Search
【睇片送禮】 而家啲散銀越來越難用，太多散銀又唔知點處理好？《Z世代達人》麥卓華有個好介紹俾你！
睇片估埋片入面袋散銀總值幾多錢，最快估中又或者估得最接近嘅一位，就可以得到$100超市現金券以及精美水杯乙隻。
參加方法好簡單，只要將呢條片share出去再tag三位朋友，跟住留言講低你嘅答案。遊戲將於12月6日中午12點截止，答案及得獎者會於當日公佈。
HEYCOINS #Z世代達人
恒生推出外幣提款機服務，唔駛去銀行排隊，只有要提款卡就可以喺櫃員機兌換到12種外幣，有幾方便？等《Z世代達人》麥卓華試下先！
*睇完條片答埋問題，最先答中又或者最接近嘅朋友，除咗可以得到麥卓華手上嘅禮物之外，仲可以得到$50 Starbucks現金券。答案將於下星期三節目內公佈。
#Z世代達人 #麥卓華 #恒生銀行 #恒生銀行外幣提款機 #外幣提款機 #外幣
由上星期開始，陸續上電台做訪問，宣傳新歌《#三百呎環遊世界》！多謝 Metro Broadcast 新城廣播有限公司 #程凱欣、#麥卓華 原來生活好快樂 邀請 🙇🏻♂️🙏
Miss咗可以去呢度重温：https://bit.ly/BenMetro0623
睇MV呢度 🎬 https://bit.ly/Ben300ftMV
各大音樂平台熱播中 🎶 https://bit.ly/300ftTravelWorld
#新歌上場 #袁學謙 #BenedictYuen
#AppleMusic #Spotify #MOOV #JOOX #KKBOX #YouTubeMusic
小米 Xiaomi 生態圈旗下嘅華米，喺 2020 年 CES 發佈咗全新軍事級三防智能手錶 Amazfit T-Rex。驟眼睇 Amazfit T-Rex 真係好似 G-Shock 系列嘅手錶，除咗夠型之外，仲獲得 12 項軍規認證，抵禦極端嘅環境，可以喺低至零下 40 度到高達 70 度嘅高溫正常操作，防水深度亦都達到 50 米，配合內置嘅雙 GPS 定位，由一般做吓行山到攀山越嶺嘅運動，都絕對應付得到。
Amazfit T-Rex 採用咗 1.3 英寸嘅 AMOLED 炫彩屏幕，而且支援全天候顯示，一般正常使用嘅情況之下，充一次電就可以用到 20 日，唔使成日掛住充電，相當方便㗎！
由於 Amazfit T-Rex 採用自家開發嘅系統，只要配合相應嘅流動應用程式，無論你係使用 Android 手機定係 iPhone，都以配合使用，由接收手機嘅通知，到流動支付都完全無問題！另外，呢隻智能手錶內置咗 14 種專業嘅運動模式，好似喺泳池遊水、公開水域游泳、戶外跑、甚至三項鐵人都一樣支援，仲可以監測運動嘅心率同埋統計運動嘅時間數據，增強運動嘅安全性同埋效果。
另外 Amazfit T-Rex 仲內置咗華米自家研發嘅 BioTracker PPG 生物追蹤光學傳感器，可以喺日常廿四小時無間斷咁監察心率，絕對係健康嘅好拍檔。
Amazfit T-Rex 喺內地已經推出咗，5 款顏色嘅選擇，賣緊民幣 799 元，想信好快就會喺香港及其他地區發售
《Z世代達人》
麥卓華
G-Shock Smart Watch 2020 - G-Shock推出咗全新嘅 G-SQUAD GBD-H1000 ，比對Amazfit T-Rex 及 Garmin系列嘅智能手錶，GBD-H1000支援太陽能充電以及心率測量，仲有GPS功能，配合 G-Shock Move App，手機訊息提示都可以在 GBD-H1000上預覽。今日就同大家做個 GBD-H1000 開箱測試！
Casio 嘅 G-Shock 系列一直深受歡迎，但係去到智能手錶嘅領域，Casio 一直就用 Protrek 系列配合 WearOS 掛帥，而且款式唔多，G-Shock 迷都有啲失望。G-Shock 近日推出咗一系列嘅智能手錶，唔知又會唔會啱 G-Shock 迷嘅口味呢？
要介紹嘅就係呢款 G-SQUAD GBD-H1000 系列嘅 G-Shock 喇。秉承一貫 G-Shock 粗豪嘅風格，GBD-H1000 以招牌大錶面做生招牌，戴上手手感舒服，亦都相當型仔，除咗我手上面嘅全黑色之外，仲有另外三隻顏色選擇。200米防水、「襟」撞呢啲 G-Shock 基本功能就唔洗我多介紹，等我拍埋之前大熱款 Rangeman 俾大家睇睇......
