈，返工返學貢獻民族國家社會，民族國家社會又會好好照顧你。

廿三，不過，如果你唔將個社會當一個大工廠，而係睇到當中有機自發嘅秩序，咁，其實香港人守護緊嘅，係一套行之有效而大家都熟悉嘅規則。點解要法治？因為冇法治人身財產安全都唔再有保障，政府可以隨時話充公就充公，拉人就拉人，仲競咩爭，合咩作？只有服從嘅社會，咪就係極權社會囉。

廿四，我知，咁樣都未必說服到唔相信嘅藍朋友，不過，最少都畀佢知道，香港人唔係為反而反，背後其實有更核心嘅價值。甚至乎，佢會仍然相信，香港可以有「特殊地位」，只係因為國家肯放手。我都加多句：「我好唔鍾意用 Privilege （特權）呢個字，講到自由好似係由某啲人所賜予，而唔係每個人與生俱來嘅權利。」

廿五，至於「北京共識」，其實亦唔係一時三刻石頭爆出來，應該都係經過多年不斷沉澱，中共信到十足嘅一套，只不過係，由胡溫一屆將概念變成國策，到習近平就成為民族百年偉大事業。

廿六，某程度上，習近平反而口號多過實際；至少胡溫年代國進民退嘅政策，係講到做到。習近平嘅咩一帶一路，咩雄安區，咩前海，咩大灣區，可能個 Vision 太遠啦；但從 Project Management 嘅角度，呢種規劃係好易爛尾。

廿七，讀過 Orwell 1984 嘅朋友，就應該明白，唔好將 Big Brother 入面嘅矛盾放大，唔好以為佢哋內鬥最終令極權結構瓦解，佢哋根本就係同一個意志之下嘅共同利益，比起大家想像中更團結。正如當年凱撤被元老院一班黨友插死，羅馬仍然行帝制，而且比以前更加閉門一家親。

廿八，中港矛盾，其實一直都存在，只不過係從前大家當冇件事，一國兩制呢個承諾大家當真。由北京共識，到國進民退，到中聯辦曹二寶話香港要有第二管治梯隊，到香港為咗配合國家發展高鐵就用成千億起個一段仔，到中聯辦干涉各級選舉，甚至連行政長官選舉都公然干涉，到潛伏各行各業嘅深紅深藍越殂代疱進入政府核心⋯⋯我都只係講到 2012 年。

廿九，2012年，倔強嘅梁振英，令中港矛盾表面化；又或者，咁啱又係習近平嘅作風啦。我都唔識分析。但好明顯，去到個一刻，已經好明顯醞釀嘅反抗嘅力量。北京同香港政府，以為時間響佢哋個邊，大不了消磨下就可以慢慢改變香港。殊不知，由反國教到雨傘到今年盛夏，一鑊大過一鑊。

三十，點都要講返「北京共識」。其實九十年代，香港係中國嘅窗口。大概去到 2000 年後，北京的確改變緊呢個諗法；甚至乎我哋成日話香港有普通法同司法獨立，有貨幣自由流動等等，佢哋都越來越覺得唔重要。「國際金融中心？嘿，我起多幾個都得呀！」

三十一，即係，佢哋眼中，國際金融中心，咪就係好靚嘅商業大廈，有一班西裝友，個個都用電腦 Trade 來 Trade 去之嘛。大陸又有出口，又有一帶一路，又有人民幣債券⋯⋯有咩唔可以 copy 一套？最近 Crytocurrency 都出埋，問你怕未。

三十二，我好似見到偷學少林絕技嘅鳩摩智，又或者洋務運動嘅晚清，學功夫但唔學心法，結果會點？

三十三，金融，好講信任（呢個題目真係要分開講，如果唔係寫到九十九都未寫完）；一個以權力取代信任嘅制度，一定有好多扭曲，控制權力嘅人，亦好易以權謀私，呢個係中國經濟史一直都走唔出嘅死局。

三十四，更重要係，我亦都經常講，一個好嘅制度，就係任何人出錯，都唔會 too big to fail，都唔會令到成個結構崩潰。中國當今嘅權力同利益結構，並唔係咁。

三十五，所以，返去最初嘅命題：人民要有權向政府說不，政府有責任去爭取社會認同，只有呢種關係，先至有長治久安，否則就係一個虛幻嘅太平。

#香港人要有說不的自由 #認同請分享 #睇晒就留言

【「哥哥」張國榮57歲冥壽】
今天是「哥哥」張國榮的57歲冥壽，遺憾我當時還年幼祝你生辰快樂。

Like=哥哥, happy birthday!!

