睇住隻德國咸豬手出爐，真的好治癒！
AF焗製方法： 200度預設時間50分鐘，實際時間可加可減，要靠自己目測，先焗10分鐘打開AF，底面掃一層麥啤，關門再焗多10分鐘，再次掃上麥啤，關門焗埋餘下時間，途中可翻豬手一次。（其實唔用錫紙墊底，豬手可以唔需要翻都可以。）
製作過程跟之前水波爐版沒有分別，所以分享舊食譜俾大家參考。
#麥啤德國咸豬手
［烚豬手材料］
咸豬手 1隻
香葉 4片
白胡椒粒 1茶匙
白醋 2湯匙
［醃料］
麥啤 450ml (一罐500ml, 留50ml掃豬手）
香葉 2片
做法：
1, 先預備一鍋水，將香葉、白胡椒粒和白醋先加入水中，水滾後加入豬手，水位需過豬手。
2, 先用中細火煲10分鐘，之後轉細火煲35分鐘。
3, 熄火後將豬手浸冰水，直至豬手感覺冰冷。
4, 用廚紙索乾豬手水份。
5, 用豬肉針拮豬手皮，拮得越多孔，豬皮就越爆花。
6, 再用廚紙索乾豬手油份。
7, 用一個大密實保鮮袋加入［醃料］和豬手，可直至封口或用一盤水放入密實袋，水不能過封口，慢慢排出密實袋多餘空氣後封口。
8, 用麥啤浸豬手六小時左右，有時間可浸耐一點，無時間可減小浸豬手時間。（請放入雪櫃保鮮。）
9, 焗前一兩小時，從密實袋取出豬手，用廚紙索一索水份。
10, 豬手可再次放入雪櫃，不用包保鮮紙，利用雪櫃冷風吹乾豬手表面水份或室温吹乾一小時，如選擇雪櫃吹乾，請回温15分鐘先入焗爐。
11, 焗爐預熱爐溫220度， 時間設1小時。（AF200度預熱3分鐘，網層掃一掃油防痴豬皮。）
12, 先焗15分鐘，取出掃上麥啤，再焗15分鐘。（AF10分鐘）
13, 15分鐘後（AF10分鐘），再一次掃上麥啤，爐溫轉230度再焗15鐘。（AF10分鐘）
14, 最後15分鐘請目測效果，決定加時間是否加時定減時間。（AF中途翻一翻豬手，如網底層唔鋪錫紙，可以選擇唔翻豬手。）
15, 上碟後可配上自己喜歡的蔬菜或配菜。
