《好明顯， 純情嘅唔係個女學生，係光頭副校》
經過幾日新聞嘅briefing，大家都知「保良局副校與女生爆婚外情 密照情慾私訊瘋傳」呢單新聞啦。睇到呢個新聞，我會問：「到底個副校係點成為副校？佢真係無腦架喎」。
首先，睇完av 都會clear browsing history 啦，殺完人你都抹指纹啦。包二奶點會合照？我係校長，我會好似edison 咁，我影佢，唔畀佢影返我。
其次，結左婚有頭有面包二奶，唔想俾人知緊係扮單身啦，要唔要咁誠實話俾人知你真名真職業？衝上雲霄陳慧珊都用假名溝sam哥啦。玩ocamp人地問你邊間U，你都話隔離個間啦。如果我係校長，我唔會俾你知我係校長，頂盡我扮校工。
學子華話齋，你游游下水尿急，緊係走去隔離個pool 屙啦。校長想溝學生妹，你其實唔好搵返保良局轄下中學，搵另一個pool 嘅學生先減少到出事嘅機會。
我信光頭副校係「中年危機久旱逢甘霖只怕不再遇上」地愛上個女學生，光頭副校係「我墮入情網」，個學生就「笑笑看看你，像是望著獵物」。光頭副校真係太「純情」，到底一個中年人要幾自信幾dry，先會信個靚妹真係鐘意自己，唔通個靚妹鐘意你個頭反光咩？
又到底光頭副校幾迷戀個女學生，敢冒家破人亡，份工無埋嘅風險，幫個靚妹睇考評局資料。個靚妹叫你睇考評局資料，其實你可以hea佢，點會真係幫佢check 咁豬兜，個靚妹點confirm 你有無check。
※※※※※※※※※※※※※※※※※※※※
女學生當溝副校係課外活動，而且只係one of her課外活動sss。學生妹用自己個人來換錢換考評局資料。個女學生同時溝幾條仔，佢其實係同馬雲個alibaba平台一樣，同一時間進行n單交易，今次真係太multi-tasking所以出事，失手畀人爆大鑊。女學生換取經驗，擇日再上路，但副校除左黃泉路，真係唔知可以去邊度啦。
※※※※※※※※※※※※※※※※※※※※
光頭副校「為人師表」竟然XXX…
「為人師表」係等如剝奪「犯錯權利」終身，光頭副校錯不在「為人師表」，佢錯在唔用腦。又或者咁講，唔好expect老師太多，佢地跟本就唔係大家想像咁「聖母瑪利亞」。