張國榮（1956年9月12號—2003年4月1號），祖籍廣東，生於香港，英文名 Leslie，係一位喺華人社會有影響力嘅香港男歌手、演員同埋詞曲創作者。

佢又叫做哥哥，源自同佢合演《倩女幽魂》嘅王祖賢對佢嘅稱呼。

佢喺1984年至1989年間同譚詠麟並稱香港兩大男歌手，成為香港樂壇巨星。喺1988至1989年度《十大勁歌金曲頒獎典禮》連續兩屆攞「最受歡迎男歌星」。

生平[編輯]

早年[編輯]
張國榮係客家人，喺屋企十個細路之中排最細，有「十仔」呢個乳名。佢曾經喺英國列斯大學（Leeds University）讀書。1976年參加麗的電視（亞洲電視前身）舉辦嘅亞洲音樂歌唱大賽，獲得第二名，從此進入演藝圈。喺早期佢主要係拍劇，都係喺麗的電視，例如《鱷魚淚》、《浣花洗劍錄》、《對對糊》、《甜甜廿四味》等等。1978年佢出咗佢第一張唱片《Day Dreaming》，係英文歌；1979年又推出咗粵語唱片《情人箭》。
佢嗰陣時並唔係好紅，尤其係佢形象帶有占士甸（James Byron Dean）嗰種反叛同埋浪漫，當年大眾唔太接受。喺一次戶外表演中佢向現場觀眾掟帽，但帽就被人掟返轉頭，現場觀眾重柴佢臺。
佢嗰陣時嘅知名度，可以從佢響1982年轉投無綫電視（歌星合約）可以睇到。嗰年佢最出名嘅歌，係兒童節目《宇宙大帝》主題曲。
無綫電視[編輯]
早喺1982年加入無綫電視嗰陣，張國榮就加入咗華星娛樂有限公司（唱片合約）。1983年，佢推出唱片風繼續吹，裡面同唱片同名嘅廣東話主打歌，為張國榮打響頭炮。而真正令佢走紅嘅，係1984年佢主演無綫劇集《儂本多情》。劇裡面佢飾演一個花花公子，呢種形象令到觀眾覺得好深刻。同年佢亦憑《Monica》一曲首奪十大中文金曲同埋TVB十大勁歌金曲嘅金曲獎，瞬間變為天王級歌手。無綫有啲重頭劇嘅主題曲係曲張國榮主唱，例如1985年《楊家將》。
1980年代，香港樂壇原本係由譚詠麟玩晒，但張國榮走紅，開始挑戰到譚詠麟嘅地位。1987年，張國榮憑一曲《有誰共鳴》壓倒譚詠麟，第一次奪得無綫十大勁歌金曲金獎（1986年度）；同年轉投新藝寶唱片有限公司，大碟《Summer of Romance 87》銷量超過六白金，成為當年 IFPI 香港唱片銷量冠軍。碟裡面嘅《無心睡眠》更加係香港樂壇經典快歌之一。
1988年，張國榮成為第一位亞洲區百事巨星代言人，並喺香港紅磡體育館開咗23場百事巨星演唱會[1]。喺紅極一時嗰陣，張國榮一直被譚詠麟歌迷視為敵人，兩位星級歌手嘅歌迷成日有磨擦，曾經喺某個頒獎禮後台發生衝突，好幾個人受傷。譚詠麟因此公開話，唔會再攞任何樂壇獎項。
1980至90年代，張國榮喺影壇同樣取得輝煌成就，1986年佢同周潤發合作嘅《英雄本色》勁收，重第一次攞香港電影金像獎最佳男主角提名；1987年《倩女幽魂》》首度獲得臺灣金馬獎最佳男主角提名。
喺1988至1989年度《十大勁歌金曲頒獎典禮》，張國榮連續兩屆奪得「最受歡迎男歌星」獎[2]。但佢係呢個時候卻突然宣佈退出歌壇，並喺香港紅磡體育館舉行33場告別演唱會，進行封咪儀式。張國榮自己話「封咪」係因為自己偶像山口百惠退隱，但多數人都認為咁只係導火線，真正原因重惹嚟猜測。