有別於傳統嘅 G-Shock，GBD-H1000 配上反白點陣錶面顯示，配合背光嘅 LED 燈，更靈活顯示時間同埋唔同嘅資訊，相信係 G-Shock 系列智能錶嘅新標準。操作方面亦都同之前嘅 G-Shock 有啲唔同，以左面上、下兩粒掣作為選擇嘅選項，左面中間嘅大掣就係確定，操作似以前嘅功能手機，戴慣 G-Shock 嘅朋友可能要重新適應喇。另外，呢個系列亦都支援太陽能充電同埋 GPS 訊號接收，我哋都會為大家測試同埋介紹。
GPS 其中一個用途就係可以作全球對時，正常喺夠電量同埋室外陽光充足嘅情況之下，隻錶都可以自己以 GPS 較正時間，亦都可以人手，用 GPS 做對時個喎⋯⋯ 搞掂喇！
GBD-H1000 系列可以連接電話使用，換上咗新推出嘅 G-Shock Move 手機應用程式，而唔係用之前嘅 G-Shock Connected App，功能上亦有所提昇。等我下載呢個手機應用程式先！打開應用程式，就要先設定 Casio ID，都係輸入番簡單嘅個人資料，確認埋電郵，OK 喇！跟住就按畫面嘅指示，長撳手錶嘅左上掣，喺 Menu 揀番 Pairing、再撳 Connect，喺手機畫面再揀「新增」，咁就連接成功！第一次使用嘅時候輸入埋身高同體重，咁就用得！另外，手錶接駁咗手機，亦都會通過手機嘅時間作對時之用。
相信最多朋友關心嘅，就係 GBD-H1000 嘅訊息提示功能喇。當你接駁咗手機之後，當你嘅手機有提示訊息收到嘅時候，手錶就會同步收到相關嘅提示預覽，再入去就可以睇到訊息嘅詳情，繁體、簡體都一樣無問題㗎！另外，如果收到電話，呢隻錶亦都會發出提示接聽，雖然功能唔及 Android 嘅WearOS 同埋 Apple 嘅 watchOS 強，不過作為運動型嘅智能錶同埋日常使用，都足夠有餘啦！
好多朋友都鍾意戴住 G-Shock 做運動，究竟呢隻錶喺呢方面嘅功能得唔得呢？而心率測量嘅功能又掂唔掂？電力又夠唔夠呢？ 等我試多幾日，下集再同你講！
《Z世代達人》
麥卓華
3 大電訊商 CSL、3香港 同埋 中國移動香港 都喺 2020 年嘅 4 月 1 號 同步推出咗 5G 服務，為香港嘅電訊業揭開新嘅一頁。究竟 5G 有幾快呢？邊個台嘅覆蓋會最好呢？今日就同大家試吓！
喺 4 月 1 號開台之前，我已經準備好 Samsung Galaxy S20 Ultra 5G 手機，配合開通咗 5G 服務嘅 SIM卡。呢部手機嘅開箱同埋使用介紹將會喺另一條片同大家介紹，今日就先用呢部手機試吓全新嘅 5G 網絡
首先同大家睇吓三個台嘅覆蓋喇。CSL 喺網頁指出，開台初期 5G 只會集中喺重點地區提供，我就試過由北角揸車向上環方向，要過咗中央圖書館之後先至有 CSL 5G 嘅蹤影，九龍區方面，尖沙咀到旺角都有覆蓋。
和記 3HK方面，之前兩次記者會都係重點介紹開台時候嘅室內覆蓋，我就只有喺中環交易廣場入面先收到 3HK 嘅 5G，就算喺正中環德輔道中3香港專門店附近，都一樣收唔到 5G 喎，問過佢哋嘅職員，原來 5G 初期就只有喺佢哋合作嘅商業大廈，同埋商場有覆蓋。
