某日由日本飛夜機返香港，全院滿座都心知不妙，正當以為無風無浪就出事啦
話說豆腐做商務艙，上客嘅時候咪去Welcome Drinks囉，見到有客上黎咪講句「你好，歡迎登機」講句「Welcome Onboard」囉，輪住講不停講，好似佛經機咁不停播，呢個時候有位就黎三十歲疑似香港人嘅女士上機喎
豆腐「Good Evening, Welcome Onboard」
佢望住我，睥左我一下。
港女大大聲「頂你，我香港人黎架」
然後不帶走一片雲彩就走左落去經濟艙，消失於二百人當中
後來同呀姐研究左一輪之後，終於知道點解我比人頂，係因為我地全部人都同佢講英文，咁佢覺得我地應該要同佢講廣東話先岩。其實你額頭真係冇鑿住香港人三個字，加上我地迎賓三寶一個新加坡姐一個日本呀姐再加多個偽泰仔，包容下啦。
有時候我地同香港人講廣東話，你又同我講返英文，到我同你地講英文，你又鬧我唔講廣東話，媽呀好矛盾呀，講廣東話定英文先岩呀
不過我知講國語就死硬，因為見證過N咁多次班玻璃心轉頭鬧爆我當你係大陸人 🇨🇳
其實你地可以同我地講一聲「講廣東話Okay!」或者「Speak English please」，唔洗下下都咁敏感爆我地嘅 😭
今晚都係講返句「สวัสดีครับ」穩陣啲，起碼唔會比人頂先啦 🇹🇭
香港人講廣東話 在 『廣東話教學』香港人講國語是這樣子的？|粵語懶音糾正 的八卦
『 廣東話 教學』 香港人講 國語是這樣子的？| 粵語 懶音糾正| 經典歌系列|超多地道用詞|半斤八兩『點 講廣東話 』Feat. Kermit Tam # 粵語 教學#點點終於出廣東 ... ... <看更多>