話說，我屋企人知道我唔係好得閒，
同埋唔係無生意之後，
幾日前當我哋商量新年日喺屋企食乜嘢時，
佢哋話：「唔好搞你公司啲盤菜嘞，
不如訂龍門吖，
啲網友話龍門盤菜好得意，
食極食唔晒㗎。。。」
於是，我就上網訂龍門盤菜，
送貨地址寫阿爸阿媽屋企，聯絡留阿媽電話，
我payme付錢，
whatsapp入數証明畀龍門個電話號碼作實，
我仲俾漏咗$100送貨費，
又再多入一次數。
今晚我7點幾返到屋企，
見到有對男人皮鞋喺門口🧐🧐
入到屋我連手袋都未放低，
阿媽就叫我揸機影相，
影佢哋新年收外賣。。。
個外賣哥哥西裝骨骨，
著皮鞋，戴黑色口罩，金毛嘅？
送盤菜點解有Le Maison du Chocolat？
原來係張俊傑親自送盤菜，
仲送粉紅色名貴朱古力，
氹到我阿爸阿媽鬼咁開心，
佢哋個樣，肯定開心過我親自捧個盆菜返嚟 😂😂
其實，我偷偷哋訂盤菜，又唔同名又唔同電話，
呢個老闆竟然會睇payme slip知道係我訂??
咁都associate 到張單，有無搞錯？
有人勤力過我，工作狂過我，
做嘢親力親為過我 -
呢點係同張俊傑合作以來，
唯一令我最不爽的地方！
唔得，2021，我要同佢鬥過！
內鬥從此掀起！
講返個盤菜，好足料，
我阿媽好心機，將鮑魚用生菜墊，
仲分開整多個龍蝦伊麵，
搞到個傳說中嘅無底盆菜，
更加食唔晒。
喂，張生盒Le Maison du Chocolat係送嚟俾我㗎，
阿媽你咪同我爭。。。朱古力！
#多謝 @張俊傑 @龍門冰室/瓏門冰室
#新年禮物 #Lemaisonduchocolat
#龍門盤菜 #食極食唔晒 #我媽真欣賞
#老闆送貨唔夠你玩 #我要努力啲
#happynewyear #生意興隆