退出樂壇，揚威影壇[編輯]
退出樂壇之後張國榮專心攻影壇。1991年，張國榮因主演《阿飛正傳》，獲得第十屆香港金像獎最佳男主角，成為「香港金像獎影帝」。1993年，張國榮主演嘅電影《霸王別姬》攞法國康城影展嘅金棕櫚獎、國際影評人聯盟大獎費比西獎同埋美國金球獎嘅最佳外語片獎，並獲得美國奧斯卡最佳外語片提名。同年，張國榮亦因此片獲日本影評人協會頒發最佳男主角獎，以及第四屆中國電影表演藝術學會獎特別貢獻獎。1994年，張國榮因主演《東邪西毒》，獲香港電影評論學會大獎－最佳男演員獎[3]。
張國榮亦曾被邀擔任日本東京國際電影節青年導演獎（1993年）及德國柏林國際影展（1998年）嘅評委，係公認最傑出嘅華人影星之一。
張國榮影壇生涯主要演文藝片，但商業片佢都拍唔少。好似《家有囍事》、《金玉滿堂》、《大三元》呢啲張國榮係以搞笑形象演出。其中《家有囍事》收四千九百萬港紙票房，係張國榮從影以嚟最收得嘅。
復出樂壇，走向事業另一高峰[編輯]
1995年，張國榮推出唱片《寵愛》後正式宣佈復出樂壇。此後陸續推出多張唱片，皆取得銷售量佳績，攞業界好評。
張國榮幾受日、韓觀眾喜愛，1996年年獲日本《ASIA POP》雜誌讀者票選為《人氣最旺》、《最佳藝人》大獎。
1996年12月，張國榮喺香港紅磡體育館舉行「跨越97演唱會」24場，世界巡迴31場。
2000年初，張國榮喺1999年度《十大中文金曲頒獎典禮》攞「香港樂壇最高榮譽大獎——金針獎」。其後舉行「熱情演唱會」，全球巡迴43場，受到樂迷嘅熱烈歡迎。
喺2000年到2001年呢兩年內，張國榮幾乎攞晒中國藝壇嘅所有最高獎項，包括「最流行歌手」、「最傑出藝人」等「當紅」大獎：
香港電台「九十年代十大演藝紅人」冠軍
CCTV-MTV音樂盛典頒獎禮亞洲最傑出藝人獎
首屆中國華語流行樂傳媒大獎最佳流行男歌手獎
第二十三屆香港電台十大中文金曲獎終身成就獎金針獎
第二十三屆香港電台十大中文金曲獎（歌曲《大熱》，退出領獎）
無線電視十大勁歌金曲獎榮譽大獎
第十三屆商台叱吒樂壇至尊歌曲大獎（歌曲《左右手》，退出領獎）
新城勁爆年度歌曲金獎（歌曲《左右手》）
《明報週刊》最突出男歌手獎（歌曲《路過蜻蜓》）
《明報週刊》致敬大獎（「熱·情」演唱會）
雪碧中國原創音樂榜千禧全國成就大獎
雪碧中國原創音樂榜千禧全國成就大獎金曲獎（歌曲《發燒》）
無線電視十大勁歌金曲獎致敬大獎
四台聯頒音樂大獎之大碟獎（唱片《Untitled》）
香港電台二十五週年銀禧（榮譽大獎）
CASH 金帆音樂最佳另類作品（歌曲《這麼遠那麼近》）
第三十屆台灣電影金馬獎最佳電影歌曲獎《紅顏白髮》(電影《白髮魔女傳》主題曲) [4]
第三十七屆台灣電影金馬獎最佳男主角提名（電影《槍王》）等
2001年，張國榮獲日本擁有最多會員嘅亞洲電影影迷會“飲茶俱樂部”（CINECITY）投票選為2000年度“最佳男演員獎”（電影《流星語》）。呢個獎項共舉辦11年，張國榮連續十年奪冠。

