《香港寬頻奇遇記》
我租左個工廈單位，用嚟做Studio。
因為工廈係商業用地，如果要申請寬頻，就要用公司名義。
簡單嚟講，要上到網，我首先要開公司、開公司戶口同預備報税。
於是我搞左成個月文件，先申請到寬頻。
可想而知，當我終於等到裝寬頻嗰一日，內心係有幾咁興奮，嗰晚我無瞓過，晨咁早就出門口，自己Call車搬電腦返Studio，準備迎接互聯網，雖然好眼瞓，但我滿心期待，喺Studio坐咗幾個鐘。
點知都未見到拉線師傅，香港寬頻就突然打嚟：「先生你好，你申請咗寬頻服務，想同你約返時間，下星期搵師傅上嚟拉線。」
我心一怯：「吓？一早約好左，今日拉線喎！」
個女職員：「冇約過喎，你知唔知幫你跟開嗰位同事叫咩名？」
其實，我之前就係同呢個女職員約時間，但係口同鼻拗，我都奈佢唔何，因為佢從來冇講過自己叫咩名，當下，我就係一個失敗嘅奇拿。
反正都無得裝寬頻，我都唔同佢傾，佢話下星期就下星期啦。
收線之後，坐喺一個無wifi嘅地方，漫無目的，回憶人生種種，過去嘅一幕幕喺眼前閃現，風塵僕僕嘅遊子，終於決定搭巴士返屋企。
一個鐘車程，返到屋企，打開大門，手機自動連上Wifi，家嘅安穩湧上心頭，令人卸去一身防備。
兩日無瞓嘅我突然覺得好攰，好想瞓覺。
就喺呢個時候，一個電話打嚟：「喂，係咪伍生呀？我係裝寬頻嘅師傅呀，我到左你樓下喇！」
屌那星！又要搭一個鐘頭巴士出返去。
我又攰又燥咁出門口，沿途師傅仲不斷打嚟，又話今日可能做唔切，又問我仲有幾耐到。多番轉折，返到Studio，我終於見到個師傅。
師傅：「啲Sales話無約到？無理由啦！你個modem喺我度，可能係啲判頭玩嘢，我地呢行多勞多得……」
我已經攰到極致，但係個師傅對住我，好似重遇多年老友咁，不斷傾吐心聲，由拉線講到拍攝，師傅表示自己熱愛拍攝，仲話自己有玩航拍同Gopro，閒時仲會自學Premiere同After Effects。
我話：「係囉，係囉，你得閒拍多啲嘢。」
我睇住師傅裝左一個鐘，我地就傾足一個鐘，最後佢終於裝完上到網。
師傅臨走前話：「如果你買router，最好買華碩！」
苦候多時，終於有網絡，我即刻衝落街搵華碩router，咁啱樓下就有間電腦舖，店員認得我，仲收順我一百蚊，守得雲開見月明，我終於行好運。
我攞住個router，好開心咁跑返Studio，一插落modem，結果即刻斷線。
嚟到呢一步，我真係接受唔到呢個結局，於是我試晒所有方法，我reset modem同router，又換過lan線，又試過熄埋電源……
最後我發現，根本唔關個router事，係個modem本身連唔到線。
我翻轉部modem一睇，上面寫住Huawei。
我打返去香港寬頻，佢地話呢幾日，所有師傅都放假，可能仲會去玩航拍，最快都要下星期先有人嚟睇。
香港寬頻電話網絡 在 簡單幾個步驟教你接駁香港寬頻Wi-Fi管家How to ... - YouTube 的八卦
... for other routers 03:59 - Wi-Fi管家, 網絡 數據機及寬頻電話機燈號介紹Status lights on the ... Hong Kong Broadband Network ( HKBN ) Website: ... ... <看更多>