【「第27屆香港舞台劇獎」電視版 】
King Sir鍾景輝奪舞台劇獎終身成就獎：http://bit.ly/2HXpsUJ
上周三（18/4）於中環香港大會堂舉辦的劇壇年度盛事 —— 「第27屆香港舞台劇獎頒獎禮」，將於今夜（28/4）晚上23:00在港台電視31播出2.5小時精華版。小弟當晚有到現場欣賞，雖然製作資源有限，但人才是重點，貴為「新任劇帝」的司儀 王耀祖 Joe Wong 主持非常生鬼，由於真性情向來是劇場的核心，所以連帶所有嘉賓都有嗰句講嗰句，正爆程度、大膽程度，絕對比「香港電影金像獎」優勝，所以強烈推薦這個Show預「金像獎頒獎典禮」創作組的人收看。
頒獎嘉賓有葉德嫻、鄧萃雯、商天娥、羅冠蘭、劉玉翠、譚偉權 Gary Gor Gor、 廖碧兒 Bernice Liu、黃德斌等等。當晚重點之一，當然是King Sir鍾景輝獨終身生就獎。
而另一重點，是今屆大贏家為本地原創音樂劇《奮青樂與路》，先後奪得最佳製作、最佳導演（喜劇／鬧劇）、最佳音響設計、最佳原創曲詞以及最佳配樂共5個大獎。此劇監製是現任培正中學副校長何力高，編劇為莊梅岩，高世章負責作曲，岑偉宗則編寫歌詞，導演由方俊杰擔任，編舞是張月盈。演員合共80多位，分別來自地利亞修女紀念學校（協和）、香港培正中學、香海正覺蓮社佛教正覺中學及心光盲人院暨學校，故事講述憤世嫉俗的中學生遇上來自五湖四海的慌失失青年，一起組成另類合唱團，誓要一雪前恥吐氣揚眉，有點似港版的《吉列合唱團》（Glee），當晚的表演環節，他們重演一節，相當精彩，今年Re-Run我一定會買飛入場睇。
負責監製的培正中學準校長何力高，於台上的一番敢言，我拍爛手掌，以下是大部份筆錄講辭： 「《奮青》呢條路真係好神奇，我哋冇諗過因為同Leon（高世章）食過一餐飯，我哋今日可以行到呢一度。我諗我哋都係歷史上第一班中學生可以喺劇協呢個舞台上面攞獎。
「首先我哋一定要多謝劇協，多謝所有評審投我哋一票，多謝所有觀眾，喺度特別要多謝兩個好重要單位，利希慎基金，同埋Eric Siu，冇佢哋田既話，我哋唔會可以製作到呢個作品，希望大家可以畀啲獎聲我哋一班好專業，好有愛心嘅一班創作人，我地音樂總監Leon，填詞岑偉宗，編舞張月盈，方俊杰導演，莊梅岩編劇⋯⋯
「我哋仲有一眾嘅音樂老師，佢哋唔係剩係一班舞台工作者咁簡單，佢哋真係好有愛心，你見到頭先方俊杰講嘅嘢，我哋好多謝所有Designers，多謝大佬明同埋Carmen帶領嘅後台，仲有多謝我嘅Marketing Team，Fiona，Ada，同埋成渣兄弟姊妹，因為時間無多，喺度多謝四間學校嘅校長支持我哋，畀我哋真係去咁放肆做呢件事情⋯⋯
「最後我想講兩樣嘢，我真係好想講，因為我估呢一世都冇機會再上呢個舞台㗎喇，我想講呢，我地呢部戲叫《奮青》，我哋成日都覺得香港嗰啲係『廢青』，或者係憤怒嘅青年，我哋特登改呢個名，佢哋係一班奮鬥嘅青年，呢班嘅後生仔，佢哋真係好平凡，佢哋有唔識廣東話嘅外籍人士，佢哋有啲講廣東話比外籍人士更難聽嘅內地人，我地有睇唔到嘢嘅同學，我哋走埋一齊，真係我們在一起we are together（大會主題），我哋經歷咗半年，我覺得其實只要大人肯畀一啲機會佢哋，肯畀最好嘅訓練佢哋，畀最好嘅資源佢哋，其實佢哋可以成就一套好戲㗎，我哋嘅細路係有希望㗎！有前途㗎！佢哋係做到一啲嘢㗎！
「所以如果佢哋係做唔到嘢嘅話，其實可能係我哋大人嘅責任！第二樣嘢，我想講嘅係，我知道今晚有好多可能有政府嘅人喺度，我會再講一次，可能好多有財有勢嘅達官貴人，好多能夠影響香港政策嘅人，我覺得香港政府嘅藝術教育，實在做得太唔足夠，我覺得作為一個教育工作者，我覺得香港政府欠咗我哋啲學生，我覺得香港政府應該擺更多資源，如果體育係必修科嘅話，我覺得藝術，音樂，美術，戲劇，舞蹈，呢啲藝術教育都應該係必修科，我哋嘅香港年輕人，需要更多嘅藝術教育。」
【 今晚23:00 】
「演藝匯萃：第27屆香港舞台劇獎頒獎禮」
港台電視31
圖片來源：香港電台
（28042018）
#游大東 #游大東影視筆記 #香港舞台劇獎 #香港戲劇協會 #劇協 #奮青樂與路 #莊梅岩 #何力高 #香港電台 香港戲劇協會 Hong Kong Federation of Drama Societies RTHK 香港電台 瘋show快活人網頁 貴花田 曾志豪 王耀祖 香港培正中學 #電視節目預告 快樂的 思想。隨筆 明周文化 MP Weekly 鍾景輝
香港司儀演藝協會好唔好 在 香港司儀演藝協會宴會統籌及司儀證書課程畢業學員Nicky實習 ... 的八卦
Your browser can't play this video. Learn more. Switch camera. ... <看更多>