香港出現過唔少連鎖餐廳、酒樓或快餐店，陪伴著唔少人度過愉快時光。幾十年來，各式各樣嘅快餐店陪住香港人成長。有啲仍然風光，有啲只能回味。你腦海閃起嘅有冇哈迪斯、陽光一代同出奇老鼠？香港飲食業一直競爭激烈，好多都風光一時。選出呢十大，你哋又食過未？ Text: Wong Ki

10) 烤雞大王
喺KFC未壟斷快餐雞市場嘅80、90年代，香港出現本土專攻食雞嘅快餐店－烤雞大王，分店多數位於日資百貨公司food court。戴上膠手套手撕全隻燒雞，配埋粟米真係非常美味，令到另一同業大家樂出「燒春雞」系列打對台，可見點樣風靡一時，可惜只得一時。港產片《最佳損友》，劉華同陳百祥等人食雞食到津津有味，就係喺烤雞大王取景。

9) 農場餐廳
農家意粉前身就係農場餐廳。農場餐廳係香港90年代興起嘅連鎖餐廳，主打簡樸西餐，以抵食、真材實料見稱，高峰時全港分店近50間，只可惜老闆陳興濤喺97年金融風暴破產，全線執笠。2000年代尾東山再起，開「農家意粉」，有分店，結果蝕成千萬，今年年初最後一家都執埋。

8) 金龍船
2000年左右狂擴充餅店同酒樓，應該係為咗上市。賣嘅點心同西餅好靚，價錢當然亦有份量，又賣過廣告，主角係蕭正楠。2003年受沙士影響，生意差，最終捱唔住全線結業。

7) 東東雲吞麵
相信好多人大多透過電視廣告認識呢家粉麵連鎖店，「東東麵，非常麵」，又唱歌又急口令，宣傳包裝真係一流，八十年代時期，東東雲吞麵快餐店業務發展蓬勃，可惜食物品質參差不穩，選擇不多，00年後陸續結業。現在喺超市間中見到東東急凍雲吞同水餃。

6) Wendy's
90年代香港出現好多美式連鎖快餐，除咗Hardee's仲有Wendy's，俾香港人多個選擇。Wendy's是第三大漢堡包快餐連鎖店，80年代以「得意妹」為名登陸香港，惜三年後敗走。91年以「雲狄斯」之名再進軍香港，高峯期擁有11間分店，可惜宣傳策略始終不及麥當勞，未受小朋友歡迎，06年撤出香港。

5) 陽光一代
當年在玻璃櫥窗前看着師傅轉動手上的薄餅，是80後小學生每天放學後最愛的節目。最記得當時其中一間舖喺沙田新城市廣場，現在近GAP服裝店果個位置，門面有塊大櫥窗睇到師傅轉Pizza，成為當時小朋友一大娛樂。屬於香港公司嘅陽光一代，由開餐廳轉型其他界別求存，例如中小學飯盒，仲有「波仔飯」，越做越大。

4) 馬里奧餐廳
專攻意大利口味食品嘅香港連鎖餐廳，裡面有咩食冇咩印象，但最記得係首電視廣告歌，有個疑似著名意大利男高音盧奇亞諾·巴伐洛堤唱歌介紹餐廳嘢食，之後有個細路大叫Mamma Mia。仲有《國產凌凌漆》銅鑼灣皇室堡槍戰一幕背後嘅餐廳門面。呢間屬於大快活集團嘅餐廳，似乎不敵同業Pizza Hut，最終逃唔過易手倒閉命運。

3) 雅香園
70年代的香港人，對24小時營業的雅香園不會感到陌生。
對呢間港式快餐店有印象嘅多數都係70後。專賣中式粉麵，80年代風行一時，希望可以殺出條中式快餐血路，當時仲推出24小時營業，創了香港飲食先河，聽前輩說，餐廳不衛生，係執笠其中一個原因。
P.S. 雅香園曾賣過電視廣告，主角係Beyond黃家強