比較意外嘅就係 中國移動香港 喺主要嘅測試地區，包括新界西、黃大仙、觀塘等等都一樣有覆蓋，雖然中間有時會跌翻落 4.5G，不過整體都算係一個完整嘅網絡，手機大部份嘅時間都見到有 5G 嘅信號。所以覆蓋方面，中國移動香港就贏曬喇！
跟住講吓速度喇！首先我哋喺 3 個台都有覆蓋嘅交易廣場，睇睇實際嘅測試速度先！CSL、3香港 同埋 中國移動香港 嘅 5G 都有覆蓋，CSL 嘅速度上到三百幾 mbps，3HK 同埋 中國移動香港 就大約 200-30mbps 左右。留意 CSL 嘅 Ping Time，喺呢個位明顯比其他兩個台低，訊號強勁。
喺中環區，CSL 同埋 中國移動香港 嘅專門店其實都有覆蓋嘅，一齊嚟睇吓比較喇！由於室內嘅收發器相信就係喺專門店入邊，速度都相當唔錯，中國移動香港 更加做出咗過 500mbps下載同埋 120mbps 上載嘅佳績，而 CSL 都有接近 500mbps 嘅下載。大家可以留意，CSL 嘅時延再一次比 中國移動香港 低。
由於 3香港 喺大部份戶外嘅地區都未有覆蓋，我就喺灣仔街頭同埋尖沙咀西九龍附近，以 CSL 同埋 中國移動香港 做吓速度嘅測試。兩個台喺呢兩區嘅速度都差唔多，不過時延就以 CSL 優勝。
跟住嚟到無咁旺嘅黃大仙，呢度只有 中國移動香港 有 5G 嘅覆蓋，不過中移動都絕無欺場個喎，喺黃大仙兩個唔同嘅地點都有唔錯嘅表現。睇埋喺深井區嘅屋苑入面嘅表現先，喺近窗嘅位置做測試，中國移動香港 嘅 5G 都可以做到超過 100mbps 嘅下載速度，比起 4.5G 嘅 20mbps 唔夠，速度快咗幾倍。
根據網速測試嘅表現， CSL 同埋 中國移動香港 可以講係叮噹馬頭，網速接近，不過 5G 嘅時延喺今次嘅測試，就以 CSL 較為出色，CSL 喺今次網絡速度測試方面就贏番一個回合喇。
今次嘅測試都只係能夠表現到各個台喺提供 5G 服務初期嘅表現，相信無論係覆蓋、網速同埋穩定性方面，都會不斷改進。3 個台都表示，2020 年底就可以覆蓋香港大部份嘅地區，我哋將會繼續同大家跟進同埋測試，記得留意喇！
《Z世代達人》
麥卓華
#5G #香港5G #5G開台
... button to track updates in Player FM, or paste the feed URL into other podcast apps. gadgetmen2015 主持：李碩宏/ 麥卓華/ 魏志豪. ... <看更多>
麥卓華 在 #麥卓華- YouTube 的八卦
【名人訪談】自主人生[精裝版] - 程凱欣麥卓華| 嘉賓: 樂婷媽媽Jessica · 程煮播（程凱欣）. 程煮播（程凱欣）. •. •. 245 views 5 months ago. 45:27 Now playing. ... <看更多>