Search
向蘋果財經版每一位工作人員致敬.......下晝我已收到通知，明早不用供稿，因為今晚凌晨蘋果財經網上版停止更新，從此《蘋果早餐》不再.......『每日一蘋果，無人呃到我』成絕響，今後要接受指鹿為馬的所謂新聞嗎??
今晚跟聊天室手足傾計，發現好多手足係以蘋果日報能否存活，作為去留香港嘅分界線，結果係.......真係要到別離時，唔少手足趕緊籌備離開香港生活。
暫時知道印刷版報紙，會運作至周五，古天后喺蘋果日報周四見報嘅專欄《點止冧巴咁簡單》，如無意外可以周四跟讀者作最後道別，希望周四可如常見報，留低嘅蘋果手足，我會周三截稿前準時交稿，珍重，缸湖再見!
#離開嘅送上祝福
#留低嘅一切安好
《點止冧巴咁簡單》最終回
本來呢一篇係最後一篇喺《蘋果日報》嘅見報文章，我專登好早交稿，方便編輯工作，可惜都係要抽起，因為特殊情況，明日嘅蘋果財經只會出一版新聞，專欄全部抽起.......預咗明日份蘋果會薄啲，但印數目標係100萬份，大家一齊買爆佢.......寫到呢度，我唔識寫落去喇.......各位蘋果工作人員，珍重!
缸湖再見 ‧ 後會有期
《點止冧巴咁簡單》呢個專欄印刷版係由舊年11月開始，由於當時正好幫蘋果財經做咗一段時間直播節目《午市急call》，有幸拍住蘋果朱千雪—Willa BB同埋唐牛，得到唔少讀者捧場，編輯部唔嫌我文筆拙劣，我亦樂意每星期一次為印刷版蘋果專欄供稿。
雖然我過去曾從事新聞工作14年，但從未做過一日蘋果人；不過自蘋果1995年創刊之後，一直係蘋果讀者，其後因為工作關係，更加要日日刨晒成份蘋果財經，因為知己知彼百戰百，所以對蘋果一直有一份莫明嘅親切感。而財經版行家亦一直保持良好關係，即使同行如敵國，但新聞呢一行跟其他行業好唔同，行家之間競爭嘅同時，總會有守望相助精神。呢個專欄誔生未夠一年時間，估唔到蘋果竟然要行到呢一步，心裡面有千萬個唔捨得之餘，仲有點心有不甘，唔甘心嘅係蘋果唔應該係咁嘅情況下結束，可惜無奈都要接受現實。
嚟到最後一日，決定唔再派冧巴，呼應番呢個專欄《點止冧巴咁簡單》，今日就講單八卦嘢，食住花食同蘋果讀者講再見，希望後會有期。話說有過百年歷史嘅先施(00244)，曾幾何時係香港四大百貨公司之一，可惜後人經營不善，去年宣告賣盤予中資民企偉祿集團(01196)。本來一單平平無奇嘅收購，本應順利完成，但耐人尋味嘅係，收購程序屆尾聲卻接連爆發爭拗，最新發展係啱啱調任非執董嘅前大股東馬景煊突然向公司發信，要求21日內付清824.4萬元聲稱欠付薪酬，否則會入稟申請將先施清盤。
先施馬氏家族顯赫，上任掌舵人馬景華最為人熟知嘅係佢喺70年代，同太太郭志清創立時裝王國Joyce Boutique，為香港引入唔少國際一線名牌。馬景華2014年離世後，堂弟馬景煊接任先施主席一職，而公司業績就自2013至14年首度見紅，隨後蝕足7年(去年度業績需押後公布)。翻查年報，先施呢幾年蝕到趴喺度，馬景煊卻累計收取近億元董事袍金，作為大股東同唯一嘅執董，公司點蝕都無礙馬生袋袋平安，小股東當然只有默默承受。
先施連年虧蝕亦無力扭虧，馬景煊近年亦變得低調，惟因賣盤交易一波三折近月接連見報，其中最有趣一單，當屬馬景煊等人於舊年10月曾訂立贈款協議，承諾將賣盤得來嘅2.6億元無償轉贈予先施作營運資本，但到今年2月又反口唔認數，單方面宣布該契據「受到不當影響及威迫」下簽立，屬無效且即時取消。
目前偉祿已就2.6億元「送贈契據」告上法庭，馬景煊出爾反嘅如意算盤未必打得響，反向先施追討欠薪並威脅將入稟申請先施清盤明顯係鬥法新招式。不過，刊登辭任主席及行政總裁嘅公告僅僅一分鐘後就宣布可能提交針對公司嘅清盤呈請，馬生自導自演「反轉豬肚」，正好為本欄最後一文提供花生。
古天后
筆者為證監會持牌人，未持有上述股份財務權益。
https://stockqueen.co/ZH/
https://www.facebook.com/stockqueenbb
https://www.instagram.com/stockqueenbb/?hl=en
#點止冧巴咁簡單
#最後一次派花生
#蘋果日報財經版
#蘋果精神永長存
#各位手足珍重
#好人一世平安
我喺45分鐘前出咗個post，考慮摺埋呢個專頁，結果唔使一粒鐘，喺2020年10月7日1600，剛好超過300個like，我唔知呢300個like嘅user，係supporter 抑或hater，既然平時我啲股評post都冇乜人睇，又冇人like，【古天后炒股日記】呢個專頁，喺呢個post之後，唔會再有任何update，後會無期.......
想睇我嘅專欄，請到頭條財經網、信報網站、Yahoo財經網站，以及蘋果日報睇我嘅專欄啦.....
如果想跟我學炒股令財富增值，依家我嘅秒投聊天室已經停止免費試用，直接課金入嚟聊天室啦：https://bit.ly/2BmeAhZ
立即下載秒投：https://link.stockviva.com/L9J41qUp01
對聊天室有任何疑問，可以直接聯絡秒投小編：電郵 cs@stockviva.com
注意：本人僅在 "秒投App" 及其網站內開設聊天室，本人並沒有與其他網站，或以外的平台，開設過任何通訊群組，亦沒有任何所謂的「私人whatsapp 群組」「Telegram 群組」等等，為保障大家利益，切勿加入任何類似群組。
#古天后 #古天后日誌 #頭條財經網
#麥狄文 #盤房來料 #信報網
#古天后 #天后煉金術 #Yahoo財經
#古天后 #秒投stockviva
#古天后 #蘋果早餐 #蘋果日報
#古天后 #點止冧巴咁簡單 #蘋果日報
滔搏（6110）上月宣佈已完成大股東嘅股份分派，當中持股20.2% 嘅管理層及持股16.2%嘅退休管理層已自願承諾進行股份鎖定，市場對呢批股份潛在配股嘅擔憂，較早前嘅股價 ... ... <看更多>
缸湖再見‧後會有期《點止冧巴咁簡單》呢個專欄印刷版係由舊年11月開始，由於當時正好幫蘋果財經做咗一段時間直播節目《午市急call》，有幸拍住蘋果朱千雪—Willa BB同埋唐牛 ... ... <看更多>
點止冧巴咁簡單 在 #點止冧巴咁簡單 - एक्सप्लोर करें | Facebook 的相關結果
點止冧巴咁簡單 ｜明源雲龍頭地位穩固（古天后）. 調查機構Gartner發表嘅報告指，預期明年全球公有雲服務終端用家消費將按年增18%至3,049億美元（下同），而今年則料 ... ... <看更多>