最近大家都知道我屋企多咗隻咩都覺得好好食嘅小霸王糯米雞。
佢外表同其他貓其實冇咩分別～不過佢係有病的。
後肢輕癱，大小便失禁～
有醫生同我講，佢會咁樣一世，問我係咪考慮清楚...
我望住糯米雞問咗佢一句：「你想唔想繼續喺度呀？」
佢當然唔識答我，只係『喵～』咗幾聲。
之後我開個罐頭俾佢，轉個頭就清晒，食得不知幾乾淨...
食得咁乾淨，即係唔想死...
你估佢想咁樣㗎？你估佢想日日屙到屎眼慶，日日俾我揸膀胱放尿呀？
有得揀～有邊個唔想做香菊靚仔？
但係，事情發生咗，慶幸佢執返條命仔～
只要我哋接受～
佢都可以好似其他貓一樣咁有好嘅生活，至少佢都仲係會覺得乜都好好食。
喺照顧佢期間，我學到好多以前未曾接觸過嘅嘢，今舖真係活到老學到老，諗返轉頭我應該多謝佢俾咗個學習機會我～
即使身體有缺憾，即使不完美～只要肯努力同敢於追求，殘疾人士一樣會得到屬於佢哋，獨一無二嘅快樂自主生活。而黑暗中對話基金會，就一直致力提供組織同財務方面嘅支援，支持佢哋追求教育同事業上嘅晉升同發展，令佢哋有機會展示才華同潛能，實現理想。
捐款支持黑暗中對話基金會，建設傷健共融社會
http://www.did-foundation.org.hk/donation.php
