麥當勞新餐肉好唔好食的八卦，YOUTUBE和Yahoo名人娛樂都在討論

《麥當勞叔叔食左我塊芝士...嗚呀》

「害怕悲劇重演，我的命中命中」，悲劇發生喺尋日公司樓下麥當當，案發經過是咁的...
　
● 　本身諗住一個月一次豪少少，去麥當當食個Good Morning早餐，作為一個窮L，14 蚊冇薯餅都算奢華架啦。我就叫左個賣飛佛，「芝士火腿漢堡熱奶茶拎走，唔該」
● 　我習慣一開個包，好似人地飲紅酒咁，索一索先，一個月先食到一次。一開我就覺得怪怪地，個包咁「超薄」嘅。我好似揭八婆雜誌咁，左揭右揭，我塊芝士呢？
● 　我塊芝士係唔係滲左入塊包入面？原來真係有漢堡神偷，佢仲咁「食得招積」，只撻我塊芝士。明明冇叫走芝士架，點解，點解？係唔係前面有個仆街仔叫左走芝士，我拎左佢份餐。
● 　溫兆倫話佢畀人呃左30年，魚柳bell得半塊芝士。曾經聽《口水多過浪花》，有個聽眾打上去講返大陸食魚柳bell，一揭開，芝士係得4隻角。點解我連4隻角都冇。
● 　芝士火腿漢堡「被走芝士」都算，呢個包嘅包面仲好似畀人當百潔布咁，省完鑊一樣。鳴呀，媽咪呀...
　
我知我係抵死架，話左唔食又食
　
大家記唔記得福喜事件，麥當當賣過期肉，其實只係上年7月尾嘅事。但香港人好善忘，一連7日嘅「日日開心MORE」，連續7日麥當當都人山人海。不停喺FB見到漢堡山，麥樂雞山，到底係唔係因為好好食而食咁多？定因為我地愈來愈窮，所以覺得機會難逄，所以買咁多來食？
　
我講過唔食，但麥當當好似有萬有引力，吸左我又去食。因為樣樣都加價，麥當當已經係眾多早餐中嘅窮L精選。今次芝士火腿漢堡「被走芝士」，應該係我話左唔食又食嘅報應。
------------------------------------------------
　
對上一次食麥當當食到憤怒鳥，係幾個月前食shake shake 薯條，坐喺隔離枱個仆街仔，喺我隔離shake 佢包薯條shake 左半個鐘，shake 到我發脾氣，係咪shake 得耐好食D，你答我，shake成半個鐘，shake 到我成個餐都食完仲shake 緊，你買包薯條來shake 架？薯條都畀你shake 到變骨灰啦。
　
點解呢D咁匪夷所思嘅事，我都可以咁好彩遇上？
新年我都會逗到封入漏左錢嘅利是，芝士火腿漢堡都「被走芝士」，好啦，我認命啦。
------------------------------------------------
　
附上我的麥當當奇遇：
　
《曾經，我都信麥當勞叔叔係個好人》
https://www.facebook.com/…/pb.16469531040…/269338933274453/…
　
《當朱古力新地遇上熱香餅》
https://www.facebook.com/…/pb.16469531040…/325913254283687/…

［KFC回歸香港上市］仲有我同KFC，Pizza Hut以及百事嘅恩怨情仇

1. 美國上市中資股回歸香港，一浪接一浪，唔一定要科技股　百度　網易　阿里巴巴　京東先得嘅。最新係呢隻，Yum China。

2. Yum China，可能有少數人唔知係乜東東。就係KFC同Pizza Hut．其實仲有Taco Bell　（從冇食過）。仲有小肥羊都係佢嘅—小肥羊曾經在香港上市，但私有化咗。

3. 咁你話，唔係美資野咩？KFC喎。其實原本都係，Yum China獨立上市唔係好耐，係由Yum Brands分拆嚟的，2016年尾拆出嚟。原因當然係投資者要求，覺得拆出嚟先反映到價值。拆出嚟之後，股價係跑贏嘅。

