【別太鞭屍】
Ben sir話齋，唔講嘢冇人話我啞；我亦都知道我講嘢對我冇任何好處、唔討好、攞唔到光環，但或許我現在比較少顧慮，所以忍唔住講多句：真係希望大家可以把槍口對翻準啱嘅位置。
一月尾嘅時候，梁卓偉因為一句「戴口罩講唔到嘢」論多日備受關注，好多人卻忽略了佢之後出黎宣佈，以模型分析預估已有4.4萬人感染。其實佢冇必要出來講一個同正式公佈確診數目差咁遠嘅數字（嗰時正式公布確診不夠1萬），佢之前嘅口罩論的確係誤導到大眾，但佢隨即道歉，且繼續出黎分享一啲或許並非緊貼官方口吻嘅報告，我覺得起碼算係(比較)有承擔，係咪要chur住佢唔放呢。
陸浩係我合作咗幾年嘅前輩，說實話佢一直照顧後輩，有幾次我同fyy出大show出錯佢都幫我地補獲carry我地；當然，講到良知嘅時候唔可以被私人感情左右；佢呢一次佢固然係大錯特錯，但佢緊接講錯嗰句之後，佢係話「係因為有個廣州人喺內地食…」然後yy話「係佛山」；資料都未必係啱，但係可見應該係一個口誤，佢當時應該係知道由內地傳落黎。
當然，呢個口誤好嚴重、佢責無旁貸；而陸浩亦即刻出黎道歉。大家可能對於佢同某些其他前輩嘅關係而有所意見，比較圓滑係佢做人處事嘅方式，但係佢點都係一個試過喺《後生仔》大嗌「唔好搞我後面」、一直專注香港市場、專注做廣東話節目嘅主持。
佢係錯，而我之前未睇清楚段片就評論咗都係錯，剪接組冇修正係錯，字幕組照配字幕係錯... 但希望大家關注咗呢件事之後，可以將關注放喺啲真係黑心、不道德、埋沒良知嘅人上面。謝謝🙏
#香港不是沙士源頭
PS 會向監製表達，應該係節目上面澄清番
補充：唔係話道咗歉就等於冇事，絕對係有事；講一個比喻，殺人都有分謀殺同誤殺；誤殺所做嘅傷害都係永不磨滅，但比起謀殺，誤殺唔deserve坐同樣甘多年監。佢絕對需要面對同埋承擔後果，但更應該需要面對同承擔後果嘅應該係謀殺嗰啲人！
