今天, 12月30日, 是我和老婆結婚半周年紀念日.
其實老婆根本對這天不甚了了, 渾沒在意這是我倆的的第180天新婚.
但是, 我依然想給她一個驚喜, 因此我放工後便四周物色禮物.
我到了LEE GARDENS, 我有兩小時的購物時間.
先旨聲明, 我不是想炫什麼富, 但我寧可自己慳著點, 也想在能力範圍內, 買最好的給我最愛的女人.
倘若你依然覺得我是炫富, 請瀏覽拙文如太興婆婆或大快活父子, 我也有炫窮的時候.
你便當這是一篇SHOPPING記吧!
我到了CHANEL, 排隊.
俾錢買名牌先要排隊, 等候呼召入內, 沐其皇恩, 其實都幾攪笑.
好不容易被'召喚'入內, 我得到一位友善店務員TINA的款待.
她問我想買點什麼, 其實我也不知道要買點什麼!
我只想買一些老婆所欠缺的.
TINA很好人, 拿了很多給我看, 有時更親身示範揹法, 差D仲打埋跟斗......
言談間, 才知TINA也喜歡看我的文章.
我向她說:
'今天啱啱係我同老婆結婚半年, 所以想買D野送俾老婆.'
她頻說我很錫老婆.
其實, 我很想告訴她:
我以前, 也曾傷了不少女人的心, 做錯了很多事. 大徹大悟後, 今日我才懂珍惜與老婆的關係.
很想對以前被我傷害過的人, 說聲對不起.
更加想對現在身邊的老婆, 加倍珍惜.
沒有幫襯, 離開CHANEL, 但感激TINA的盡心盡力 沒有介意我混吉!
旁邊, 是HERMES.
不用排隊.
內裡, 卻發現沒有擺放什麼手袋出來, 不是說HERMES以手袋馳名嗎?
問SALES, 她問我要什麼款.
我哪裡懂得?
突然, 我記得老婆近來得閒便瀏覽一個女仔的BLOG, 個女仔和老公住淺水灣, 著衫好識MIX & MATCH的.
有一幅相, 我有點印象, 我記得個女仔拿著一個手袋, 幾好看, 就係HERMES既唔知咩BELKIN, 個名好似ROUTER牌子的......
同SALES講, 她說應是BIRKIN才對, 我想學詹SIR說'差唔多姐'......
但她講全港無貨了.
SHIT!
又係沒有幫襯, 離開HERMES, 開始諗今日會唔會四圍混吉!
行番出商場, 赫然記得香港都有D類似米蘭站的東西, 當中賣野有新有舊.
兜下兜下, 見到羅素街有間叫BRAND OFF嘅SHOP, 在TIMES SQUARE附近.
入面, 竟然有好多HERMES BIRKIN, 仲咩COLOUR都有!
我好白痴咁問佢地:
'係咪真貨黎架?'
明知答案人家一定答係真架啦, 但依然要問, 老婆話我弱智的確無錯!
我選咗橙色, 因為隻色SMART D, 又似番HERMES嘅THEME COLOUR.
臨俾錢時, 有少少想縮沙, 因為都幾貴.
而且, 打算暑假都同老婆去那邊旅行, 在當地買會便宜得多!
但又心諗, 以老婆性格, 到了當地一定死都唔入HERMES, 死拉我走, 一定買唔成!
因此, 寧願貴D係香港買, 不要平D在當地無得買!
回到家, 老婆見到個袋, 又鬧又笑......
佢話要收晒我的信用卡, 又要我勾手指尾應承不再私下買野給她, 否則格殺勿論!
我對她說:
'男人要揸車, 女人要揸袋. 我和你, 各揸一樣!'
她給我弄得哭笑不得.
老婆呀, 我以前負了太多人了,
今天, 我成熟了, 我要對你愛護一世.
再負你的話, 上天必不容我,
到時, 唔好話揸車OR揸袋,
揸兜就有我份!
而且, 我也不知我能活多少歲,
便襯我還在此,
還有能力之時去買些須東西給你,
這都是我甘心情願的!
別人說我炫富,
不如說我要炫妻吧,
因為, 我要令我的老婆發光發亮!
香港shopping便宜 在 [問卦] 香港以前為什麼被叫做購物天堂- 看板Gossiping 的八卦