4. 咁而家Yum China，講緊200億美金市值左右。Yum Brands講緊都未夠280億。喂，中國VS全世界其他喎，可見中國市場幾咁好賺。嘩，如果十三億人個個都中產，一個星期食一次KFC，真係不得了呀！（呢類呃鬼佬嘅廢話，雷曼爆煲前我都寫過唔少）。

5. Yum China　200億美金市值即係幾多？又比較下。麥當勞，講緊1400億市值。係Yum Brands 加埋Yum China　三位咁滯，單品牌咋。之前講過嗰間Chipotle，就280億市值。Wendy’s Shake Shack　Jack in the box（全部都單品牌上市公司）之類就太細了。

6. 又，我好細個已經估KFC，Pizza　Hut同百事係同一檔嘢。因為小埃汾係可口可樂支持支，細個係唔肯飲百事的。但KFC同 Pizza Hut就偏偏只係得百事七喜，應該係有路。正如細細個我已經發現，大家樂係用維他汽水的（！）。事實就係，Yum Brands，原本就係百事嘅快餐部門。亦即係，當年根本KFC Pizza hut係百事旗下嘅公司，當然而家已無直接關係。聽聞而家澳洲KFC Pizza Hut係可口可樂的。

7. 不過其實我到而家都唔係好知，點解吉野家係用百事七喜，應該唔係同一老細，至少香港唔係，只係因為平啲？外國吉野家呢？其實我台灣同日本都有食過，但唔係好肯定係咪百事，因為好似飲烏龍茶，同埋大個咗我已經冇咗呢種堅持唔飲百事嘅執著。呼，人大咗，放棄咗幾多堅持呢。在那些開放的路上，踏碎過多少理想。呼，我曾經餐餐都要食飯添，而家開始耐唔耐cold sandwich做午飯—唔係因為健康，係因為快，同埋冇咁易眼訓。我曾經只係鍾意東亞女仔添，呼，但而家覺得鬼妹都幾好睇。

8. 講返，應該好多人知，KFC在中國做得好成功，比麥當勞成功。其中一個原因亦係因為早入，應該係87年大陸已經有KFC，第一間西式快餐店—甚至係八九六四之前。麥當然就要八九六四後先有，舊文都講過，蘇聯麥當勞仲早過中國（https://bit.ly/2V9LNUP）。KFC在大陸成功之道，除咗入得早外，都好多人知，就係十分「在地」。有粥食，有涼茶飲，仲有其他古靈精怪嘢，可以問下常返大陸嘅版友。

9. 另外有個講法話，麥當勞呢啲係外來嘢，但炸雞本身都係中國人有嘅嘢云云。我係有啲懷疑嘅。「肉夾饃計唔計先？」。另外，就算個講法成立，都係任你講。如果係麥當勞跑出，你一樣可以話麥當勞係藍海，唔使同成堆中國炸雞爭。所以呢啲企管嘢都係任你鳩up，吹下水可以，但唔好當自然鐵律咁。我都係比較相信係因為早入，同埋在地。

10. 仲有幾樣嘢我想講。首先，本人並不算特別鍾意食KFC，但其實埃汾個人Facebook有個玩意，叫做KFC全球試爆。就真係食咗幾十個國家嘅KFC。比較出位嘅可能係柬埔寨同越南KFC，另外我在京都都係有食嘅，「一場嚟到古都食啲特色嘢」（唔通食古都光咩）。舊年生日我就在暹粒叫雞（炸嗰啲）。2017年平安夜就在鹿兒島食KFC！啲日本人真係當聖誕餐的！

11. 但，信我，除非你食嘅國家多過我。本人權威地講，最難食嘅，必然係香港，沒有其他。絶非偏見，有機會做個blind test，呢樣嘢甚至係發生在我仲係幾鍾意香港嗰時。另外，for some unknown reason，韓國KFC同台灣都係比較唔掂嘅。大陸嘅反而算中間水平。

