【第一次外國睇電影節 X 現場獻唱超經典《#新世紀福音戰士》主題曲！😍】
成日去外國睇戲，電影節就確係第一次。今年係第一屆 #愛媛國際電影節，打頭炮就係播返1997年嘅《新世紀福音戰士》劇場版，當然都順手幫今年上映嘅新劇場版大結局宣傳。劇場版或者好多人睇過，最勁都係搵埋高橋洋子現場獻唱，喂大佬，呢個堅係集體回憶！
一聽主題曲成身毛管戙，原來轉眼間已經廿幾年，當年唔明佢做緊乜但都集集追，睇佢超暴力城市戰，細細個睇係正嘅，毒撚之間都會問過人生的抉擇，有得揀，綾波麗定明日香？唔準諗，即刻答！😏
片初演唱會長達個半鐘，除咗主題曲，仲有幫配樂填上歌詞，聽時回憶逐格湧現，夠勁夠代表性歌，真係會代表到某段回憶，令你成世都記得！呢個gimmick都做得好好，成功帶到氣氛都做到勢，明顯好多觀眾都係為聽歌而來。
值得一提係，個場係「松前総合文化センター」，相信係當地文化中心一類場地，初時覺得好似太空曠，估唔到音響效果都幾立體細膩，幾場大戰音響效果絕不比戲院失禮。
事前嚟過一次四國好鍾意，就係差愛媛未去，今次睇戲順便去埋，叫做完成埋四國喇～stay tune
想知更多關於愛媛國際電影節（EIFF）同旅遊嘢，可以睇呢度：
關於EIFF(中文)
https://eiff-jp.net/info-cn/
上映作品(中文)
https://eiff-jp.net/category/cn/films-cn/
愛媛國際電影節網站(日文)：https://eiff-jp.net/
愛媛縣觀光網站：https://www.visitehimejapan.com/zh_TW
同時，想知更多愛媛旅遊資訊，都可以like埋佢哋page：
Visit Ehime HK - 點解愛媛咁好玩
❗第6屆「晞。觀影記事」讀者電影投選結果已揭曉，請即睇：http://bit.ly/2R1RkL7
‼最後機會‼小弟執筆之原創小說已賣剩最後一批，售完即止，請即訂購：http://bit.ly/2PKXYFA
【IG請follow】www.instagram.com/travelerwithmovie
高橋洋子現場 在 [閒聊] 高橋洋子：至今仍每天練殘酷天使行動綱領- 看板C_Chat 的八卦