【堅持下去，並不是我們真的足夠堅強，而是我們別無選擇。】
係。我知今晚大家都驚、亦會擔心；我呢刻都會諗，到底國安法通過之後，香港會變成點？又有幾多人會被告？會取締幾多組織？拉人封艇去到咩程度？會唔會送中？被捕或入獄，自己都尚算有過幾次經驗；但後者會瘋狂到乜野程度，甚至幾個月後自己會喺邊，其實未必向身邊既人交待到。
我諗都無謂強作樂觀，睇完今晚人大個記招，大家都心知肚明，今鋪「港版國安法」，根本就係為國際戰線手足度身訂造。北京務求中斷我地累積到最能夠著力既國際線往績同工作，眾志必定係打擊對象。
今日資訊量多到唔識點俾反應，又或者都唔太知下一步點樣行落去。呢種情緒，於網絡世界感受到。下午起連登網友叫我著草既Post，我都睇到。喺Telegram Group亦有好多網友Tag我，朋友定記者都有問過我，但對我來講，答案都好簡單：「唔走」。
其實比起好多手足的付出，自己所承擔的風險實在微不足道。比起受傷、受困或漂零海外，自己挨區區百日刑期又算得係啲乜？
暴風雨前的寧靜，總係令人大家感到更鬱悶同埋吃不消。無錯，中共擺明係想消滅國際戰線，將我地一網打盡。但身邊既人點勸都好，我都覺得，我有責任去堅守呢個崗位，為延續國際線繼續創造應有既可能性，實在無放棄的理由。我從無後悔推動《香港人權民主法案》，即使有一日呢個要成為我地嘅罪名，消滅我哋嘅藉口，眾志都會以投入國際戰線為榮。
灰，人之常情。我到依家都未消化到，但我仲想同大家一齊頂落去。我好想繼續同大家作戰到底，呢場仗打左一年都未夠，我絕對唔會讓退場成為我同眾志既一個選項。民主運動來到現在的關口，就係考驗我地意志的時刻。
儘管拉人封艇，取締眾志不再是空談，留一口氣，點一盞燈，拜托大家幫忙延續國際戰線血脈：https://bit.ly/DemosistoBackup（是次籌募以美金結算）
存亡號召，絕不撤退。
香港人權民主法 在 #香港人權與民主法- YouTube 的八卦
10.7 香港人權與民主法仲有7日就過!! 市民各商場唱歌叫口號!! 踢爆黨鐵苦肉計!! · 20191120 美國參議院通過香港人權與民主法案香港高官面臨末日. ... <看更多>