12. 而仲有，得罪人我都要講。香港KFC啲員工，真係廢撚到一個點。咁你梗係屌，收你好高人工咩，你去做丫笨（而埃汾就真係做過麥當勞，拿呢啲到九十歲都仲講呀）。但我當然唔係同咩米芝蓮三星啲女比，我就蘋果對蘋果，同麥當勞之類比。KFC啲員工，真係唔知做乜撚的。永遠我未撚講完就同我講多謝幾錢，同佢講加多個葡撻又即時當你講完，漏單之類更係常見。啲員工各自各吹水亦都固然。係呀我知，拎你雞碎咁多人工比條命你好味嘛，咁我肯撚定大陸台灣日本嗰啲好撚高人工的。所以真係唔好問點解日本人得香港人唔得。（又，在日本有返元祖味道嘅鬆餅的說，好似仲有吉士布甸朱古力布甸）

13. 呀仲有一鑊，我叫外賣，個KFC外賣仔，居然走去調戲埃汾太。自此我就唔再叫KFC外賣，改為叫埃汾太落街買—係喎，寧願佢在舖頭畀人調戲，眼不見為乾凈（講笑，其實根本冇叫過佢買外賣，原因係我唔鍾意外賣，嗰次應該某啲特別原因）。

14. 至於Pizza Hut啦喎，其實係童年回憶。埃汾屯門置樂附近某中學讀書（得嗰兩間），細個呢，如果午餐去椰林閣呢，就好高級架啦（呢間嘢居然未死，仲一度傳上市，可見香港地做生意幾咁好）。去到Pizza Hut？喂，好撚大件事架，真係溝女先去。而我冇女溝。正如我話，我大學年代，溝女去百人一朱（原諒我對百人一朱十分執著）。但我啲名校同學？屌，中學已經去百人一朱，大學去有馬去友和去水車屋。真係階級分野。

15. 但亦都好肯定，當年嘅Pizza Hut，並未變到而家咁劣食嘅。我都幾肯定唔只係細個回憶美化，或者嗰時見識少。即係同一個忌廉磨菇雞湯，你可以比較下當年嘅濃度，同埋雞仲有菇嘅數目。都唔好講價錢。

16. 至於小肥羊云云，香港都有食過（你老味嗰時旺角店排鳩你個幾鐘，訂咗位都仲要等）。但我居然又係唔記得佢係唔係百事。不重要。但想講，小肥羊就真係衝出中國，打入日本（說好了的日本人崇優），開撚到去宮古島開撚到去札幌，甚至開到去美國開到緬甸。

17. 講咗一大輪，講到啲餐廳好唔掂咁。咁但，又未必。講真，快餐店啫，米芝蓮三星咩。主要係香港嘅KFC不知所謂，外國嘅，你見我去到京都都仲會食就知身體最誠實。

18. 況且，分析員第一戒：千其唔好用你自己嘅喜好去衡量個市場。你覺得狗也不屌嘅，可能大把人食。而好唔好食，同賺唔賺錢，同股票得唔得，往往冇乜關係，甚至係負相關。《食神》都有講啦。你嘅全世界最賺錢嘅，都係麥當勞，香港就大家樂。係靠呢啲流水作業機械式生產，先將啲成本壓到最低。或者好似美心咁，味將軍集團，多品牌經營—即係Yum Brands其實都係咁玩法，拎啲百事去KFC賣咁，美心就拎美心西餅啲排包去美心MX做早餐賣—是真的！我有鑊真係見佢話冇晒排包，就去隔離美心西餅買！inter segment sales 呀！