2) 出奇老鼠
呢家80年代風行嘅美資連鎖餐廳好多人都記得，食Pizza又有室內遊樂場，咁樣crossover法真係好獨特，亦令小朋友樂而忘返，但最終都撤資返去美國，歡樂天地取而代之。

1) 哈迪斯
美國連鎖式快餐，90年代進軍香港。80後對於哈迪斯有深厚感情，除了炸薯圈，蘑菇飯最深入民心，可惜不敵肯德基及麥當勞，最終 2006年全線結業，原因係租金同經營權嘅問題。事實止Hardee's風光時期香港、台灣、新加坡、日本等都有分店，而家縮到只可以喺美國及中東地區先食到。

Source of clips:
香港九十年代廣告 ＊ 美心快餐
https://youtu.be/FvwT0a05pDk
[經典廣告] 1990年 - Fairwood 大快活 (大快活早餐 朝朝咁滿意)
https://youtu.be/IO8kU11PU6w
[香港經典廣告](1995)肯德基 KFC 巴辣雞漢堡
https://youtu.be/ljKMygZ2Lus
[經典廣告] 1984年 - Cafe de Coral 大家樂 (為你做足一百分) (張艾嘉)
https://youtu.be/7kv-H09lGPU
[經典廣告] 1987年 - 麥當勞餐廳 (點點滋味餐)
https://youtu.be/YHngo81X2xc

References:
香港十大 十大消失連鎖食店
RoadShow 路訊網
http://www.roadshow.hk/hk-top-10/living/item/21578.html

香港經典電視廣告歌，你記得幾多？Hong Kong Classic Ads Song Medley 香港經典電視廣告歌Medley串燒:
http://youtu.be/QicfiPyKFR0

Help us caption & translate this video!

http://amara.org/v/W8ms/

油麻地果欄Yau Ma Tei Wholesale Fruit Market常簡稱作「果欄」，是香港主要水果批發市場，位於九龍油麻地，北臨窩打老道，南抵石龍街，西為渡船街，東為新填地街。果欄的雛形建於1913年，前身是九龍一處傳統墟市，「果欄」是珠三角一帶對水果批發市場的俗稱。經營的商鋪初期只以草棚搭成，直到1920年代至1930年代，香港政府才開始批地讓欄商興建固定樓房，多幢一、二層高的磚石建築逐漸組成今貌，至今尚可見到不少具戰前特色的裝潢。最初渡船街、窩打老道一帶賣雞、鴨等家禽，東莞街賣菜，而後面是九龍魚市場，果欄的面積比現在小得多，只佔新填地街一帶，而果欄並非只賣生果，主要是賣蔬菜，只有如「福和果菜欄」、「秀和欄」和「大益欄」等幾個大型的果菜欄，直到1965年6月1日長沙灣蔬菜批發市場啟用及1974年11月1日長沙灣臨時家禽批發市場啟用雞欄和菜欄搬遷後，才全部變成果欄。戰後建成的石龍街一帶果欄，由於當時檔主共同聘用同一間建築公司，所以於1952年建成的16個果欄外觀十分相似，地面前端是上落貨物區，欄內存放較遲交收的生果，而樓上多數是用作焗蕉的蕉房或雪房，近年才加裝升降機方便存放生果。1990年,果欄被古物諮詢委員會列為香港三級歷史建築，於2009年12月18日改列為香港二級歷史建築。油麻地果欄長期以來都是香港和九龍市區的水果批發集散地，現時有二百多戶批發商，處理全港近八成的批發水果。欄商以東莞人為主，同鄉互相介紹來港工作，早年人數比例高達八成，街道如「東莞街」及「石龍街」（取自東莞石龍鎮）也是因此而命名。油麻地果欄日常運作集中在晚上進行，噪音對鄰近居民造成滋擾，而手推車佔用路面又造成嚴重交通阻塞。香港政府早於1969年已計劃重置油麻地果欄，但一直未能落實執行。到了1990年，政府計劃將油麻地果欄遷往長沙灣副食品批發市場第一期，其後因1991年簽訂的《關於香港新機場建設的諒解備忘錄》，為進行西九龍填海計劃供興建西九龍快速公路往返赤鱲角新機場而擱置，其後政府又計劃將果欄遷往將於1997年年底落成的長沙灣副食品批發市場第二期，可容納蔬菜、蛋品、魚產、活家禽和鮮果五個行業的綜合批發市場，但有關批發業界一致強烈反對。油麻地果欄其後獲評為三級歷史建築物，規劃署在1999年設計了「油麻地市區重建概念模型」，規劃整個油麻地的發展，將果欄變作特色休憩公園。2000至2001年香港政府再為遷置油麻地果欄尋找其他選址，但鮮果批發業界表示不願意搬離市區，希望原址經營，而所有可供考慮的土地均不適用。2007年食物及衛生局向立法會帳目委員會提出在長沙灣副食品批發市場第二期的部分範圍預留土地，興建一個專屬的鮮果批發市場，用以遷置果欄之用。通過油尖旺區議會轄下「關注油麻地果欄工作小組」，鮮果欄商代表表示願意有條件搬遷，其中主要的條件是將來香港全部的鮮果批發，必須集中在新市場進行。政府以自由市場政策不宜幹預市場運作模式為由而作出拒絕。

