中五放榜個年，我唱完通宵K返學校拎成績，17分。
化學科老師走埋嚟同我講，放心啦你夠分，一定原校升到。
結果因為我得罪過兩位老師，佢地收咗三個低分過我既人都唔俾我留低。
一個係我班主任，因為我做year project時研究「黑社會」，佢話佢個班係理科班，但一組做理科題目既都無。我可是非常認真的，訪問過退休大佬又去咗三合會博物館（係，香港有三合會博物館的，差佬開的）。
另一個係體育主任，因為我退出游泳隊踢足球隊。我學屆游水從來攞唔到獎，但計人頭參賽有團體分，佢唔係覺得我游得好，純係需要我贏團體獎。我決心踢波，佢警告我，會考唔夠分唔好返嚟求佢。兩年後我考到入屯門區隊大後備。
當日收生名單公佈，我戲劇性地由頭到尾碌咗個List兩次，先肯定真係冇自己份。一時之間未識接受，唔識驚唔識傷心，直至離開時，校工興致勃勃咁問我「考成點呀」，我答佢「冇喇...」步出校門淚水就忍唔住，但隨即要撲學校了。
個晚我聽住周杰倫嘅歌，喊得好慘。最主要係我冇諗過，冇諗過要走，冇諗過要離開5年來嘅地方同同學。Clockwork Orange講過，咩地方留得耐，走既時候都會有啲唔捨得，即使係監獄都一樣。
更重要係，我覺得係世界末日，覺得自己一敗塗地，覺得自己要去Band 2學校升讀，好廢。
我改咗英文名，一向睇唔起啲中學雞成日改英文名，但我改咗。我搬咗屋。我轉咗去一間基督教學校升讀。
但結果跟住個兩年，係我最開心同最滿足既校園生活。
到咗高考時得asso Offer，甚至Retake咗一年為咗升大學。因為父母十幾年嚟都話，對我唯一要求係Degree畢業，我做咩唔會管我，亦不求我飛黃騰達。
一年後的確有大學offer，可惜當時已經誤入歧途，認定咗要入演藝學院。
時至今日，社會混亂不堪，冇咩路係安穩架喇，你大學畢業咪一樣要俾政府強暴。如果要做乜都無立場無立場無立場嘅狀元，我情願祝福你可以同我一樣走條崎嶇路。
勵志，唔係話俾你聽，努力就一定掂。而係話俾你聽，你努力咗最後唔掂，其實都唔係咩一回事。
廢青們，正因我同你地一樣都係咁樣走過來，我敢講即使第日我家財萬貫，我都與你們同在。
P.S. 有人話我尋日價值觀唔正確，我同你講認真時驚你跟唔上啫。
香港黑社會名單 在 及黑社會和勝和社會結構怎樣形成呢 - YouTube 的八卦
... 名單 （b）父母是是 黑社會 成員，子女都是（c）有否互換互助及提供有組織行為，這些反應你是不是 黑社會 成員，如你是 黑社會 ... 香港 01•185K views · 1:14. Go ... ... <看更多>