———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。

請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。

［沒有最cheap，只有更cheap］和民都仲有得變平價版！？！？

TLDR：暗黑企管系列，和民呢啲公司，客又屌，員工又屌，股東又屌，十分極品。

經濟原文： 轉型總比結業好！日本和民居酒屋變平價燒肉店搶營業額 （https://bit.ly/36FCgLr）

1. 和民嘛，我估多數香港人都食過吧。我都係香港人，所以我都食過（咩邏輯？），應該食過四五次，每次都印象幾深刻。

2. 首先係講，本人雖則十二歲已經打飛機（冇乜特別吧？），但廿二歲先第一次坐飛機（上次寫Playboy上市有講過點解（https://fbook.cc/3GfY））．三十二歲都未去過日本。去到2015年尾（呼，咁就五年），我先因為工作第一次去日本，當時我37歲，真係輸在起跑線，人地嗰啲未擺百日宴已經去齊日本47都道府縣了。

3. 同樣地，唔使獅子山下，我細個住大西北居屋（其實住到三十歲），當然稱不上好窮，但我地個年代真係邊有咁多花臣？即係當年嘅「日本嘢」，係八百伴嘅food court，熱海麵屋（我好大過先知咩係熱海），一番唔知乜（食飯的），油淋淋嘅獅子狗（同理，我應該去到三十幾歲先知「獅子狗」呢個名係香港創作），同埋測試到八佰伴都執埋笠都未測試完嘅公仔燒餅機。

4. 到出嚟做嘢，「情況都係差不多」。嗰時在學校村教書（公開的秘密），嘩，真係晚飯去荷里活（鑽石山啦，唔通LA咩）食百人一朱，已經覺得自己好撚high（＊）。後來有個朋友，名校學生，中學已經去有馬（https://bityl.co/3pzA），呢啲就貧窮限制我想像力啦！有馬？我開頭以為佢講AV。ARIMA？我以為係Econometrics嘢。

5. 由於始終都係大西北牛屎仔（而家都仲係），見識係少啲，邊似而家啲小朋友咁未滿月已經去咗幾次日本。但無論如何，時間跳到去……我都唔係好記得，但好似04年？應該做緊蕉行，但未有埃瘋嘅年代。嗰時條女，在葵涌返工，我會去接佢放工。

6. 然後，我就去咗新都會廣場嘅，「和民」，噢耶。就係我教書食百人一朱覺得自己好撚high後不久。食「和民」，覺得自己更加high！

7. 因為啲女（其實有仔，但我只係睇女），係會踎低同你落單架！仲會重覆一次你嘅單，嗰時我真係驚為天人！喂，再講一次，嗰時係我食百人一朱覺得自己好撚high後不久咋

8. 就係咁咯，嗰個年代，覺得幾好食架。但後期呢，好似水準越嚟越差（可能食咗兩三次？），女都換埋，就冇再去食。

9. 然後時間去到2016年嘅七月，台北。留意我已經長大，去過一次定兩次日本，人生已經無憾。當時在台北，埃汾太已經辭咗工，剛開始在台北定居一年，嗰餐應該係當時在台北settle down 所有嘢，租埋屋，埃汾太開始長住，然後我返香港上飛機前最後一餐。

10. 而—我—同—佢—走—咗—去—食—和—民。

11. 我都唔知點解，但十成係我提出的，西門町嗰間。

12. 係，我同埃汾太小別（其實嗰一年幾我去咗台北廿幾次），最後一餐，係在西門町食和民。好有喜感。仲要係，完全唔撚好食的，亦冇你想像中咁平，好似兩條友食咗四五舊水港紙？完全唔知為乜。

13. 但我後來發現，有人結婚周年都去食和民（香港人呀下），又覺得冇乜大不了。反正今年結婚周年我都係同埃汾太打邊爐。

14. 然後去到2017年3月，我最後一次食和民。係在日本！

15. 嘩哈哈，在日本食和民添呀。但有幾出奇？我在日本食KFC添，唔止，我在京都食添，正所謂「嚟到千年古都梗要食啲特色嘢」，仲要係AEON入面嘅KFC。反正我在暹粒都食KFC，仲要我生日添（可惜冇柬埔寨開心姐姐同我玩遊戲），正所謂「嚟到千年古都梗要食啲特色嘢」。呢個全球試爆係特色節目嚟的。