嚴以敬（1933年8月8日－2018年8月12日[1]），筆名阿虫，出生於廣東省廣州市，香港漫畫家。2018年8月11日因突發性的心臟衰竭於美國洛杉磯家中離世，享年85歲。嚴以敬在廣州出生並讀小學，後移居香港，全家人就住深水埗一個牀位，由於生活貧困，讀了兩年中學就開始出來做工，曾做過學徒、小販和礦工。他無聊時便拿起紙筆畫下來，漸漸培養出繪畫的興趣。到19歲時開始習畫，原為政治漫畫家，自1984年起他對政治漫畫感到厭倦，移民美國後改以阿虫為名發表畫作，創作一系列的生活水墨畫小品，作品刊載於《快報》及《天天日報》；自嘲「不能成龍，只好成虫」。2002年，嚴以敬曾於中環閣麟街某大廈的地下經營畫室，佔地600平方呎，到2008年因無法負擔租金而結業。
將軍澳廣場（英語：Tseung Kwan O Plaza），當地居民簡稱作將廣，是香港將軍澳市中心的一項物業，鄰近港鐵將軍澳站。全屋苑分為8座（第4座改稱第3A座），每座45層共2880個單位。設有會所、商場及街市，由南豐集團旗下萬寶物業管理有限公司負責屋苑管理工作。物業由南豐發展興建，於2003年落成，並設有私家車位873個（住宅佔572個，商場佔301個）及機車位89個。將軍澳廣場基座設有商場，共分三層佔地逾30萬平方呎，是區內主要購物商場之一。商場地下為街市，一樓主要為食肆、銀行、酒樓、便利店和小型寵物店舖等。而二樓主要為AEON、實惠、吉野家、麥當勞、補習社、琴行、棋院等，亦設有自動櫃員機。商場設有免費泊車優惠，消費100元港幣可免費泊車一小時。商場採日式庭園設計，地下設有大型人工瀑布，為2000年代香港商場少有特色。一樓中庭亦曾採用木地板。2009年前二樓設有美食廣場，2009年12月將美食廣場及眾多細舖打通後開設AEON。佔地約56,000平方呎，屬於一所小型綜合購物百貨店，店內設有超級市場、生活百貨「Living Plaza」、家庭用品專區、嬰兒及服裝用品專區、電器部、傢俬部、玩具部、樂聲牌專櫃、AEON財務、Q-Pet寵物店、Molly Fantasy室內兒童遊樂場。店內亦開設食肆，包括日本拉麵店「大門食堂」、八方雲集、薩莉亞意式餐廳。發展商在2014年開始進行翻新工程，將原來華潤萬家超級市場的舖位分間成多間商舖，商場翻新後加入大量特式商店，包括：大家樂旗下的Spagetti 360、別府拉麵、太興、稻香旗下的Ringer Hut和泰昌餅家、譚仔、桂花小幸、泰巷、Foodwise、Starbucks、華潤堂、一粥麵、聖安娜餅屋、美心西餅、貢茶、東海堂、煌府、茲曼尼等等。商場地下設有K-mart街市，由佳寶食品超級市場管理及營運，於2019年4月開幕。