唔好介意，關於呢件事，容許我用一篇比較長既文字去講一講，希望大家有時間可以睇吓。
上年既大概呢一個時間，收到公司消息話參加新一季男版既「Prouduce 101」，當時，以為只係一個笑話，分析過以下幾方面之後，你就明
第一，
我年紀其實相對上大，韓國既練習生好多由十五六歲已經開始受訓。
第二，
睇完上一季，自己對韓文，韓國歌，韓國舞到節目，完全唔熟悉，我仲係停留左喺浪漫滿屋既年代，距離能夠上節目比賽，簡直遙不可及，BTW我好佩服SHIN。
第三，
參加呢個節目嘅練習生，有超過1000人，喺裡面，我要打低起碼900個韓國本地既練習生，憑什麼？
只能夠講，機會極微。。。。
時間去到7月，公司發曬資料過去嗰邊，佢地對我有興趣，想推薦我過去參加面試。
我聽到嘅時候，心理質素好差，一邊驚一邊擔心，覺得完全唔係自己處理到嘅事，甚至，對呢件事反感，好唔想去面對。。。
一個星期後，同自己講：「唔好驚住，做左先啦！」
開始由零去認識，從一個完全唔睇韓國節目既人，去到日日煲韓劇，聽韓文歌，唱韓文歌，Cover韓團舞，睇節目，去到上韓文堂，真真正正咁變左個韓迷。
時間好快去到八月，制作公司每個星期都會俾唔同既功課我，包括：「每個星期要交一首韓文歌既COVER，RAP，要拍K-POP既 DANCE COVER，兩分鐘韓文自我介紹，去到拍一條介紹自己既興趣好似綜藝節目咁既影片等等。。
嗰段時間每日係咁追進度，如果一日有72小時，有可能會夠用。。。
如是者，持續到11月，開始無乜回音，嗰邊都無再要求我去比片同埋功課，連面試時間都唔知道，當時其實我都打定輸數，因為機會本身已經好微。
突然12月1號收到韓國既電話，話聽日約左101既監製面試，然後就立即買機票當晚零晨就飛左過去韓國，因為當時我既韓文程度只能夠做到拼音同埋一般既應用，要聽到答到一啲複雜既問題仲係有困難，所以韓文老師準備左啲問題同答案俾我，一路搭飛機，搭車，酒店，一路背背背背，只係希望tips得中題。。。
12月2號晚，準備好曬去到電視台，起大堂個心一路背答案，好緊張，感覺好似去返讀書考試咁，同行有另外一個制作公司既練習生（佢最後係入到101架），一齊上去見監制。
你以為得監製面試？佢問一題你答一題？？錯曬！
原來係一個研討會咁，同所有既製作團隊十幾人圍住個圓枱到傾計，我除左介紹自己之外，完全入唔到佢地既話題，莫講話背左既答案，差唔多無講野十五分鐘。。。。直到監製安俊英入到黎（無睇錯，佢同我差一個字），同另一個練習生傾曬，然後用英文問左我幾條問題，例如：點解你要嚟101？點解有歌手唔做，要過黎做練習生？點解覺得我地會揀你？你覺得你自己有咩野條件勝過其他練習生等等。我答佢既內容大概係咁：
「我知道自己比其他參賽者年紀大，講外形，唱歌，跳舞都未必俾佢地好，但係我有無論如何都要參加呢個比賽既覺悟！4個月由唔識韓文到能夠普通溝通，去到嚟韓國參加面試，整個過程，我會俾你同觀眾睇到我既決心，同埋驚喜！我知道韓國絕對係一個好好俾我去訓練既地方，所以我想起韓國接受更加多既訓練，希望有機會再挑戰自己，同埋發掘自己更多既可能性！」（英文）
之後佢叫我表演，我清唱左5首韓文歌，一首國語歌同埋廣東話歌，有快有慢，有跳舞，面試就完咗之後，監製同我同埋經理人講：「你各方面都符合參加資格，我同團隊都已經寫左你既名，只係韓文問題比較大（因為真人show需要既韓文你一定要無100%都要有80%，最低限度都要聽得明導師既說話），所以，我希望你可以抓緊呢三個星期既時間，証明俾我地睇你既決心，十二月尾我地就會決定人選。」
我當時好開心佢地咁欣賞我，但我既壓力亦都隨之上升！三個星期，點樣可以令自己到80%~100%既韓文？？
返到香港，每日都上韓文堂，每晚背100個生字，每晚都send過去比監製睇我既進度，如是者，又過左三個星期。
結果係點，我諗都唔需要多講，重要既係，知道自己，原來盡左最大既力，但做唔到嗰種無力感，原來可以好大。
但發現原來自己係可以去到咁盡，就算最後無都係值得，因為我經過呢件事，見到自己原來係有更多既可能性！！
呢半年，同埋喺韓國既18個鐘頭，我一世都唔會忘記！
安俊豪
12人 圓枱 在 12人圓桌PTT與DCARD推薦網拍商品- 2022年1月|飛比價格 的八卦
12人 圓桌PTT與DCARD推薦網拍商品就來飛比，收錄全新、二手12人圓桌在露天、蝦皮 ... 餐桌折疊圓臺面實木酒店大圓桌15人飯店宴會杉木圓桌面家用12人餐廳桌新年新品送禮. ... <看更多>