16. 講返，做乜咁睇唔開，在日本食和民？實不相瞞，我係在長崎食的。真係「嚟到日本門戶梗係食啲特色嘢」。

17. 因乜咁睇唔開？答案好簡單，冇其他選擇。當其時應該係在福岡坐火車去長崎，但中途受阻，原地不動成粒幾兩粒鐘，我用咗五粒鐘先由福岡去到長崎。咁去到，仲有乜可以食？有乜食乜啦

18. 嗰次，就犀飛利咯。完全打破晒我對日本不切實際嘅「求其行入一間都好好食」嘅戇鳩刻板印象。絶對稱得上劣食，仲要完全係好似《食神》史提芬周咁，仆街啲冰大粒到丫，啲嘢食鹹到丫，啲位窄到丫。真係正。

19. 最重要係，唔好以為好平呀！早知如此，我去食麥當勞好過（長崎係有廿四小時麥當勞的，我點知？因為我食過咯！當然我係第二次去先知，況且第一次去唔係住嗰頭）。所以返返文首個問題，和民，應該係可以更cheap嘅。

20. 不過媽咗一輪和民，應該唔會有網友出嚟攻擊我話我有錢撚。首先，再講一次，「我唔覺得好平」。第二，聽聞在香港都好多人屌。咁人要進步嘛，當年就話食百人一朱覺得自己好撚high啫，而家幼稚園謝師宴都Omakase啦

21. 但當然仲有絶招，第三，聞說在日本，和民都係人人皆屌嘅，屌住食就另一回事。出名嘅黑心企業，完全就係《食神》史提芬周（https://bityl.co/3q1X）．搵客笨之餘，對員工又仆街—最神奇係股價一樣仆街喎，十年前2000yen，而家1000（＊＊）。

22. 舊文寫過（https://bityl.co/3q1t），客戶，員工，股東，多數是但死一辦。搵客笨，員工同股東掂嘅，李嘉誠咯，住過鑽石廳食過油魚就知。搵員工笨，客同股東掂嘅，大把，麥當勞，亞馬遜。有冇搵股東笨，但益客同員工架呢？好似好反智，但係有的！一大堆咩共享經濟科企公司咪係。BTW，UBER嗰啲司機，唔係「員工」呀下，正如送外賣啲南亞仔都唔係「員工」。咩係員工？你應該讀返金融101，或者訂下埃汾啲文（https://bityl.co/3q27）

23. 好似和民呢啲，客戶，員工，股東齊齊輸嘅，相當少見。

24. 結論？就梗係，做人，要企啱位。做誠哥嘅員工，麥當勞股東，UBER嘅客。好人一世平安。掉轉？做亞馬遜嘅員工，長實嘅客，外賣仔嘅股東，永不超生

25. 有冇客戶，員工，股東齊齊贏？其實冇乜，你大約諗到，之所以有個不可能的三角，因為三者係真係有啲衝突。唔上市還好（例如Instagram未賣畀Facebook時），上左市嘅，真係相當難，暫時我可能諗到……NetFlix．

（＊）好似吳宇林啲乳鴿咁，「百人一朱」係本人常提嘅嘢，signature 是也。例如呢篇（https://bityl.co/3pym）同呢篇（https://fbook.cc/3GfZ）

（＊＊）十分神奇地，2008年第四季，和民股價係勁升的。2008年第四季發生咩事？唔係唔知下話，咪雷曼爆煲金融海嘯，結果股價逆市勁升。可能因為「消費降級」？

----------------------------
Ivan Patreon 狼耳街華人，一星期至少三篇港美市場評點，其他免費好文推介，每日一圖，仲有FB Page post summary．一個月一舊水唔使，開張兩個月已 600人訂，仲有兩篇免費試睇：https://bit.ly/31QmYj7

