大眾踩單車🚴♀️ #屯馬線
第2站 初試 #大水坑站 --> #科學園
未開屯馬線 都唔知大水坑可以踩單車同有單車租………
趁開學課程仲未好緊張，去玩左先~~ Go Go Go 🚴♀️
由大水坑站B出口出黎，行十分鐘就會見到個單車公園, 可以租單車 (因為有幾個轉彎位，我畫左個路線途俾大家參考一下( 我第一次行錯左去大水坑村個邊 🥴 )
單車公園入面有好幾檔租車, 我無特別去格價。朋友揀左「鴻運 」
大人 $ 60 小朋友 $40 全日 (超抵呀, 之前去九龍城1小時都唔止呢個價)
還車除左大水坑，仲有大埔或大尾督添架，不過就要加番40蚊一架 (因為要運番D單車返黎) 我覺得都OK合理既~
呢間單車哥哥仔都幾好人，有問必答，仲好有笑容。 單車都幾好踩，幾順。不過我揀呢款就重左小小。
租車公園開放時間：9:30am ~ 6:30pm
單車徑主要沿著海邊，出左單車公園正門向左踩，就會去到科學園
沿途風景好靚，雖然有D曬位，但都有唔少樹蔭位, 仲有海邊既涼風吹過黎，幾正架😁
最正係有幾條單車隧道，衝落去個下超爽 (上黎個下就唔好提啦~😜)
星期日下午3點開始踩，人流比想像中少呀，一D都唔覺擠迫。
每隔一段路就會有D休息區，有位坐下飲水，休息下，仲可以影幾張長腿相~😂😂😂😂
我地踩下停下，影下相又休息下，唔使一個鐘就到左科學園
科學園入面有D CAFÉ 可以食下午茶 (單車仲可以泊係餐廳出面架)
不過今次太晏，我地就去左科學館入面既CIRCLE K 買野飲算 (價錢比出面貴少少)
還車時問過單車鋪，原來踩多十幾分鐘就可以到大埔海濱公園，下次黎踩又有新目的地啦~
大眾踩單車🚴♀️ 屯馬線
第一站 #宋皇臺站 重溫：https://bit.ly/3jOp3GE
#踩單車 #大水坑 #親子好去處 #抓住暑假的尾巴 #單車公園 #親子活動 #單車公園
鴻運 租車 在 鴻運租車的問題包括PTT、Dcard、Mobile01，我們都能挖掘 ... 的八卦
鴻運租車 的問題包括PTT、Dcard、Mobile01，我們都能挖掘各種有用的問答集和懶人包. 書中字有黃金屋 問題的答案無所不包論文書籍站 鴻運租車. 鴻運租車. 除了鴻運租車 ... ... <看更多>