------------------------------------------------------
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145

使徒Facebook：https://www.facebook.com/MoChan1203
=====================================================
芝味蘑菇安格斯 $33.8
狂惹火辣脆雞 $31.8
清新田園烤雞 $31.8
=====================================================
【M記】:
麥當勞全新The Signature Collection，嚴選100%特厚安格斯牛肉、Buttermilk脆雞、
香烤雞腿，以及眾多上乘配料，將熱誠貫注喺每份食材，用心為你創造不同凡響嘅滋味，
精心炮製出啖啖回味嘅優質漢堡。
=====================================================
推薦飲食影片：
【阿元來了】https://www.youtube.com/watch?v=o9OyvBWIv0k

【囍碟 Hei House】https://www.youtube.com/watch?v=IRRQGF9fBJQ

【一門】https://www.youtube.com/watch?v=k7eubQiI4_s
=====================================================
★影片目的
識食之人【使徒】同你一齊去試食，搵食，食古靈精怪既美食，好食，唔好食，中伏都話你知～走遍港九新界，發掘更多飲飲食食再同每位Share,係美食天堂還是劣食地獄都好，就算你行唔開去食，只要參閱識食之人，睇左當食左～而家我地就一齊起行識飲識食～做個識食之人～有咩搵食，美食，好食既同意見，都歡迎你講低～～感恩！
=====================================================






Keywords：
麥當勞，My Signature Collection，快餐，美式 ，芝味蘑菇安格斯 ，狂惹火辣脆雞，清新田園烤雞，識食之人，飲飲食食，美食，搵食，好食，試食，伏食，試食vlog

【平民價足料雲吞雞 小菜半份勁多款】
雲吞雞燉湯$49燉足6個鐘，好入味，仲雞脾咁大舊肉！
小菜可以半份咁叫，簡直係單身飯堂～
一個人都可以食多幾款餸，價錢最平$19半份都有～
我今次6個人食左18款餸！！！有燉湯有飯～
夠7個人食既，人均唔洗一百，性價比好高～～
新蒲崗黎講乾淨坐得又舒服～好食～
____________________________________
ლ(◕ω◕ლ)跪求更多有心人幫忙提供字幕：�http://www.youtube.com/timedtext_cs_panel?tab=2&c=UC_1nPGQdXmjWGSwL8QAmQOA

舊影片會慢慢加上字幕，想睇記得按「選項-字幕」 呀

===============================
椰子雲呑雞 $49／花旗參螺頭雲吞雞 $49
蟲草花雲吞雞 $49／雪梨雲吞雞 $49
姬松茸雲吞雞 $49／翅頭螺肉雲吞雞 $49
一人份量

黄金四季豆 $24／銀芽鱔糊 $39／蝦子鍋塔豆腐 $29
大蔥紅燒肉 $34／蒜香孜然排骨 $34／酸辣土豆絲 $19
紅燒小黄魚 $39／紅燒獅子頭 $31／松子雞米 $32
麵根毛豆双冬 $29／老干媽花生芽炒牛栁絲 $34
蟲草花肉絲老燒蛋 $24
以上全部為半份價錢
全日免收加一

＋本片只反映餐廳當日品質,價格及優惠＋

嫲嫲雲吞雞 (新蒲崗)
新蒲崗崇齡街67-69號崇齡大廈地下7號舖
===============================
銅鑼灣居酒屋推介
https://youtu.be/i3W_VKw-hGI

【一周年: 食麥當勞最巨型漢堡】
https://youtu.be/vXThUftzWZY

元朗首間磯燒放題$178 任飲蘋果酒 再送海鮮拼盤
https://youtu.be/IZEoCMjwf5U

Vlog-復活節迪士尼一日遊
https://youtu.be/KPFYQkZ0_qA
===============================